سؤال فى اللون الاصلى لاكصدام الفيرنا

[elgentel]

مساء الجمال على احلى رجالة فى المنتدى
انا نويت انى اشترى فيرنا و فعلا رحت لقيت واحدة 2006 1500 سى سى و العربية جميلة ماشاء الله
بس لاحظت حاجة اولا الراجل قايلى انها بوية فابريكة و العربية مفهاش مشكلة فى البوية على مستوى العربية كلها
المهم انى لاحظت ان الاكصدام متقشرة البوية من علية قولت عادى لازم يكون فيها حاجة كدة
المهم اتفقنا اننا هانروح كمان يومين نشوفها فى التوكيل و بعد كدة نخلص
المهم انى بعد ما مشيت افتكرت ان اللون البلاستك بتاع الاكصدام اللى تحت البوية على رصاصى شوية
و انا ملاحظ ان كل العربيات الفيرنا اكصدامها تحت اللون بيكون لون اسود

فهل د قطع غيار يعنى مش الاصلى ولا ممكن يكون الاصلى باللون د
و اعرف ازاى

لانه لو كدب عليا فى النقطة دى تبقى ممكن العربية مرشوشة او ملعوب فى اى حاجة تانية انا مش مشكلتى الرش انا مشكلتى عدم الامانة

ربنا يكرمكو ردو عليا بسرعة قبل ما اتدبس

[elgentel]

للرفع++++++

[ابو فرح]

حضرتك لما تروح التوكيل ان شاء الله يطمنوك احسن
وربنا يوفقك

[elgentel]

ماهو انا عاوز اعرف راسى من رجلى يا ابو فرح
قبل ما اروح التوكيل و اكع 150 جنية

لو عرفت الموضوع د من دلوقتى مش هاكمل لانه مش صادق
و لكن لو حد قال ان اللون د موجود يبقى انا كان عندى سؤ ظن و الواحد بيفتكر الوحش قبل الحلو

[m_mekkawy]

لا الصدام الأورجنال لونه اسود مطفى هو احتمال يكون مغيره بره الوكاله

[elgentel]

شكراااااااااا جزيلا

كدة يقى الكلام اللى اتقال مش صح و يشككنى فى كل كلمة

شكرا مرة اخرى