استفسار هام بخصوص خرطوم الباور

[sh_masry]

السلام عليكم

عندى استفسار بخصوص خرطوم الباور لعربيه الانترا موديل 2006 (الشكل الأقدم من الحالى) ... و استفسارى انى رحت للميكانيكى علشان اعمل الصيانه العاديه لاقيته بيقولى خرطوم الباور عايز يتغير و لسه المشكله فى اولها و لكن الخرطوم مرشح زيت , و الحل فى رأيه انى اغير الخرطوم من عند الناس اللى بتشتغل فى الخراطيم الهايدروليك و كبس الزيت وكده ..... فسؤالى اروح لحد زى القاضى او سكركيس اللى فى جسر السويس (هم قالولى معروفين بالموضوع ده) وللا اجيب خرطوم باور كامل اصلى من التوكيل و اركبه احسن ؟؟؟ مع العلم ان عند بتوع الخراطيم الهايدروليك هادفع فى حدود 150 (تغيير الخرطوم بالمصنعيه ) و من التوكيل هاجيبه ب 740 + المصنعيه و من بره التوكيل بس اصلى برده ب 285 + المصنعيه .....
محتاج رأيكم بجد و ضرورى السرعه علشان عايز اعمله بسرعه .
و شكرا لكم ,,,,,,,,,,

[sh_masry]

[marq="3;up;3;scroll"]
up up up up up
[/marq]

[soucou]

أنا كان عندي نفس الموضوع في كوبيه , (نفس مكنة بتاعتك على فكرة ), و معايا من أول الزيرو , مغاير 3 خراطيم لغاية النهرادة
انسى موضوع التوكيل ده تماما علشان استغلال مالوش لازمة خالص , أحسن حاجة تفك الخرطوم و تجيب واحد زيو بس يكون ضغط عالي , و مش هاتصدق آخر ط\\خرطوم أنا مغيره هو ابو 750 في التوكيل , جبت واحد زيه من غير الأكور (الحتة الحديد ) على شان سليمة ب 25 جنيه من شارع دمشق

[sh_masry]

شكرا لردك و سؤالى جبت الخرطوم ب 25 جنيه منين من شارع دمشق و صناعته ايه ؟؟؟ و يا ترى عايش معاك وللا رشح زيت تانى ؟

[soucou]

من عند نافع , ناصية شارع بيروت (عنده كل حاجة على فكرة) , مش عارف صناعة إيه , بس لحد دلوقتي شغل زي الفل