غيرت كوتش الالنترا وعملت حركه جريئه

[yasso77]

المهم انا معايا النترا 2008 عامله 55000 بس حاله الكوتش كانت سيئه جدا فقررت اني اجيب كاوتش جديد وقعدت ادور كتير واقارن بين الانواع والاسعار لغايت ما استقريت علي اني لازم اجيب ميشلان علشان الغالي تمنه فيه
وبعد كده جت مرحله اختيار المقاس لان العربيه كانت نازله ب 15-185\65 وينفع يركب عليها 15-195\65 او 16-205\55
وبعد كتير من التفكير قررت اني اجيب المقاس ده 15-205\65
ومش هاقولكم كان فعلا تحفه العربيه عليت شويه ونعمت اكتر في المطبات ورسيت اكتر في الملفات
وكذا واحد صاحبي معاه النترا لما شاف العربيه قرر انو يغير ذي لدرجه ان واحد صاحبي لشه عربيته عامله 35000 وغير نفس المقاس بتاعي من شده اعجابه بالفكره
وعلي فكره سعر الفرده كان 600 جنيه وصناعته ايطالي

[hosammoner]

عايز اشكرك على المعلومة دى لانى بالصدفة بغير الكاوتش بتاعى وفعلا كنت محتار اركب 205 ولا هيبقى تقيل وناشف عليها بس كلامك فدنى كتير بس عايز سئلك سؤال هو على 65 دا مش يبقى عالى اوى يعموم العربيه يعنى ولا ايه

[yasso77]

لا مش هيبقا عالي قوي دا الفرق كله هيبقا 1 سم توكل علي الله وركب المقاس ده بس هات ماركه نضيفه

[mido777]

انا ركبت المقاس التانى 195 / 65 وبرضه حاسس بفرق للأحسن