سؤال عن الفيرنا سعرها و اماكن الكشف عليها

[Ahmad Aboul Fotouh]

السلام عليكم و رحمة الله و بركاته
أرجو من خبراء الهيونداي ان يدلوني علي مكان موثوق فيه اكشف فيه علي عربيه فيرنا لاني هشتري عربيه فيرنا وعاوز اكشف علي كل حاجه
اصل انا بصراحه مليش خبرة في العربيات و معرفش حد بيفهم فيهم

بالمرة اسالكو عن سعرها: فيرنا كاملة اوتوماتيك 1600cc 2004 عاملة 55 الف كيلو فبريكا بره و جوه بس فيها بعض الخرابيش و خبطة في الاكصدام الامامي و الخلفي و عاوزة تغيير كاوتشات لانها لسه بكوتشات الفابريكا حتي الان و بها بطارية جديدة و مش متهانة

مطلوب فيها 55 الف ايه رايكو

الرجاء الرد العاجل

[Tamer-Ezzat]

السعر مش وحش بس الخبطات دى تكون حتستعدل مش حتضطر تغير اكصدمات ولو تقدر تخصم ثمن الكاوتش يبقى ممتاز ...

بالنسبة لمكان للكشف يستحسن تروح التوكيل يشيك على كل حاجة فى العربية وشوف المالك الاول كان بيعمل صيانة دورية ولا أيه ...

[Ahmed Anwer]

فيه ميكانيكي ممتاز ،،

متخصص في الهيونداي بس ، شغال في غبور و حافظ الفيرنا مسمار مسمار

اللي معرفني عليه م / كريم منير ،،

اسمه وجدي هيونداي ، موبايله : 0122322817 و ورشته في الحرفيين

قله من طرف م / كريم منير ،، بعد إذن م / كريم

السعر اعتقد معقول ،، و لو نزل الف أو ألفين يبقي ممتاز

[Ahmad Aboul Fotouh]

اصل انا عاوز ارفعها و اكشف عليها كويس بس خايف التوكيل ياخد وقت كبير
محدش يعرف بنزينه كويسه فيها كشف كامل
بالنسبه للسعر هوه ماسك علي 55 الف

[aymanassem]

روح كالتكس اللي على ناصية عباي العقاد مع مصطفى النحاس .. بيدولك تقرير عن كل حاجة .. ده عن تجربة بعض الاصدقاء .. وليست تجربة شخصية

[Ahmad Aboul Fotouh]

انا خلاص كلمت مهندس عاطف عبد السميع من غبور ,اخد رقمه من المنتدي هنا, و اتفقت معاه هروحلو بكره اكشف عليها في التوكيل في ابو رواش,
بس اخر حاجه بقه هي السعر انا خايف ليكون غالي اوي لاني إن شاء الله هبيعها بعد اقل من سنه و مش عاوز اخسر كتير, في ناس قالولي تسوي من 50 الي 52 (لو كده هيكون الفرق كبير) يعني الاراء متفاوته و حتي الان مش عارف ايه هوه السعر الحقيقي
ايه رايكو يا جماعه, يا ريد تشورو عليه لاني ممكن اخلص فيها بكرة او بعده

[Ahmad Aboul Fotouh]

شكرا للمهندس عاطف عبد السميع

السلام عليكم و رحمة الله
احب اقولكو اني رحت هيونداي في ابو رواش و بصراحه المهندس عاطف عبد السميع قابلني بنفسه ووصي عليه الناس هناك لاني من طرف نايل موتورز وعملي تخفيض كمان علي تمن الفحص
بالنسبة لنتيجة الفحص
1- العربيه محتاجه تغيير حساس فتيس اوتوماتيك تقريبا ب 500 جنيه
2- محتاجه تغيير خرطوم زيت الباور
3-محتاجه تغيير 2 مساعد امامي تقريبا الواحد ب 500 جنيه
4-محتاجه 2 اكصدام
5- اربع كاوتشات و جنط

باقي العربيه كويسه بس انا مشتريتهاش لان صاحبها مسك علي 54 الف و ده غالي بالنسبه للحاجات اللي عاوزه تتغير فيها


اشكركم و اسف علي الرد المتاخر

[Ahmed Anwer]

انا رأيي لا تظلم البائع و لا تظلم نفسك

طبيعي عربية بقالها اربع سنين في الشارع يكون فيها مصاريف

الحل انك تحسب مصاريف الحاجات دي بره التوكيل تتكلف كام

و تتحمل جزء و البائع جزء ،،،

و في كل الأحوال علي الأقل متزيدش عن 52 الف

[Ahmad Aboul Fotouh]

بصراحه هوه اصلا مكنش مقتنع ان العربيه محتاجه الحاجات دي و بيقول التوكيل بس بيبالغ ده غير ان كل الناس قالولي 54 غالي عليها

[HeMa1981]

عامة هو سعرها في السوق فعلاً لو نضيفة جداً 55 الف
لو محتاجة شوية تظبيطات توصل ل 25 مثلاً

[Hossam.Hamdy]

الاكصدامات مش لازم تتغير ...تروح لاى بتاع فايبر او بلاستيك هيعدله...العربيه سعرها حلو...وانت ممكن تجيب الحاجات ده من بره التوكيل بس حساس الفتيس خليه فالتوكيل احسن