أرجو الرد من مالكى الالنترا فقط ..

[tefafathy1]

السلام عليكم ..

بصراحة انا متردد بين الالنترا و سيارة تانية (كارنز) , هو الموضوع مش مقارنة حتى لا يتم النقل ..

الموضوع إنى عاوز أعرف هل هناك عيوب جوهرية فى الانترا ؟ وهل هناك فرق بين الوكيل و الخليجى ؟

السؤال الثالث و الأهم .. هل الباور بيفصل او بيتقل كويس بعد 120 كم/س ؟؟ وللا بيفضل ناعم ؟؟

ناس كتير قالت بيفضل زى ماهوه وده خطر جدا , انا بصراحة مش عاوز تخمينات من ناس مركبتش العربية عشان كده طالب مساعدتكم انتو ..

مع العلم إنى عاشق السفر كتير فا ممكن نقول ان130 او 140 او 150 هيا السرعة المفضلة ليا .. يعنى المتوسط ده ..

وهل الـ a.b.s مهمة ؟ يعنى مستاهلة فرق المبلغ ؟؟

أرجو مساعدة الخبراء مالكى إلنترا وجزاكم الله كل خير :)

[tefafathy1]

معقول ولا واحد من ملاك الالنترا دخل الموضوع ؟؟

يارب حد يساعدنى بسرعة :(

[venomixus]

باشا أنا عندي النترا 2010. العربية جميلة جداً. عفشه ناعمة. الباور أكتر من ممتاز وبيفصل طبعاً مع السرعات العالية. المشكلة بتاعت الباور دي كانت في الموديلات القديمة واتظبطت. العربية فيها عيبين. 1- الصاج مش ناشف قوي والبويه مش واخده حقها (بس ده عيب في كل عربية مش أوروبي ولا أمريكي) 2- لما بيكون فيه ناس راكبه على الكنبه اللي ورا العربيه بتخبط من تحت في المطبات (ده مش عيب عربية ده عيب تصميم المطبات الزباله) غير كده العربية أدائها ممتاز وسمعتها حلوة وسعر اعادة البيع بتاعها كويس أوي وعليها اقبال

[tefafathy1]

متشكر لردك و أهتمامك يا زعيم .. قولى انت مجربتش السفر بيها على سرعات عالية ؟؟ الثبات عامل ازاى ؟؟ وبتاعتك خليجى وللا وكيل ؟؟ هل بيفرق ؟؟

و محدش قالى الـ a.b.s مهم فيها وللا ملهاش لازمة ؟؟ :(((

[venomixus]

متشكر لردك و أهتمامك يا زعيم .. قولى انت مجربتش السفر بيها على سرعات عالية ؟؟ الثبات عامل ازاى ؟؟ وبتاعتك خليجى وللا وكيل ؟؟ هل بيفرق ؟؟

و محدش قالى الـ a.b.s مهم فيها وللا ملهاش لازمة ؟؟ :(((

عربيتي وكيل مش خليجي.. من وجهة نظري مش بتفرق في أي حاجة لأني عن نفسي مش بعمل صيانة في التوكيل. ولا يهمني الضمان خالص. أنا بعملها صيانة عند ميكانيكي بتعامل معه من 10 سنين وشغله نضيف جداً. أما بالنسبه للفرامل ممتازه جدا ولكن ده ميمنعش ان العربيه بتزحف لما تفرمل فجأة على سرعه عاليه. أنا سافرت بيها والعربيه كانت ثابت على 150 مزودتش عن كده

[katz]

العربية زى الفل و الباور راااائع و على فكرة انابحكم شغلى دايما مسافر و سرعتى على الطريق الساحلى من 160 - 190

الاية بى اس فى رايي مهم جدا جدا

[tefafathy1]

متشكر على الردود جدا يا رجالة .. والله الموفق بأه :)

[tefafathy1]

يعنى ايه esp ?? وهل هوه موجود فى الالنترا 2010 او 2011 وللا لأ ؟؟

[venomixus]

ESP stands for (Electronic Stability Program ده موجود في الالنترا 2010 وده نظام مختلف عن نظام مانع الانزلاق في الفرامل... ده نظام بيحافظ على توازن العربية ... يعني بينفع لو انتى ماشي على سرعه وفرملت جامد.. ده نوعاً ما بيمنع الدريكسيون انه يعوم في ايدك وبيمنع العربية انها تتقلب.

منقول:

أى التحكم الذاتي للسيارة في فرملة العجل انفرادياً لمنع السيارة من الاستجابة لقوى
الطرد المركزى في المنحنيات، فعلى سبيل المثال تتم فرملة العجلة الأمامية الخارجية للمساعدة
في عدم خروج السيارة عن مسارها في المنحنيات حتى لو كانت مسرعة،
و ببساطة فمعنى هذا صناعة السيارات تريد أن تثبت بذلك أنه حتى الذين لا يعرفون من
فنون القيادة شيئاً فإن بإمكانهم الاستمتاع بالأمان مع استعراض مهاراتهم في
محاولة قلب السيارة او عمل حادثةبالسيارة، وذلك لانالسيارة لن تستجيب لهم
و ستظل ثابتة مهما أخطأوا، هذا بالطبع إن كان في مقدورهم دفع ثمن تلك التكنولوجيا

[mcml_13]

انا معايا النترا 2010 و العربية جميلة و ناعمة و الباور جامد جدا و سيبك من الكلام اللى بتسمعه عشان اى حد بقى بيتكلم فى اى حاجة مالوش فيها دلوقتى
و فى نفس الوقت الكارينز عربية روعة فى كل حاجة و كفاية الوسع الرهيب اللى فيها
يعنى اقدر اقولك لو انت غاوى جرى و حركات و سواقتك شبابية اكتر يبقى هات النترا
و لو عاوز سيارة عائلية و واسعة و مش فارقة معاك قوى الجرى و الحاجات دى يبقى هات كارينز
شوف بقى انت عاوز ايه و هاته :d:d:d:d:d