إعـــــــلان

Collapse

.

,
See more
See less

مشكلة فى سحب النيو أكسنت اوتوماتيك 2010

Collapse
X
 
  • Filter
  • الوقت
  • Show
Clear All
new posts

  • مشكلة فى سحب النيو أكسنت اوتوماتيك 2010

    الساده اعضاء نايل موتورز لكم منى الف تحيه،
    الموضوع ببساطه عندى مشكله حصلت من بعد صيانة الالف كيلو
    العربيه كانت ممتازه جدا وقشطه زى ما بيقوله وزى السكين فى الحلاوه على الطريق.
    المهم عملت صيانه الاف من شهر ونص وعملت فى العربيه الاتى
    1- تربيط عفشه
    2- وضع السياره على جهاز الجى سكان لبيان حالة الموتور بعد اول الف كيلو
    3- غيار زيت شيل 7500
    4 مراجعة وتظبيط دورة التكييف

    المهم خرجت من التوكيل حسيت ان العربيه متكلبشه وبتمشى بالعافيه يعنى عشان اجرى بحس ان الموتور بيتعب اوى يعنى بيبذل جهد عشان يجرى عكس ما قبل ما كنت ادخل التوكيل يعنى حسيت كده فى ساعتها
    المهم طلبت تحديد موعد صيانه اخر ولكن كان رد مسئول قسم الصيانه بعد ارسال احد مندوبيه معى لتجربة السياره ان الفرامل مشدوده شويه ومع الوقت هتلاقى العربيه رجعت زى الاول
    المهم قولت امشى واسمع الكلام لغاية اما اشوف ايه هيحصل بعدد شويه
    الهاند بريك بدأت احس انو بقى اخف من الاول وبقى يطلع معايا عادى مثلا 5 تكات ولكن استيل العربيه لسه تقيله وخصوصا لما اشغل التكييف
    حجزت موعد صيانة تانى وروحت وواحد طلع معايا وجرب العربيه وحطها على جهاز الجى سكان للكشف اذا كان هناك عيب بالموتور او الفتيس وكنت معاه ساعتها لكن العربيه ما طلعتش اى عيوب على الجهاز وقالى ان العربيه ما فيهاش حاجه يا بيه
    المهم انا ما كنتش عارف اعمل ايه بس انا عارف عربيتى وعارف كانت ايه قبل صيانة الالف
    لكن دلوقتى مش عارف احل الموضوع ده ازاى وخايف امشى بيها كده كتير يكون ده مؤثر على الموتور او الفتيس
    يبقى بدل ما كنت لحقت حل المشكله يبقى نيلتها اكتر

    المهم انا عاوز مساعدتكم واقتراحتكم وخبراتكم فى انى اعمل ايه دلوقتى

    وشكرا
    16
    شخصى
    0%
    6
    السيارة
    0%
    2
    التوكيل
    0%
    8

    The poll is expired.


  • #2
    طيب ما تجرب تروح اى مركز خدمة معتمد علشان التوكيل مش بيحب يتعب الصنايعية ويخليهم يشتغلوا بيحب يدفيهم وما يتعبهمش ده لو كانوا عارفين العيب فين اصلا وكان المفروض اول لما خرجت من التوكيل ولاقيتها كدة كنت لفيت ورجعت لهم في مركز خدمة معتمد اسمه مودرن سيرفيس كويس ولو انت تعرف اى مركز خدمة معتمد رحله ولو تعرف تظبطها من التوكيل روح بس لو المشكلة من الفرامل زى ما بيقولوا الضرر ان تيل الفرامل الخلفية لو كانت المشكلة فيها التيل هايتاكل وغير كدة المفروض فرامل اليد بعد 3 تكات تتقل اوى
    لا تجادل الاحمق فقد يخطئ الناس في التفرق بينكما:fun_10_9_134[1]:

    Comment


    • #3
      انت حكمت ان العربية تقيلة ازاى يعنى مجرد احساس و لا سحب العربية اختلف عند ار بى ام معين ... ممكن تحيكلنا عشان نقدر نساعدك صح
      [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
      [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

      hamdymsr سابقا

      Comment


      • #4
        المشاركة الأصلية كتبت بواسطة mshmshm3 مشاهدة المشاركة
        طيب ما تجرب تروح اى مركز خدمة معتمد علشان التوكيل مش بيحب يتعب الصنايعية ويخليهم يشتغلوا بيحب يدفيهم وما يتعبهمش ده لو كانوا عارفين العيب فين اصلا وكان المفروض اول لما خرجت من التوكيل ولاقيتها كدة كنت لفيت ورجعت لهم في مركز خدمة معتمد اسمه مودرن سيرفيس كويس ولو انت تعرف اى مركز خدمة معتمد رحله ولو تعرف تظبطها من التوكيل روح بس لو المشكلة من الفرامل زى ما بيقولوا الضرر ان تيل الفرامل الخلفية لو كانت المشكلة فيها التيل هايتاكل وغير كدة المفروض فرامل اليد بعد 3 تكات تتقل اوى
        انا قولت تهيأات ولا حاجه قولت امشى بيها شويه لكن عقبال ما طلعت الدائرى والوصله الجديده ابتديت الاحظ اوى، المهم لما روحت على طول كلمتهم وطلبت رقم مهندس الصيانة الى كان معايا منهم بس للاسف معرفتش اوصله وحجزت موعد الصيانه التانى وهكذا الثالث زى ما حكيت فى الاول ، بالنسبه للفرامل هى فعلا كانت بتتقل من اول تكه بس دلوقتى بعد تانى او تالت تكه وبعدين زى ما قولتلك انا بلاحظ ده اكتر مع التكييف بحس العربيه اتكتفت والغيار بيطلع روحه عشان ينقل احساسى به كده ، على فكرة انا مش من هواة القرص والجرى بس بحس العربيه تبقى ناعمه معايا مش اكتر. المهم هل انا لو روحت اى مركز معتمد هيهتم ان العيب ده ظهر منهم هما ولا لازم اروح ابو رواش التوكيل الى انا عملت فى الصيانه.

        Comment


        • #5
          المشاركة الأصلية كتبت بواسطة hamdymsr مشاهدة المشاركة
          انت حكمت ان العربية تقيلة ازاى يعنى مجرد احساس و لا سحب العربية اختلف عند ار بى ام معين ... ممكن تحيكلنا عشان نقدر نساعدك صح
          ميرسى يا استاذى الفاضل جدا لاهتمامك‘ بس هو مجرد سؤال برده لحضرتك عمرك ماحسيت ان عربيتك غريبه تحت رجليك، هو نفس الاحساس الى جالى انا كنت ادوس بنزين الاقى العربيه بتجرى معايا بدون مشاكل وبدون معاناه لغاية ما دخلت التوكيل وعملت الى قولت لحضرتك عاليه وانا مروح حاسس ان العربيه مخنوقه مش عربيتى يعنى وكمان الطينه بتزيد بله لما اشغل التكييف، يا جماعه انا ممكن اكون ببالغ بس فى حاجه غريبه حصلت لما بقرص العربيه بتمشى يعنى مثلا اجيب 120 على 3 ار بى ام بس ال 120 بحس انها بتيجى بالعافيه ومش عاوز اقرص انت عارف الماتور لسه جديد مش عاوز اضيع كفائته فى الاول عشان كده الموضوع شاغلنى وانا شاغلكم بيه.

          Comment


          • #6
            طيب روح التوكيل تاني ونصيحة ما تمشيش من هناك الا و العربية سليمة 100% طالما كانت داخلة التوكيل سليمة وخرجت فيها حاجة ارجعلهم تاني ما تروحش مركز خدمة لان اللى حصل ده حصل في التوكيل وممكن اول ما تدخل حاول تشوف كبير المهندسين او الرئيس بتاعهم واحكيله المشكله وان شاء الله بسيطه حلها مش بياخد 5 دقائق بس هما اللى تقال في الشغل
            لا تجادل الاحمق فقد يخطئ الناس في التفرق بينكما:fun_10_9_134[1]:

            Comment


            • #7
              المشاركة الأصلية كتبت بواسطة mshmshm3 مشاهدة المشاركة
              طيب روح التوكيل تاني ونصيحة ما تمشيش من هناك الا و العربية سليمة 100% طالما كانت داخلة التوكيل سليمة وخرجت فيها حاجة ارجعلهم تاني ما تروحش مركز خدمة لان اللى حصل ده حصل في التوكيل وممكن اول ما تدخل حاول تشوف كبير المهندسين او الرئيس بتاعهم واحكيله المشكله وان شاء الله بسيطه حلها مش بياخد 5 دقائق بس هما اللى تقال في الشغل
              انا فعلا هعمل كده لتالت مره علما باننى كنت متفاهم فى المرتين الاوليين وبرده على فكره فى المرتين دخلت لكبير المهندسين بس المره ده بقى فعلا انا مش همشى لانى احساسى بيقولى انهم لما ظبطوا التكييف ممكن يكونوا قرصوا شويه على السيور لان العيب المشكله ده بتبان معايا فى التكييف اكتر ربنا يستر واكيد سليمه هما ناس محترمين (المهندسين ورؤسائهم) بس ممكن يكونوا الفنيين هما الى بيكسلوا يقولوا ان فى حاجه او يشتغلوا او يشغلوا صنايعيتهم

              Comment


              • #8
                المشاركة الأصلية كتبت بواسطة amgadtoma مشاهدة المشاركة
                انا فعلا هعمل كده لتالت مره علما باننى كنت متفاهم فى المرتين الاوليين وبرده على فكره فى المرتين دخلت لكبير المهندسين بس المره ده بقى فعلا انا مش همشى لانى احساسى بيقولى انهم لما ظبطوا التكييف ممكن يكونوا قرصوا شويه على السيور لان العيب المشكله ده بتبان معايا فى التكييف اكتر ربنا يستر واكيد سليمه هما ناس محترمين (المهندسين ورؤسائهم) بس ممكن يكونوا الفنيين هما الى بيكسلوا يقولوا ان فى حاجه او يشتغلوا او يشغلوا صنايعيتهم
                لو عرفت تجرب نيو اكسنت من عندهم يبقي هاتوضح لهم اكتر وما تقلقش دى حاجة بسيطة
                لا تجادل الاحمق فقد يخطئ الناس في التفرق بينكما:fun_10_9_134[1]:

                Comment


                • #9
                  المشاركة الأصلية كتبت بواسطة mshmshm3 مشاهدة المشاركة
                  لو عرفت تجرب نيو اكسنت من عندهم يبقي هاتوضح لهم اكتر وما تقلقش دى حاجة بسيطة
                  ده برده فكره كويسه هحاول اعمل كده

                  Comment


                  • #10
                    أنا حصل معايا نفس المشكله في أبو رواش الحل يا باشا خلي أي حد ميكانيكي يبصلك على فرامل اليد والتيل الخلفي وما تقلقش يا باشا الموضوع أن شاء الله مش أكتر من كده

                    Comment


                    • #11
                      المشاركة الأصلية كتبت بواسطة msa1512 مشاهدة المشاركة
                      أنا حصل معايا نفس المشكله في أبو رواش الحل يا باشا خلي أي حد ميكانيكي يبصلك على فرامل اليد والتيل الخلفي وما تقلقش يا باشا الموضوع أن شاء الله مش أكتر من كده
                      انشاء الله يا باشا وميرسى لاهتمامك بس ليا سؤال اروح التوكيل ولا اى حد بره ممكن يبص عليها؟
                      شكرا

                      Comment


                      • #12
                        وأنا كمان حصل معايا نفس المشكله في أبو رواش وتلعت المشكله انهم رجلشو جامد علي التيل الخلفي
                        علي فكره مش هروح تاني الصيانه لانهم في النوكيل كل الصنايعه بيكروتو وخلاص والعربيه بتطلع اسوا مما كانت عليه والاخرادفع فلوس
                        انا اخر مره بعد ما عملت صيانه العشره الاف وغيرت زيت عشره وبوجيهات وفلتر هوا وبنزيم ودفعت 750 جنيه لاقيت الزيت اسود ولا كانه اتغير ولاقيت سحب العربيه مش زي الاول روحت غيرا زيت وفلترزيت وبوجيهات ngk تاني كلفوني كلهم 390 جنيه

                        Comment


                        • #13
                          المشاركة الأصلية كتبت بواسطة amgadtoma مشاهدة المشاركة
                          انشاء الله يا باشا وميرسى لاهتمامك بس ليا سؤال اروح التوكيل ولا اى حد بره ممكن يبص عليها؟
                          شكرا
                          نصيحة ما تروحش لاى ميكانيكي علشان هايعمل نفسه ابو العريف وهو donkey روح التوكيل او اى مركز خدمة معتمد ومراكز الخدمة احسن من التوكيل في حاجة انهم عايزين يكسبوا زبائن ولو رحت وعندك مشكلة وما اتحلتش هاترجع لمدير المركز وبعد ما تمشي من عندهم بيومين هايكلموك يقولولك العربية اخبارها ايه وبيعملوا كل حاجة بضمير ويتمنوا رضا العميل عنهم في مركز خدمة اسمه مودرن سيرفيس عند السندباد معاملتهم كويسة جدا جدا ده بديل التوكيل تقدر كمان تعمل فيه صيانات العربية بس طالما العيب حصل في التوكيل روح التوكيل
                          لا تجادل الاحمق فقد يخطئ الناس في التفرق بينكما:fun_10_9_134[1]:

                          Comment


                          • #14
                            هو انا برضه حسيت بنفس الشعور بعد صيانة الألف....و تغلبت على الشعور ده بعد فتح الموتور او القرص عليه.....و للعلم القرص على الموتور مفيد مش مهلك زي ما ناس كتيير متخيلة....انا كنت مستلم العربية اول ماريح رجلي على البنزين تسحب و تجري..بعد صيانة الألف (في نفس اليوم) كانت مضايقاني خالص و بعدين حملتها و سافرت مشوار لمطروح و راجع عادي يعني ممكن انا اللى اتعودت او هي اللي اتظبطت مع الوقت مش متأكد بس انا جالي نفس الانطباع اللي جالك
                            [FONT="Arial Black"][SIZE="4"][blur1][blur]Hell is empty and all devils are here[/blur][/blur1][/SIZE][/FONT]

                            Comment


                            • #15
                              المشاركة الأصلية كتبت بواسطة amgadtoma
                              الساده اعضاء نايل موتورز لكم منى الف تحيه،
                              الموضوع ببساطه عندى مشكله حصلت من بعد صيانة الالف كيلو
                              العربيه كانت ممتازه جدا وقشطه زى ما بيقوله وزى السكين فى الحلاوه على الطريق.
                              المهم عملت صيانه الاف من شهر ونص وعملت فى العربيه الاتى

                              المهم خرجت من التوكيل حسيت ان العربيه متكلبشه وبتمشى بالعافيه يعنى عشان اجرى بحس ان الموتور بيتعب اوى يعنى بيبذل جهد عشان يجرى عكس ما قبل ما كنت ادخل التوكيل يعنى حسيت كده فى ساعتها
                              المهم طلبت تحديد موعد صيانه اخر ولكن كان رد مسئول قسم الصيانه بعد ارسال احد مندوبيه معى لتجربة السياره ان الفرامل مشدوده شويه ومع الوقت هتلاقى العربيه رجعت زى الاول
                              المهم قولت امشى واسمع الكلام لغاية اما اشوف ايه هيحصل بعدد شويه
                              الهاند بريك بدأت احس انو بقى اخف من الاول وبقى يطلع معايا عادى مثلا 5 تكات ولكن استيل العربيه لسه تقيله وخصوصا لما اشغل التكييف
                              حجزت موعد صيانة تانى وروحت وواحد طلع معايا وجرب العربيه وحطها على جهاز الجى سكان للكشف اذا كان هناك عيب بالموتور او الفتيس وكنت معاه ساعتها لكن العربيه ما طلعتش اى عيوب على الجهاز وقالى ان العربيه ما فيهاش حاجه يا بيه
                              المهم انا ما كنتش عارف اعمل ايه بس انا عارف عربيتى وعارف كانت ايه قبل صيانة الالف
                              لكن دلوقتى مش عارف احل الموضوع ده ازاى وخايف امشى بيها كده كتير يكون ده مؤثر على الموتور او الفتيس
                              يبقى بدل ما كنت لحقت حل المشكله يبقى نيلتها اكتر

                              المهم انا عاوز مساعدتكم واقتراحتكم وخبراتكم فى انى اعمل ايه دلوقتى

                              وشكرا
                              انت مونت منين؟ لاننى بتحصل معايا لما اغير المحطة اللى بمون منها
                              [marq="3;right;3;scroll"]لا حول ولا قوة الا بالله العلى العظيم
                              [/marq]

                              Comment

                              Working...
                              X