الالنترا 2009 اتخبطت جامد من تحت

[dr_abooody]

السلام عليكم

النهاردة كنت ماشي في امان الله لقيت بلاعة قولت اخدها في نصف العربية يادوب جيت فوقها فجأة الاقي العربية اترزعت جامد و وقفت كنت ماشي مثلا على 30 ولا حاجة

انزل ابص كدا اكتشفت ان في الحديدة اللي العربية بتتسحب منها اللي من قدام بارزة كدا و نازلة لتحت اتاري هي السبب في الموضوع دة
انا مش عارف كان اية لازمتها انهم يعملوها كدا حاجة غبية ما كانوا يعملوها بارزة لقدام مش نازلة لتحت

هل الخبطة دة ممكن تكون اثرت على العربية لان كل اللي كانووا في العربية اترزعوا جامد العربية وقفت فجأة و الخبطة كلها جت في حديد العربية من تحت بس في المنتصف

[semsem8080]

ربنا يسترها
الحديدة عالية من قدام معني كدة ان بطن العربية من قدام اتخبط بس هو حديد فمتقلقش
المهم عمرك ما تجيب حاجة في نص العربية تاني عدي عليها بالكاوتش احسن

[ahmed_khalil]

السلام عليكم

النهاردة كنت ماشي في امان الله لقيت بلاعة قولت اخدها في نصف العربية يادوب جيت فوقها فجأة الاقي العربية اترزعت جامد و وقفت كنت ماشي مثلا على 30 ولا حاجة

انزل ابص كدا اكتشفت ان في الحديدة اللي العربية بتتسحب منها اللي من قدام بارزة كدا و نازلة لتحت اتاري هي السبب في الموضوع دة
انا مش عارف كان اية لازمتها انهم يعملوها كدا حاجة غبية ما كانوا يعملوها بارزة لقدام مش نازلة لتحت

هل الخبطة دة ممكن تكون اثرت على العربية لان كل اللي كانووا في العربية اترزعوا جامد العربية وقفت فجأة و الخبطة كلها جت في حديد العربية من تحت بس في المنتصف

الحمد لله ان شاء الله سليمه
كويس ان القاطره اللى قدام هيا اللى اخدت الخبطه
برضه روح اى بنزينه ارفعها او حتى بالكوريك عشان تطمن

[samihanwar]

ان شاء الله
تكون جت سليمه

[tarekabosdera]

ان شاء الله ميكنش حصل حاجة لان سرعتك قليلة
الخبطة ده تعتبر في العفشة بشكل مباشر
حاول تربطها في اقرب موعد صيانة
وربنا يحفظنا

[dr_abooody]

يعني الواحد ما يقلقش العربية الحمد لله مش بتحدف و مفيش اي حاجة غريبة

[ahmed_khalil]

ماعتقدش ان فيها حاجه
سؤال انتا ساكن فى زهراء المعادى و حاطط جنط ؟؟

[tamer_a7]

ماعتقدش ان فيها حاجه
سؤال انتا ساكن فى زهراء المعادى و حاطط جنط ؟؟

من الواضح انه هو من التوقيع بس هيه دي صوره العربيه اللي في التوقيع
لو هيه يبقي يا راجل حرام عليك انت موطي العربيه جدا وتاخد بلاعه في النص