بنزين الإلنترا

[OO7]

السادة أصحاب الإلنترا ... اشتريت النترا gl موديل 2011 عايز أعرف إيه البنزين الموصى باستخدامه هل هو 90 أو 92 ... بصراحة أنا أول لما استلمت العربية فولتها ببنزين 90 .. وبعدين سمعت إنها بتاخد 92 .. قرأت الكاتالوج بتاعها لقيت مكتوب فيه بنزين 91 وأرقام تانية ما فهمتش منها حاجة .. مش عارف إيه الصح والأفضل للحفاظ على أداء السيارة .. أنا عايز أعرف إيه الموصى به من المصنع مش آراء شخصية .. وأخيرا أحب أقول لكل اللى بيفكر يشترى الإلنترا ما يترددش أبدا أبدا .. العربية خرافة فى كل حاجة .. ناعمة .. هادية جدا .. تحس إنك راكب بساط .. صالون ماشى على الأرض من غير صوت .. تكييف فوق الممتاز مالهوش صوت خالص .. عنصر الهدوء هو أهم العناصر التى تم الاهتمام بها فى هذه السيارة .. حتى تكة فوانيس الإشارات هادية جدا .. صوت جرس إنذار فتح الأبواب هادى مش مفزع زى عربيات تانية كتير .. الحقيقة ده انطباعى عن السيارة وهى لسه معايا بقالها أسبوع فقط .. أنا كنت راكب قبلها دايو لانوس .. مع احترامى للانوس لأن كان بينى وبينها عشرة 5 سنوات .. طبعا ما فيش وجه مقارنة ... كأنى أول مرة أركب عربية بجد .. أى حد ناوى يشترى الإلنترا مش هيندم أبدا .. وعلى فكرة أنا كنت محتار بينها وبين السيراتو .. لكن بعد المقارنة على الطبيعة .. شدتنى الإلنترا أكتر واخترتها علشان الوسع والباور الكهرباء اللى الناس مقلقه منه .. ده أجمل حاجة فيها الباور الكهرباء والحكاية تعود مش أكتر لما تسوق بالباور الكهرباء وبعدين تسوق حاجة بباور عادى هتحس إنك سايق عربية من غير باور خالص .. هو حد يكره النعومة والسهولة فى القيادة .. القلق اللى عند الناس سببه إن الباور الكهرباء مش منتشر .. طب ياريت تكون العربية كلها كهرباء .. مش هو ده الاتجاه اللى شركات السيارات بتحاول تحققه .. خلاصة الكلام الألنترا سيارة تاخد العقل .. بصراحة تحفة ..

[eldeplomasy]

ربنا يباركلك فيها ويديك خيرها ويكفيك شرها


وفعلا البنزين اللى لازم تحطه هو 92 وحاول تفول في كل مرة عشان تتلاشى مشكلة انك متلاقيش 92 في بعض المحطات ومتضطرش تحط 90



والف مبروك

[OO7]

أنا اشتريت الإلنترا من جى بى أوتو معرض أوتوماك على اساس موديل 2010 كان عليه تخفيض 3000 جنيه .. دفعت 1000 جنيه فى المعرض وكان يوم الجمعة بشرط إنى أسدد كامل المبلغ قبل انتهاء فترة المعرض علشان أثبت السعر على سيارة كاملة مانيوال بإجمالى وقدره 88900 جنيه واخترت ساعتها اللون الفضى لأنه كانت كل موديلات هيونداى فى المعرض لونها فضى وكان والألوان فى البروشور للأسف مش هتكون زى الحقيقة أبدا علشان كده اخترت اللون الفضى اللى أنا شايفه على الطبيعة على الرغم إنى ما بحبش اللون الفضى .. بمجرد لما روحت غير رأيى لما شوفت النترا اللون الباذنجانى وعاجبنى قوى الفرش البيج بصراحة شيك قوى ومريح للأعصاب .. بسرعة اتصلت بالبائع وقلته أنا عايز اللون الباذنجانى وبلاش الفضى قالى ما فيش مشكلة والاستلام بعد أسبوع من سداد كامل المبلغ .. المهم روحت تانى يوم علطول (يوم السبت) فرع العبور (سئ جدا مكسرينه على الآخر إظاهر بيعملوا تجديدات) ... ودفعت باقى المبلغ بالكامل .. بعد حوالى 4 أيام كلمنى البائع وقالى معلش يا فندم فيه مشكلة .. قلتله خير .. قالى للأسف الاستوك بتاع النترا 2010 خلص وهتنزل دفعة 2011 بس معلش يا فندق فيه فرق 3000 جنيه .. طبعا اضايقت جدا وما كنتش عامل حسابى على المبلغ ده وكمان حسيت إن الحكاية كانت جر رجل وقلتله إزاى الاستوك 2010 خلص إذا كانت أنا حجزت فى أول المعرض .. واضح طبعا إن ما كانش فيه استوك ولا حاجة .. ودى حيلة من غبور علشان يجر رجل الزبون .. وكان رد البائع إن كده برضه العرض سارى لأن فرق 2011 أصلا 6000 جنيه بس هتدفع 3000 جنيه بس علشان يبقى داخل العرض .. قلتله فيه مشكلة لو لغيت الصفقة دى .. قالى ما فيش مشكلة بس هتاخد فلوسك بعد حوالى أسبوعين بعد لما تعمل طلب باسترداد المبلغ .. قلته شكرا هفكر وأرد عليك .. طبعا كنت متغاظ قوى وحاسس إنى اتقرطسط .. بس هاتعمل إيه ده غبور يا باشا ومش عيتغلب ... تانى يوم رديت على البائع وقلتله المفروض أستلم سيارة النترا سواء 2010 أو 2011 دى مش مشكلتى أنا اتفقت وسدد كامل المبلغ فى وقت قياسى علشان أثبت السعر فى بقى الوفاء بوعدكم .. قالى ما تزعلش يا فندم أنا مش بإيدى حاجة لكن أنا قدامى سيارة واحدة فقط 2010 بس لونها أسود وتوفر فر السعر .. قلتله أنا ما بحبش اللون الأسود .. وعلى العموم أنا هورد فرق المبلغ لأنى خلاص كده كده نويت والنية لله إنى أركب النترا .. دفعت فرق المبلغ بكده يبقى إجمالى ثمن السيارة 91900 جنيه وانتظرت حوالى 5 أيام واتصل البائع وقالى السيارة جاهزة للاستلام من فرع قليوب .. روحت فرع قليوب (المكان بصراحة غير لائق أبدا بمكانة غبور ) المبنى شكله يسد النفس من كمية التراب إللى عليه ومن الداخل ما فيش أى شياكة وما فيش تكييف ولا حتى مروحة فى الحر الفظيع ده ... المهم استلمت السيارة وكانو شايلين من عليها الورق وغسلينها وملمعينها .. قلتهم ليه شيلتو ورقها .. قالولى المرور مش هيرخص وهى عليها الورق .. وكمان لو سيبت الورق عليها هيبوظ البوية ... (مش مشكلة) ... استلمت خطاب المرور وشهادة الإفراج الجمركى وشهادة بيانات السيارة من المرور - وإذن استلام ممكن تمشى بيه لمدة 24 لحد لما ترخص العربية ... وفى النهاية طلبوا منى 50 جنيه مقابل استخراج شهادة البيانات ..

الحمد لله إنى غيرت اللون .. لأن اللون الباذنجانى خطير جدا مع الفرش البيج .. والحمد لله كمان إنى ما لغيتش الصفقة علشان فرق السعر لأنى بصراحة كانت هاكون الخسران لأن الإلنترا عربية ما تتسابش .. مبروك مقدما على إللى كل اللى ناوى يشتريها .. وأضمن حاجة طبعا الشراء المباشر من غبور علشان المعارض مش مضمونة وفيها لعب كتير فى الكماليات ..

[farfora20082008]

Congratulations , and wish allah bless you and the car , and bring yu the best from it , me also intened to bring the same colour insha allah , i have 2 in my company hae the same car with the same colour and it is amazing , so me also will bring the same one , but manual , which ghabour told me its 91900

[dr_abooody]

الف مبروك يا باشا
انا بردة معايا العربية بس اللون الفيراني
و الحمد لله العربية تحفة ما شاء الله
ربنا يباركلك فيها
و الحمد لله انك ما وقعتش في فخ النيو سيراتو اللي كل الناس متجننة عليها
بس الالنترا احلى بمراحل و اعرف ناس غيروا النيو سيراتو بالالنترا لانها احسن

[alihussien2]

الف مبروك ربنا يكفيك شرها وبنزينك 92 يا باشا + هل هي الشكل القديم ل 2010 ولا اختلف ياريت تطمني؟

[ash257]

أنا اشتريت الإلنترا من جى بى أوتو معرض أوتوماك على اساس موديل 2010 كان عليه تخفيض 3000 جنيه .. دفعت 1000 جنيه فى المعرض وكان يوم الجمعة بشرط إنى أسدد كامل المبلغ قبل انتهاء فترة المعرض علشان أثبت السعر على سيارة كاملة مانيوال بإجمالى وقدره 88900 جنيه واخترت ساعتها اللون الفضى لأنه كانت كل موديلات هيونداى فى المعرض لونها فضى وكان والألوان فى البروشور للأسف مش هتكون زى الحقيقة أبدا علشان كده اخترت اللون الفضى اللى أنا شايفه على الطبيعة على الرغم إنى ما بحبش اللون الفضى .. بمجرد لما روحت غير رأيى لما شوفت النترا اللون الباذنجانى وعاجبنى قوى الفرش البيج بصراحة شيك قوى ومريح للأعصاب .. بسرعة اتصلت بالبائع وقلته أنا عايز اللون الباذنجانى وبلاش الفضى قالى ما فيش مشكلة والاستلام بعد أسبوع من سداد كامل المبلغ .. المهم روحت تانى يوم علطول (يوم السبت) فرع العبور (سئ جدا مكسرينه على الآخر إظاهر بيعملوا تجديدات) ... ودفعت باقى المبلغ بالكامل .. بعد حوالى 4 أيام كلمنى البائع وقالى معلش يا فندم فيه مشكلة .. قلتله خير .. قالى للأسف الاستوك بتاع النترا 2010 خلص وهتنزل دفعة 2011 بس معلش يا فندق فيه فرق 3000 جنيه .. طبعا اضايقت جدا وما كنتش عامل حسابى على المبلغ ده وكمان حسيت إن الحكاية كانت جر رجل وقلتله إزاى الاستوك 2010 خلص إذا كانت أنا حجزت فى أول المعرض .. واضح طبعا إن ما كانش فيه استوك ولا حاجة .. ودى حيلة من غبور علشان يجر رجل الزبون .. وكان رد البائع إن كده برضه العرض سارى لأن فرق 2011 أصلا 6000 جنيه بس هتدفع 3000 جنيه بس علشان يبقى داخل العرض .. قلتله فيه مشكلة لو لغيت الصفقة دى .. قالى ما فيش مشكلة بس هتاخد فلوسك بعد حوالى أسبوعين بعد لما تعمل طلب باسترداد المبلغ .. قلته شكرا هفكر وأرد عليك .. طبعا كنت متغاظ قوى وحاسس إنى اتقرطسط .. بس هاتعمل إيه ده غبور يا باشا ومش عيتغلب ... تانى يوم رديت على البائع وقلتله المفروض أستلم سيارة النترا سواء 2010 أو 2011 دى مش مشكلتى أنا اتفقت وسدد كامل المبلغ فى وقت قياسى علشان أثبت السعر فى بقى الوفاء بوعدكم .. قالى ما تزعلش يا فندم أنا مش بإيدى حاجة لكن أنا قدامى سيارة واحدة فقط 2010 بس لونها أسود وتوفر فر السعر .. قلتله أنا ما بحبش اللون الأسود .. وعلى العموم أنا هورد فرق المبلغ لأنى خلاص كده كده نويت والنية لله إنى أركب النترا .. دفعت فرق المبلغ بكده يبقى إجمالى ثمن السيارة 91900 جنيه وانتظرت حوالى 5 أيام واتصل البائع وقالى السيارة جاهزة للاستلام من فرع قليوب .. روحت فرع قليوب (المكان بصراحة غير لائق أبدا بمكانة غبور ) المبنى شكله يسد النفس من كمية التراب إللى عليه ومن الداخل ما فيش أى شياكة وما فيش تكييف ولا حتى مروحة فى الحر الفظيع ده ... المهم استلمت السيارة وكانو شايلين من عليها الورق وغسلينها وملمعينها .. قلتهم ليه شيلتو ورقها .. قالولى المرور مش هيرخص وهى عليها الورق .. وكمان لو سيبت الورق عليها هيبوظ البوية ... (مش مشكلة) ... استلمت خطاب المرور وشهادة الإفراج الجمركى وشهادة بيانات السيارة من المرور - وإذن استلام ممكن تمشى بيه لمدة 24 لحد لما ترخص العربية ... وفى النهاية طلبوا منى 50 جنيه مقابل استخراج شهادة البيانات ..

الحمد لله إنى غيرت اللون .. لأن اللون الباذنجانى خطير جدا مع الفرش البيج .. والحمد لله كمان إنى ما لغيتش الصفقة علشان فرق السعر لأنى بصراحة كانت هاكون الخسران لأن الإلنترا عربية ما تتسابش .. مبروك مقدما على إللى كل اللى ناوى يشتريها .. وأضمن حاجة طبعا الشراء المباشر من غبور علشان المعارض مش مضمونة وفيها لعب كتير فى الكماليات ..

ألف مبروك لحضرتك وربنا يباركلك في العربية يا رب.

[احمد عزت]

مبروك عليك ياباشا والعربيه جميلا فعلا وناسبه لسعرها...........

والنبى بالنسبه للاخ بتاع الالنترا الفيرانى بلاش يا سيدى الفاضل كلام فخ النيو سيراتو والكلام ده ما تولعهاش من تحت لتحت ............العربيتين كورى زى بعض ان ما كانوش اخوات .بس ده عفشتها مالتى لينك وبتهبط لو كتكوت قعد على الكنبه اللى ورا .......والسيراتو مابتهبطش اوى وبتدب (طبعا ده مبالغه شويع منى )بس فى النهايه الاتنين زى بعض اختلاف ازواق ....................واى حاجه يابانى بنفس سعرهم احسن منهم بمراحل

[msafa]

الف مبروك
اغلب الجديد حطله 92 من بنزبنة نضيفة كمان، 90 مش هيديك الاداء اللي انت مستنيه، و موضوع 91 ده الحد الادنى اللي هو 92 في مصر لأن 90 هيكون اقل من المطلوب

غالبا كمان هتلاق انضغاط الموتور من 9.5 ل 10.5 (هتلاقيه في الكتالوج) و ده اقل حاجة هيكون 92

[OO7]

كما قال لى البائع فى غبور ما فيش أى اختلاف بين موديل 2010 للألنترا عن موديل 2011 ... لكن أنا لما اتفرجت عليها فى المعرض كانت أوتوماتيك فاتحة سقف وكان فيها مخدع فى الكونسول بيفتح ويققل وحامل أكواب بباب يفتح ويغلق .. فلما سألت البائع هل المانيوال فيها مخدع وحامل أكواب .. قالى طبعا ده من التجهيزات الأساسية .. قلتله لكن أنا شفت النترا 2010 مانيوال ما فيهاش المخدع ولا حامل الأكواب .. قالى أكيد دى اتباعت عن طريق معرض وهو ده عيب المعارض ... بيشيلوا حاجات من العربية ... لكن بصراحة أنا لحد دلوقتى مش فاهم حاجة إزاى موديل 2010 من غير مخدع .. ولو فعلا المعارض بتشيلو .. طيب ليه .. ده معناه إن الكونسول كله يتشال ويركب كونسول تانى من غير مخدع .. واضح إن العربية نازل منها موديلين من الكونسول واحت بمخدع والثانى من غير مخدع .. حاجة تانية لاحظتها فى عربيتى وهى وجود جريدة نيكل على الشنطة أعلى نمرة السيارة ودى ما لقيتهاش فى موديل 2010 وكمان الأكر الداخلية للأبواب مطلية نيكل ، ومش متأكد أذا كان ده فى موديل 2010 ولا لأ .. غير كده ما فيش أى اختلاف بين موديل 2010 و 2011 .. هو البائع عايز يقولى إن حتى موضوع المخدع وحامل الأبواب والنيكل كل ده موجود فى 2010 بس لو اشتريتها من غبور مباشرة مش من المعارض ..

[OO7]

والنبى بالنسبه للاخ بتاع الالنترا الفيرانى بلاش يا سيدى الفاضل كلام فخ النيو سيراتو والكلام ده ما تولعهاش من تحت لتحت ............العربيتين كورى زى بعض ان ما كانوش اخوات .بس ده عفشتها مالتى لينك وبتهبط لو كتكوت قعد على الكنبه اللى ورا .......والسيراتو مابتهبطش اوى وبتدب (طبعا ده مبالغه شويع منى )بس فى النهايه الاتنين زى بعض اختلاف ازواق ....................واى حاجه يابانى بنفس سعرهم احسن منهم بمراحل[/quote]

ما فيش شك أبدا إن السيراتو شكلها حلو بس كمان الإلنترا شكلها حلو .. وما فيش واحدة أحلى من التانية بس هى مسألة أذواق .. السيراتو أول لما نزلت أنا اتهبلت عليها وقلت هاجيبها يعنى هاجيبها .. لكن لما نويت أشترى بجد وركبت الإلنترا والسيراتو .. استريحت فى الالنترا وده مش معناه أنها أحسن لكن هى مسالة راحة نفسية .. وكمان الباور الكهرباء يهبل غير إن الإلنترا عربية ضخمة (منفوخة يعنى) وأنا بحب العربيات الكبيرة والمنفوخة مسألة أذواق .. لكن والله الموتور واحد تماما والتكييف واحد وكل حاجة تقريبا غير إن الاختلاف فى العفشة والباور .. شكل الإلنتر ا معما تعودت عليه ما تزهقش منه .. يعنى بمعنى آخر الإعجاب الشديد بشكل النيو سيراتو ده بيكون من أول وهلة لكن لما تتعود على شكلها الإعجاب الفظيع ده بيقل قوى وتحس إنها عربية عادية وهو ده اللى حصل معايا يعنى لو كان إعجابى بشكل السيراتو بنفس القوة فى أول مرة شفتها كنت اشتريتها من غير تردد .. لكن علشان أنا نويت أشترى بعد لما السيرانو انتشرت قوى وعينى تعودت عليها وإعجابى بشكلها قل .. علشات كده الإلنترا كان تأثيرها أكبر بسبب إن شكلها أنا ما بزهقش منه أبدا (مسالة أذواق) الفخامة فى الإلنترا بحسها موجوده علطول .. لكن فى النيو سيراتوا موجوده ثم تتلاشى مع الوقت .. النيو سيراتو عاملة زى البنت الجميلة إللى تخطف الأنظار من أول وهلة .. تخلى الواحد يقع زى الجردل .. لكن مع مرور الوقت والتعود تحس إنها عادية جدا وفيه بنات كتير أقل جمال بس أكثر جاذبية ... ده إحساسى ورأيى الشخصى .. لكن فى النهاية الإلنترا والسيراتو كورى يكادوا يكونوا توائم .. وأخيرا أحب أقول ما فيش داعى نقول إن اليابانى أفضل .. طبعا أنا بحترم اليابانى جدا .. بس لا يمكن نقدر ننكر إن الصانع الكورى تفوق جدا وبجدارة على اليابانى وده سبب إن ناس كتير اتجهت لشراء الكورى على الرغم من تقارب الأسعار مع اليابانى .. الكورى بقى ليه وزنه فى سوق السيارات العالمى ولا يقل أبدا عن اليابانى .. وزى ما فيه كورى ردئ .. فيه برضه يابانى ردئ وكل واحد يشترى على قدر إمكانياته ..

[modypic]

إلنترا اجدع ناس

[hamada132]

حطلها 92 بس فى حد يا جماعه حسب استهالك البنزين اد ايه فى العربيه الانترا الاوتوماتيك انا لسه جايب العربيه من شهرين وبصراحه العربيه فوق الممتازه وكل حاجه فيها تمام

النترا بجد تحفه