حادث هيونداي i10 بالصور .... العربية اتدمرت

[Donzi]

الف سلامه انا ما كنتش متخيل الموضع كان فيه اصابه جامده ليكي كده
نصيحه تانيه قانونيه (مع اني مهندس ماليش في القانون) كاان ليه صديق حصل معاه موقف مشابه لو تعرفي تحتفظي بفواتير المستشفي وما خلافه اعملي كده علشان انشاء الله تاخدي حقك كامل اه هو قضاء الله بس اللي تسبب في شيء لازم يدفع التمن
ومره تانيه الف سلامه عليكي

الله يسلمك و الحمد لله انها جت على اد كدة

من ناحية الفواتير احب اطمنك ان انا ماسبتش فاتورة ولا اشعة ولا علاج طبيعي و لا كشف و لا عملية الا لما جبتها و الاجزات المرضي و تقارير الدكتور و تقرير التوكيل اللي بيقول ان العربية ماتتصلحش ........... الخ

بس يا رب يجي بفائدة يا رب ادعولي ربنا يرجعلي حقي من الراجل دة يا رب

[Khaled_Nowaihy]

حسب بياناته في المحضر مهندس في شركة بترول

يا رب ادعولي ربنا يرجعلي حقي من الراجل دة يا رب

ان شاء الله تاخدى حقك كاملاً
شوفى اسم الشركة اللى بيشتغل فيها وبلغيها عن المحضر اللى انعمل

الشركة ممكن ترفده لو صدر ضده حكم .... وحاتخليه يجرى وراكى عشان يراضيكى

[Donzi]

ان شاء الله تاخدى حقك كاملاً
شوفى اسم الشركة اللى بيشتغل فيها وبلغيها عن المحضر اللى انعمل

الشركة ممكن ترفده لو صدر ضده حكم .... وحاتخليه يجرى وراكى عشان يراضيكى

اسم الشركة مش مذكور في المحضر .. هعرفه ازاي ؟؟

[M.Radwan]

ألف سلامة على حضرتك
اللى مستغربلة ازاى الكسور الفظيعة دى حصلت والعربية واخدة 4 نجوم فى الأمان
Hyundai i10 | Euro NCAP - For safer cars crash test safety rating

[Donzi]

ألف سلامة على حضرتك

اللى مستغربلة ازاى الكسور الفظيعة دى حصلت والعربية واخدة 4 نجوم فى الأمان
hyundai i10 | euro ncap - for safer cars crash test safety rating

الله يسلمك

اصدك الكسور اللي في العربية ولا اللي فيا انا ؟؟

[Khaled_Nowaihy]

اسم الشركة مش مذكور في المحضر .. هعرفه ازاي ؟؟

شوفى محل اقامته فى المحضر ... وعن طريق عنوان بيته ممكن تسألى عليه وتعرفى اسم الشركة
الموضوع محتاج شوية تعب بس النتيجة ممكن باذن الله تكون مؤكدة

[elassar2010]

الحمد لله على سلامتك و ربنا يكرمك باحسن منها

[haneen83]

الله يسلمك و الحمد لله طبعا ان انا خرجت سليمة

انا رجلي اتكسرت بس كسر جامد شوية - يعني كانت سايبة من بعضها خالص جزئين منفصلين - فا عملت الاول عملية اسمها مسمار نخاع و بعدين بعد فترة لقينا الكسر مش بيلحم بسرعة و اتضح ان العظمتين بعيد عن بعض فا عملت عملية تانية عشان العظم يقرب من بعضو

الظاهر العظمتين بعد الانفصال كانو رافضين الصلح و مش عاوزين يرجعو لبعض

يا حبيبتى ربنا يا رب يجعله فى ميزان حسناتك و يرجعك احسن من الاول يا رب
الف سلامه عليكى و الحمد لله انها جت على قد كده
الراجل اللى خبطك ده انا مش فاهمه ازاى ما يسألش حتى
بس تأكدى ان ربنا مش بيضيع حق حد

على فكره انا كمان لسه طالعه من حادثه بس جوزى كان هو اللى سايق و جه سواق ميكروباص من شارع فرعى بيعدى الشارع الرئيسى اللى كنا ماشيين فيه و الباشا بيعدى بالعرض و فجأه العربيه وقفت منه فى نص الطريق النتيجه طبعا ان جوزى اتفاجأ بيه قدامنا و العربيه اتدمرت من قدام خالص و راسى اتخبطت جامد فى البربريز .. لدرجه انه اتكسر كله على راسى و الحمد لله سابت اثر طبعا فى وشى واضح جدا و باتابع مع دكتور تجميل
صاحب الميكروباص جه ظبط امين الشرطه فى القسم و خد عربيته و اتبقى سواق الميكروباص هو اصلا عنده 17 سنه يعنى لا بطاقه و لا رخصه و عاش بقى فى دور انه فاقد الذاكره و انه ما يعرفش اى معلومات عن صاحب العربيه .. طبعا لا اخدنا حقنا و لا حاجه

عارفه بجد .ما اقدرش اوصف اد ايه صعب ان البنت تكون كل الناس بتتكلم على جمالها و فجأه تلاقى ان الناس اللى بتشوفها بتمصمص شفايفها و تسأل الاثر ده فيه امل يمشى و الا لأ .. و كلام الناس بقى ان جوزك هيعمل ايه و بتاع و إن ابقى خبى الاثر ده و انتى قاعده مع جوزك فى البيت و كويس انك محجبه فى الشارع و الكلام العجيب ده


الحمد لله على كل حال ... و ربنا يجازى اللى بيتسببوا فى اذى غيرهم و يهربوا ... و اهم حاجه يا رب يا رب ما تجعلناش من اللى بيكونوا سبب فى اذى حد بقصد او بدون قصد

[M.Radwan]

الله يسلمك

اصدك الكسور اللي في العربية ولا اللي فيا انا ؟؟

طبعا قصدى الكسور اللى حصلت فى رجل حضرتك
انا دمي اتحرق بصراحة لما عرفت حجم الكسر والعمليات اللى عملتيها.
كنت عايز أقولك على حاجة تانية بس مش وقتها دلوقتي.
ربنا يتم شفاكي على خير وترجعى أحسن من الأول.
وزى ما الزملاء بيقولوا، الراجل اللى عمل كده لازم يتظبط بأي طريقة طالما معندوش دم خالص كده!

[Donzi]

يا حبيبتى ربنا يا رب يجعله فى ميزان حسناتك و يرجعك احسن من الاول يا رب
الف سلامه عليكى و الحمد لله انها جت على قد كده
الراجل اللى خبطك ده انا مش فاهمه ازاى ما يسألش حتى
بس تأكدى ان ربنا مش بيضيع حق حد

على فكره انا كمان لسه طالعه من حادثه بس جوزى كان هو اللى سايق و جه سواق ميكروباص من شارع فرعى بيعدى الشارع الرئيسى اللى كنا ماشيين فيه و الباشا بيعدى بالعرض و فجأه العربيه وقفت منه فى نص الطريق النتيجه طبعا ان جوزى اتفاجأ بيه قدامنا و العربيه اتدمرت من قدام خالص و راسى اتخبطت جامد فى البربريز .. لدرجه انه اتكسر كله على راسى و الحمد لله سابت اثر طبعا فى وشى واضح جدا و باتابع مع دكتور تجميل
صاحب الميكروباص جه ظبط امين الشرطه فى القسم و خد عربيته و اتبقى سواق الميكروباص هو اصلا عنده 17 سنه يعنى لا بطاقه و لا رخصه و عاش بقى فى دور انه فاقد الذاكره و انه ما يعرفش اى معلومات عن صاحب العربيه .. طبعا لا اخدنا حقنا و لا حاجه

عارفه بجد .ما اقدرش اوصف اد ايه صعب ان البنت تكون كل الناس بتتكلم على جمالها و فجأه تلاقى ان الناس اللى بتشوفها بتمصمص شفايفها و تسأل الاثر ده فيه امل يمشى و الا لأ .. و كلام الناس بقى ان جوزك هيعمل ايه و بتاع و إن ابقى خبى الاثر ده و انتى قاعده مع جوزك فى البيت و كويس انك محجبه فى الشارع و الكلام العجيب ده


الحمد لله على كل حال ... و ربنا يجازى اللى بيتسببوا فى اذى غيرهم و يهربوا ... و اهم حاجه يا رب يا رب ما تجعلناش من اللى بيكونوا سبب فى اذى حد بقصد او بدون قصد

انا بجد مش عارفة اقولك اي

الحمد لله على سلامتك و على سلامة جوز حضرتك دة اولا

ثانيا ربنا مابيضيعش حق حد لحد يوم الدين هاتخدو حقكو منه و يا رب يجعلو في ميزان حساناتك يا رب

ثالثا و دي اهم نقطة موضوع و كلام الناس بقى ان جوزك هيعمل ايه و بتاع و إن ابقى خبى الاثر ده و انتى قاعده مع جوزك فى البيت دة كلام فارغ اللي بيحب واحدة و بينو و بينها عشرة يا مدام حنين مابيبصش للشكل بيقبى في حاجات تانية اهم و اكبر بكتير من كدة ( العشرة و الود و التفاهم و الاحترام و التقدير و الاخلاق ..... الخ) كل دي حاجات تخليه يحبك و يتمسك بيكي مش عشان شكلك و بس و الناس اللي بتقول كدة اسمحيلي مع احترامي ليهم بس دول ناس جهلة و سطحيين و كلامهم لا يؤخذ بيه اصلا و يا ريت متحطيهوش في دماغك اساسا

و بعدين طرق التجميل دلوقتي بقيت كتيييييير و كل يوم في تتطور رهيب و كمان مع الوقت اثر الجرح بيخف لوحده بنسبة كبيرة و في كريمات و لزقات و ليزر كمان - انا هعمل الليزر دة على فكرة - بيساعد جدا في تحسين شكل الجروح و بنسبة كبيرة كمان

كلمة اخيرة جمالك في روحك و شخصيتك مش في صورتك او شكلك الخارجي يا مدام حنين

[Donzi]

طبعا قصدى الكسور اللى حصلت فى رجل حضرتك
انا دمي اتحرق بصراحة لما عرفت حجم الكسر والعمليات اللى عملتيها.
كنت عايز أقولك على حاجة تانية بس مش وقتها دلوقتي.
ربنا يتم شفاكي على خير وترجعى أحسن من الأول.
وزى ما الزملاء بيقولوا، الراجل اللى عمل كده لازم يتظبط بأي طريقة طالما معندوش دم خالص كده!

والله انا نفسي مش عارفة الكسر حصل ازاي او بسبب اييه انا محستش بيها و هي بتتكسر اصلا

انا بعد ما العربية لبست في العمود ووقفت و انا فقت كدة من الصدمة جييت انزل من العربية لقتني مش عارفة انزل و مش فهمة ليه بصيت تحت لقيت رجلي متنية لناحية برة و واقعة على الارض مابتترفعش ؟؟؟
ازاي و امتى معرفش

و دي كانت ابشع لحظة في الحادثة كلها

[Ahmed Nasr]

قدر الله وما شلء فعل

[engahmedsamy]

الحمد لله على سلامتك

[alivara]

ربنا يعوضك خير انا حصللي زيك كده بس الخبطة موصلتش للرادياتير
المهم الف الف سلامة على حضرتك و قدر الله و ما شاء فعل

[mohfud]

حمد الله على السلامة