مساعدة يا اهل الخبرة؟

[Ayman-Ahmed]

السلام عليكم ورحمة الله وبركاته

طالب مساعدة ومشورة من اهل الخبرة؟واعذرونى اننى بكرر الموضوع تانى فى قسم تانى

-من كام يوم العجلة الشمال عملت سوستة فى رصيف(كلام العفشجى) بعد ما واحد ربنا يسامحه زنقنى فى مطلع كوبرى فاضطريت اننى اكسر يمين سنة عشان مطلعش الرصيف واتخبطت العجلة الشمال فى بروز الرصيف ونزلت علطول.الرصيف مكانش عالى حوالى 5 سم.

-رحت لبتاع زوايا اطمن قاللى مفيش قلق بس هي فيها 1\2 مللى وعادة ده مبيعملش مشاكل خالص ومش محتاج زرجينة.

-بقالى يومين كل ما بكسر شمال يو تيرن مثلا بسمع صرخة ورا وساعات مع الفرامل بسمع صرخة اودام.

-النهاردة والحمد لله كنت بوسع لعربية مطافى ومخدتش بالى خالص ان الرملة اللى على شمالى مخبية بلاعة فنزلت بالعجلة الشمال فيها ,بس الحمد لله مش حاسس بحدفة ولا حاجة دلوقتى.بس لما نزلت ابص على الناحية الشمال وكسرت العجلة لقيت رمل وحصى صغير متعلق ورا العجل انا معرفش اسمها ايه الحتة ديه وسمعت صوت زي صوت رايش فى مروحة ويمكن الصوت سببه اننى كاسر الدريكسيون على اخره والعربية دايرة.

ايه رايكوا اعمل ايه ابص عليها عند عفشجى ولا اطلع على التوكيل او مركز معتمد؟

ومعلش اسمحولى اسالكوا ايه رايكوا فى مركز كارافان الرحاب؟

مشكوريين

[حماده المصري]

هوه بالنسبه للعربيه وهي وافقه وتلف الدركسيون على الواقف ده عادي لازم يطلع صوت بيكون غالبا من سير الباور


بالنسبه لعربيتك روح لحد اسمه عمرو بدوي بتاع زوايا في مدينه نصر ده الي انا مقتنع بيه وهوه كويس


مكانه في السابع لو تعرف ابو رامي خش اليمين الي ابو رامي على ناصيته وامشي فيه لحد ما تلاقيه على اليمين هيزبطلك العربيه

[Ayman-Ahmed]

هوه بالنسبه للعربيه وهي وافقه وتلف الدركسيون على الواقف ده عادي لازم يطلع صوت بيكون غالبا من سير الباور


بالنسبه لعربيتك روح لحد اسمه عمرو بدوي بتاع زوايا في مدينه نصر ده الي انا مقتنع بيه وهوه كويس

مكانه في السابع لو تعرف ابو رامي خش اليمين الي ابو رامي على ناصيته وامشي فيه لحد ما تلاقيه على اليمين هيزبطلك العربيه

الف شكر على ذوقك.روحت التوكيل التهاردة وظبطولى كل حاجة والحمد لله والف شكر على بتاع الزوايا وطالما هو كويس كدة يبقى لما احتاجه هعدى عليه لاننى كل مرة بروح الجيزة