زجاج الانترا

[tefeamer]

يا جماعة عندى استفسار
العربية لما بتكون راكنه فى الشغل بتبقى راكنه فى الشمس من حوالى الساعة 8 ص وحتى 2 ظ ولما بركب وانزل الزجاج اسمع صوت طقه زى ما يكون الزجاج كان لازق فى حاجة وفك والحكاية دى مبتحصلش الا فى الشمس ومع زجاج الباب بتاعى فقط فهل حد عنده تفسير والا اروح التوكيل ، وبالنسبة للتوكيل انا عندى صيانة ال 20000 كمان اسبوع عند ابو رواش صيانة الباب عندهم برده والا فى حته تانى هروحها . مع الشكر .

[mshmshm3]

ده طبيعي علشان الشمس والمفروض لما تركنها في الشمس تسيب 1/سم من الزجاج مفتوح علشان الزجاج ما يفرقعش

[m_mekkawy]

على فكره انا عندى نفسها برضه بس مش مشكله ولو لحظت هتلاقيها بتحصل مع الزجاج الأمامى فقط
نصيحه اخويه حاول تركنها فى الضل على قد ما تقدر البويه هتطفى والطابلوه هيتأثر

[tefeamer]

ده طبيعي علشان الشمس والمفروض لما تركنها في الشمس تسيب 1/سم من الزجاج مفتوح علشان الزجاج ما يفرقعش

مع جزيل الشكر

[tefeamer]

على فكره انا عندى نفسها برضه بس مش مشكله ولو لحظت هتلاقيها بتحصل مع الزجاج الأمامى فقط
نصيحه اخويه حاول تركنها فى الضل على قد ما تقدر البويه هتطفى والطابلوه هيتأثر

والله بحاول على قد مقدر لكن اماكن الانتظا فى الظل قليلة الف الف شكر للرد

[sam07]

ده مش طبيعي حضرتك روح التوكيل في الهياكل وهم هيغيرولك مكنه الرفع علشان المشكله دي كانت عندي ودلوقتي اتصلحت

[mshmshm3]

الحكاية دى مبتحصلش الا فى الشمس ومع زجاج الباب بتاعى .

ده مش طبيعي حضرتك روح التوكيل في الهياكل وهم هيغيرولك مكنه الرفع علشان المشكله دي كانت عندي ودلوقتي اتصلحت

بتحصل في الشمس بس وبتحصل في عربيتي اعتقد ده حضرتك من حرارة الشمس

[tefeamer]

انا فعلاً عندى مشكلة فى ماكينة الرفع مش شغاله ورحت التوكيل قالى ان حلها عند اولاد عشم بشارع دمشق - مصر الجديدة
وانا ناوى ارحلهم غدا وهبقى اقولكم الاخبار ايه .
مع الشكر

[tefeamer]

يا جماعة انا رحت امبارح اولاد عشم نواره بشارع دمشق مصر الجديدة علشان الروافع مش شغاله وفى التوكيل قالولى روح لاولاد عشم هيصلحوه على الضمان .
المهم رحت وكان المشكلة مشكلة فيوز وغيره فى دقيقة ، وانا سألته عن تركيب روافع للنيو اكسنت لان اخويا عايز يركب روافع قالى الصينى ب 150 والتيوانى 250 وعليهم ضمان 3 سنوات ومبيفكش حاجة فى العربية الا فرش باب عربية السائق و نص ساعة فقط تركيب وبالنسبة لضمان العربية مبيحصلش فيه حاجة علشان هو اللى بيركب لغبور وهو معتمد عندهم .
مع الشكر

[tefeamer]

ارجو ان قد قدمت ما يفيد

[Ayman-Ahmed]

ملحوظة: عشم نوار كان بيركب اجهزة انذار وروافع لحد موديلات 2008 وبعد كدة غبور غيره.وده حصل معايا شخصيا لما قولتله يبصلى على وحدة الرفع لما كان فيوزها كل شوية بيفصل وده كان مع المحل اللى فى اخر الشارع على اليمين مش الورشة اللى واخدة ناصية.وبعد كدة الورشة اللى ظبطته وفعلا مش هيلعب فى الضفيرة خالص.

هيفك الباب اليمين وتحت التابلوه هيطلع وحدة الانذار ويركبلك وحدة الرفع معاه والكهربا بياخدها من البطارية دايركت بفيوز واهم حاجة تقوله اعزلهالى كويس من عند الباب عشان المياه والغسيل.