استفسار بخصوص قطع غيار الفيرنا

[amrsabet]

ياجماعه اناكنت عايز اعرف اسعر قطع غيار الفيرنا الاصليه فى مراكز البيع المعتمده :
فلتر الهواء
فلتر البنزين
البوجيهات
سير الكاتينة
سير الدينامو
سير الباور
سير التكييف
فلتر الزيت

ولو حد يقدر يفيدنى عن عنوان مركز بيع معتمدلقطع غيار هيونداى فى مدينه نصر او مصر الجديدة
وكنت عايز اعرف جدول الصيانات بتاع الفيرنا يعنى صيانه 30 الف كم بيتعمل فيها ايه ؟ وهل كل السيور مواعيد تغيرها امتى ؟

فى الحقيقة اناكنت اعمل الحاجات دى بكره عند ميكانيكى واحد صحبى بيشكر فيه بس كنت عايز قطع الغيار الاصلى الاول من به التوكيل

[dolly13]

المركز اللى اعرفه فى شارع دمشق فى مصر الجديدة بعد عشم نوارة بشوية وممكن بكرة اشوفلك رقم تليفونه هو محل قطع غيار غبور هاتلاقى فيه كل حاجة الاصلى
وباذن الله بكرة انقلك من الكتالوج صيانة ال30 الف بالكامل

[kamatsho]

انا لما عملت صيانه ال 30 الف غيرت الأتى

فلتر زيت
فلتر بنزين
فلتر هوا
بوجيهات 2 شمعه
زيت موبيل 1

والسيور استنى عليها شويه مش دلوقت
الا اذا كانت بتعمل اى صوت او شققت

[kamatsho]

وكنت غيرت تيل الفرامل

[ashussein]

ياجماعه اناكنت عايز اعرف اسعر قطع غيار الفيرنا الاصليه فى مراكز البيع المعتمده :
فلتر الهواء
فلتر البنزين
البوجيهات
سير الكاتينة
سير الدينامو
سير الباور
سير التكييف
فلتر الزيت

ولو حد يقدر يفيدنى عن عنوان مركز بيع معتمدلقطع غيار هيونداى فى مدينه نصر او مصر الجديدة
وكنت عايز اعرف جدول الصيانات بتاع الفيرنا يعنى صيانه 30 الف كم بيتعمل فيها ايه ؟ وهل كل السيور مواعيد تغيرها امتى ؟

فى الحقيقة اناكنت اعمل الحاجات دى بكره عند ميكانيكى واحد صحبى بيشكر فيه بس كنت عايز قطع الغيار الاصلى الاول من به التوكيل

السلام عليكم ....

زميلي العزيز -- انا كنت زيك بالتمام وماكنتش با اصدق موضوع ان التوكيل بيقدموا خدمة مش كويسة وفي نفس الوقت 3 ضعف الواقع

والله العظيم والله العظيم انهم اغليمن الواقع في قطع الغيار مرتين (( 2 ))
والخدمة انتا مش بتشوف هما بيعملوا اية يعني اعتقد انهم بيوفروا مهندسين
وان اللي بيشتغل في عربيتك (( فني صنايع كحيان )) ومش ها يديلك الخدمة اللي انتا بتدفع فلوسها

طيب الحل إية
1- لو انتا عاوز تدفع فلوس روح التوكيل (( ومش ها تاخد بالفلوس اي شيء ))
2- لو انتا فعلا مصدق روح منفز بيع غبور (( قطع غيار كوري اصلي )) وده ممكن من شارع دمشق في مصر الجديدة (( بس غالي وضعف الثمن ))

الحل
........*
جمد قلبك وإنزل الحرفيين عن بتوع قطع الغيار وإشتريها اصلي تمام وممكن تاخد صديق بيفهم في قطع الغيار اللي انتا عاوزها (( الخفيفه )) سيور -فلتر إلخ

وبعد كده (( اي مركز صيانه معتمد )) و خليهم يركبو اللي انتا عاوزة (( قدامك ))

وشكرا

[A.Saad]

فيه فى شارع دمشق محل لقطع الغيار الاصلية
هوة تبع مجموعة غبور
وفيه واحد تانى فى شارع عماد الدين
ش شبرا
ش فيصل

[amrsabet]

انابشكر كل الاعضاء بس اناعندى مشكله ياريت تساعدونى فيها انا عندى العربية بتعرش عند سرعة 90 فيما فوق المهم قولت ده عيب ترصيص اكيد خاصة ان العربية لسه عامله 30 الف كم المهم روحت عند اشرفكو فى م نصر بقولوا انا عايز اكشف على العربية عشان بترعش عند 100 بص على الفرد الكاوتش اللى ورا لقاهم بيتاكلوا من الخارج قالى مش هاقدر ارصص الا لما تزبط زواياه المهم زبط زواياه والصانعيى قالى بعد ظبط الزواياه ان ده عيب كاوتش فلازم تغير الكاوتش اللى ورا بفردتين جداد تخليهم قدام وترجع اللى قدام ورا
قولت ماشى قالى فى انواع كذا وكذا المهم اخترت نوع اسمه فالكون يابانى الفرده 175/70/13 h ب 275 جم ورصصت اجرب العربية بدل ماكانت بترعش عند 90 بقت بترعش عند 120 وانا دلوقتى مش عارف العيب فى الكاوتش كمان اللى ورا ولا الجنط الحديد
مع انى سالت الصنايعى هل فى عيب فى الجنوط الحديد قالى لا العيب فى الكاوتش فهل ارجعله تانى يوم الاثنين ولا اعمل ايه بالظبط
لانى مش معايا فلوس خلاص فلو قالى لازم تغيير اللى ورا مش هعرف لانى اشتريت كاست سى دى كينود النهارده من عند امبير فى USB+ AUX
الكاوتش اللى ورا نوعه تركى بتاع الفابريقة اسمه لاسا تقريبا
على العموم انا برضه بشكركم على ارائكم بخصوص الصيانه لانى روحت بنزبن شل اللى فى شارع الطيران مع مصطفى النحاس عند مطعم البرج وغيرت فلتر هوا وفلتر زيت وزيت شل الترا وزودت المياه بتاعه قربه الريداتير بانى اشتريت لتر مياه خضرا من عندهم ب 10 جم
وكان الفاتورة
250 زيت
27 فلتر زيت
40 فلتر هوا
10 مياه خضرا

انا بس محتاج مساعدتكم فى موضوع الرعشه ده لانه معكننى على الاخر ياترى لازم اغير الكاوتش ولا بعد ماجيب فردتين جداد برده يفضل فى رعشه ويكون العيب فى الجنوط الحديد

[amrsabet]

المركز اللى اعرفه فى شارع دمشق فى مصر الجديدة بعد عشم نوارة بشوية وممكن بكرة اشوفلك رقم تليفونه هو محل قطع غيار غبور هاتلاقى فيه كل حاجة الاصلى
وباذن الله بكرة انقلك من الكتالوج صيانة ال30 الف بالكامل

انا بشكرك على مساعدتك لى فعلا

[dolly13]

لا شكر على واجب
انا باحب الفيرنا جدا ونفسى كل واحد يستمتع بعربيته
بالنسبة للصيانة لقيت كماتشو رد عليك بسرعة
وبالنسبة لنمرة المحل للاسف لم اجدها فى الفاتورة ولكن هو عنوانه سهل وانت اكيد تعرف ش دمشق