هيونداي أكسيل

[kokmedo]

السلام عليكم ورحمة الله
شكرا لهذا الموقع المتميز
أنا معروض علية هيونداي أكسيل موديل 95 مانيول جميع الكمليات لونها ابيض
وعملت عمرة واحدة ب 37 ألف
ما رأيكم وما هي عيوبها وهل بتأخذ بنزين كثير ولا لا
أنا عندي 128 وهبيعها
ما رأيكم ممكن تساعدوني
والسلام عليكم ورحمة الله

[devil-lid]

انت ما قلتش رشت بره ولا لا عامه هى كده غاليه شويه حاول تنزل فيها والاكسيل عربيه كويسه ما بتاكلش بنزين وقطع غيارها سعرها كويس جدا جدا بس خلى بالك من عفشتها لازم تعدل فيها او تعمل حاجه لان عفشتها حلوه وبترعش على الطريق حاول تظبطها لكن هى عربيه كويسه جدا

[kokmedo]

العربية مش رشة من الداخل ولكن من الخارج ممكن يكون رفف حاجة بسيطة أوي

[devil-lid]

ممكن يا زعيم تمشى 36000 او 35000 بالكتير واكد على العفشه برده تانى وشوف الرخصه
بس انقل ملكيه على طول نصيحه

[al_manara]

عربية حلوة قطع غيارها موجودة واسعارها كويسة جدا
ياريت تبص عليها كويس الحوض والشنطة
بالنسبة للسعر اظن 36 هايكون كويس عليها
و37 لو حالتها ممتازة يعني مش هاتكون محتاج تغير ولا كاوتش ولا بطارية وتكون حالة الموتور محترمة
لان خلي بالك لو هاتجيب لها كاوتش هايكون ب 800 جنية تقريبا الاربعة وبطارية جديدة ب 500 يعني 1300 جنية
واتاكد ان كل حاجة فيها شغالة زي التكيف والزجاج الكهربا وكدة يعني

ربنا يبارك لك فيها والف مبروك مقدما

[kokmedo]

السلام عليكم ورحمة الله
جزاكم الله كل خير
والسلام عليكم ورحمة الله