مشكله يا جماعه و محتاج مساعده سريعه

[yasser_kamal]

اولا: انا بشكر المنتدي علشان هوه صاحب فضل علينا في انه عرفنا علي كل الناس الحلوه اللي في المنتدي


ثانيا: عندي مشكله كبييييييره و مكدراني جامد .. انا عندي عربيه اكسنت مو 2006 زي الفل و 100% .. تقللي ايييه المشكله , اقلك يا باشا بقالي كام يوم العربيه بتنتش و بتقططع لما بكون ماشي علي السلانسيه و اجي أكبسلها بنزين .. روحت مغير فلتر البنزين , بردو مفيش فايده . روحت مغير فلتر الهوا و البوجيهات . بردو ولا كأني عملت اي حاجه , لدرجة اني شكيت في نفسي روحت مغير السواق اللي هوا أنا , صاحبي اللي جرب العربيه قاللي مالها كل ماكبسلها بنزين ترقص مبقيتش عارف اعمل اييه
يا ريت حد من اهل الخبره يساعدني لحسن خلاص بقيت بشد فشعري .. و شكرا مقدما لكل اللي حيشارك في الحل

[mr_sameh]

اكشف عليها علي الكمبيوتر

[aymanhh]

احتمال كبير بوبينة ....... حاول تجرب بوبينة تانية

[yasser_kamal]

اكشف عليها علي الكمبيوتر

شكرا يا سامح باشا علي الرد .. انشاء الله حعمل الحوار ده خلال اليومين الجايين .. شكرا علي سرعة الرد

[yasser_kamal]

احتمال كبير بوبينة ....... حاول تجرب بوبينة تانية

شكرا يا استاذ ايمن .. حكشف علي البوبينه

[tefeamer]

انا كان عندى نفس المشكلة فى الاكسنت 1999 1500 سى سى وغيرت كل اللى انت غيرته وفى الاخر لقيت المشكلة فى سلك البوجيهات واحد منهم كان بيقطع وبعد ما غيرتهم العربية بقت تمام جرب عندك يمكن يكون نفس العيب .
مع الشكر

[yasser_kamal]

انا كان عندى نفس المشكلة فى الاكسنت 1999 1500 سى سى وغيرت كل اللى انت غيرته وفى الاخر لقيت المشكلة فى سلك البوجيهات واحد منهم كان بيقطع وبعد ما غيرتهم العربية بقت تمام جرب عندك يمكن يكون نفس العيب .
مع الشكر

ربنا يخليك لينا يا باشا .. انا فعلا كنت شاكك فيهم بس قلت انو صعب يبوظو بسرعه . حخلي الميكانيكي يبص عليهم , و شكرا علي ردك الجميل

[yasser_kamal]

يا جماعه حبيت اقولكم ان المشكله طلعت في الكاربيراتير .. و الحمد لله ظبطت كتيييييير جدا عن الاول . و شكرا لكل اللي اهتم و رد علي موضوعي ..

[MohssenRashed]

معلش سؤال بس عشان انا عندي الموضوع دة اية الي طلع في الكربراتير؟