الرفرف الخلفى للماتريكس

[Rosasa]

بعد إذنكم طبعا عندى سؤال اتمنى حد يساعدنى فيه

عندى خبطتين فى الرفرفين اللى ورا و عايز اعملهم و فيه ناس بيقولولى انهم مالهمش اى دخول من جوا علشان يتردو لازم فتح فى الصاج

هل ده حقيقى ؟
ده لو حقيقى يبقى ده عيب وحش اوى فى الماتريكس
و لو كده ممكن اعملها فين انا عامل تأمين عليها بس مش عارف اعمل ايه ؟

و فيه حد قاللى ان فيه ماكينه زى شفك للصاج من بره

كل واحد بيفتكس
اتمنى حد منكم و انتم اهل الخبره كلها يجاوبنى
و متشكر جدا

[Rosasa]

هههههههههههههههههه

من الواضح ان كل اللى كان عندهم ماتريكس باعوها
علشان بسأل محدش بيعبرنى

ههههههههههههههههههه

ولا يهمكم

احلى صباح عليكم

[Hesham A.Megid]

بعد إذنكم طبعا عندى سؤال اتمنى حد يساعدنى فيه

عندى خبطتين فى الرفرفين اللى ورا و عايز اعملهم و فيه ناس بيقولولى انهم مالهمش اى دخول من جوا علشان يتردو لازم فتح فى الصاج

هل ده حقيقى ؟
ده لو حقيقى يبقى ده عيب وحش اوى فى الماتريكس
و لو كده ممكن اعملها فين انا عامل تأمين عليها بس مش عارف اعمل ايه ؟

و فيه حد قاللى ان فيه ماكينه زى شفك للصاج من بره

كل واحد بيفتكس
اتمنى حد منكم و انتم اهل الخبره كلها يجاوبنى
و متشكر جدا

انا برضه عندي خبطه في الرفرف اللي ورا تحت الكشاف، و لما رحت اعملها قالولي نفس الكلام!

بخصوص مكنة الشفط دي هو في حاجه كده فعلا بس معرفش تفاصيلها بصراحه.

[Rosasa]

تسلملى على ذوقك و ردك يا استاذ

بس عايزين نفهمها الحكايه دى برضه

انا الخبطتين دول مضايقنى اووووووووووووى

[ahmedsrs]

انا برضو سمعت عن مكنت الشفط بس معرفش حد جرب الموضوع ده

[mhalawa]

ما حدش جرب يقولنا

[Rosasa]

فعلا لازم حد يكون مجربها

[Ahmed Anwer]

انا كنت النهاردة بصلح خبطات في العربية

و سألت في المركز اللي كنت فيه

و اكدلي المعلومة بيقولي فيها فعلآ علب صاج كتير ،،

و ده اكيد كويس في حاجة و وحش في حاجة ،،

بس عموما قاللي ليها صرفة بس متعبة ،،

أنا شفتهم بيصلحوا عتب النترا ،، كانوا بيلحموا حتة سلك في العتب و يشدوله لبرة ،،

فرأي اعملها عند حد نظيف و هيعرف يتصرف فيها ،،

[Rosasa]

و الله انا تعبت
مش عارف اعملها فى التوكيل ولا بلاش ولا ايه و الله مانا عارف
المهم ماعلينا

استاذى الجميل احمد انور ربنا يخليك على اهتمامك و ردك و ذوقك يا حبيبى

و ربنا يكفينا كلنا بإذن الله شر خبطاات العربيات المتعبه دى

و اتشرفت بمعرفتك يا استاذ
و تسلم على المعلومه

[hfekry]

أستاذى العزيز : أعتقد ان أفضل حاجة انك تعملها فى التوكيل . هما أدرى ناس بالعربية وخاصة انك كمان الحمد لله مأمن عليها .
بدل ماتوديها هنا ولا هنا وأى حد يقعد يلعب فيها

[mhalawa]

أفضل حاجة انك تعملها فى التوكيل ....

[makarious]

bos ya man enta teroo7 3and samkary neddef keda we howa bayel7em bonat fi el sag we yeshd el gowa bas hate7tag terosh el rafrfa ba3diha

[makarious]

we talama me2amen 3aleaha wadiha el tawkeel we raya7 nafsak

[liquidator]

أخي الكريم انت مأمن علي عربيتك وديها التوكيل بدون تردد .. أنا كان عندي خبطه تحت الكشاف الخلفي و وديت العربيه التوكيل طلعوهالي فابريكه باس أنا بصراحه ماسألتش هما عملوها ازاي بس ده مش شغلي ده شغلهم و قالولي لو لاحظت فيها أي عيب بعد كده فده شغلنا هتهالنا تاني و من غير فلوس دي حاجه هناك بيسموها come back ... ماتقلقش طول ما انت في التوكيل لأنك مش في ورشة سمكره في الحرفيين ... وديها التوكيل و ريح دماغك خالص من وجع القلب ده ولا فتح علبه ولا شد صاج بحتة سلكه .. انت مالكش دعوه بالقصه دي ده شغلهم و ريح انت نفسك ...
علي العموم لو من غير تأمين غبور بياخد 300 جنيه علي سمكرة و دهان الرفرف الخلفي للماتريكس بدون ضريبة يعني 330 جنيه بالضريبه ... ماعتقدش انه كتير علي أساس ان ده توكيل و هايطلعلك شغل مظبوط و هو متحمل أي عيوب بعد كده ...