طلب استفسار من ملاك الالنترا

[BEBO]

مساء الخير
لو سمحتم انا عاجبنى جدا شكل الالنترا القديم يعنى من اول موديل 2004 لغايه موديل 2006
بس محتار اجيب اى موديل منهم
فياريت من ملاك الالنترا مساعدتى فى اختيار افضل موديل فيهم و اعطائى اسعارهم

ولكم منى جزيل الشكر

[mody8310]

موديل 2005 و2006 لان الكماليات فيها اكتر من 2004

[moatazmicro]

تقريبا يا مان 2004 افضل لو كورى الاسعار طبعا حسب الحالة 2004\2005 فى 70 اما 2006 \ 80

[mody8310]

الفرق بين ال2004 وال 2005و2006
هو كالتالى
بالنسبة ل 2004 الاتوماتيك الكماليات:4زجاج ك-باور-تكييف بكر-سنتر-كاسيت+4سى دى تشنجر-1600 سىسى.
بالنسبة ل2005 و2006الاتوماتيك :4 زجاج ك-سنتر - باور-تكييف تتش-كاسيت+12سى دى تشنجر- 2عداد رحلات فى التابلوه-اوفر دريف مع ناقل الحركة الاتوماتيك-2سنسور بارك-2 فانوس ضباب
وعذرا لو نسيت حاجة فى موديل 2004 الاتوماتيك
مع العلم ان انا درست المودلين ورسيت فى الاخر على موديل 2005 طبعا
عايز اقولك ان العربية دى فلته من فلاتات الزمن -ده رأيي الشخصى فى هذه
السيارة الجميلة وذلك دون انحياز للى ما يتسمى غبور

[mohbasyouni]

تاكيد

اؤكد على كلامك النترا 2004-2006 سيارة يندر ان تجود هيونداى بمثلها انا اقيم فى السعودية و هذا الموديل يحظى بتقدير كبير هنا و يعمل تاكسى فى المدن الكبيرة كالرياض و جدة و العداد 200 و 250 الف و ماشاء الله بحالتة مثل الزيرو تماما انا اشتريت النترا 2008 على سمعة هذا الموديل و لكن للاسف طلعت اقل بكثير

[ماجد يوسف وهبه]

حقيقى الموديل ده ما يتعوضش أنا كانت معايا حوالى 7 شهور مانيوال عيبها حاجه واحده بس الصاج خفيف جدا يبان فيه أقل خبطه أو نقرة طوبه بس ده فى كل موديلات هيونداى حتى الجديده.

غير كده عربيه ممتازة بكافة المقاييس . أنا جبت بيها 195 كم/س على طريق العلميين وكان ممكن اجيب أكتر لأن Rpm كان على 5000.

المشكله أنك صعب تلاقى منها حاله كويسه (كسر الزيرو) وان وجدت سعرها بيبقى غالى جدا.

[Simple]

انا عربيتى 2006 و عاملة 20,000بس مانيوال و جمدا موووووووووووووووووووووووووووت عن تجربة افضل من الجديدة

[mody8310]

الاجمل من كده لما تركب زينون مكان فوانيس الشبورة ورنجات وزينون فى الكشاف الامامى مع جنط مقاس 16 انش مع تلميع السيارة عند اى كار كير واتحدى بيها
البى ام فى الجمال

[Simple]

ana kaman mrkb xenon fel fog we fel fanoos ely foo2 kaman we isa jonot 17 2orayeb

[mody8310]

واو 100 100 موضوع ال17 انش
اكيد مخلى العربية حكاية
ممكن اركب 17 فيها
مع اللون السيلفر حيقلب الدنيا

[momomania22]

عربية جامدة جدا
بس خليك في 2006
تحفة تحفة تحفة
مع ان عندنا 2007 بس ال2006 جامدة جدا وهيبة كده

[Simple]

momkn te2ololy 3arabety te3ml kam now
heya elantra 2006 we 3amla 21000 we feha t2meen xenon wa7d fel fog we wa7d fel fanoos ely foo2 we feha cd player sony el wesh beta3o kahraba