غبور بيسلم الماتركس من غير ضمان ورقى

[msoliem]

السلام عليكم ورحمة الله وبركاته
أولا انا من اشد المعجبين بهذا المنتدى ورواده حيث انه ساعدنى كثيرا اثناء التفكير واختيار السيارة المناسبة لى , وبعد شهرين من المداولات توكلت على الله و اشتيرت هيونداى ماتركس مانيوال بس المفاجأه كانت ان المعرض قالى ان مفيش ورقة ضمان للسيارة ولا للبطارية وان العربية سيتم اثبات الشاسيه بتاعها فى صيانة الالف كيلو فى الفرع الرئيسى

لو حد عندوا معلومات زيادة عن الموضوع ده ياريت يتفضل يعرفنا علما بان العربية موديل 2008 بالكاسيت السىدى واستلمتها يوم21/2/2008

جزاكم الله خيرا
سلام

[som3aa]

أنا استلمت السوناتا من غبور منغير كاتالوج و لا ضمان و لا أى حاجة
استلمت العربية و المفاتيح من الاخر بس

[eng.hoshos]

هو فعلا غبور بيعمل كده..و ما تقلقش على الضمان
انا لسه مستلم عربيتي يوم 3 فبراير و برضه عملوا معايا نفس الكلام
و لما رحت الصيانة اسأل على الضمان
ادوني ضمان فاضي ما علهوش أي بيانات بالعربية و قالولي لما تيجي في صيانة الألف كيلو هنبقى نختمهولك ان شاء الله
كل اللي يهمهم هناك ان رقم الشاسيه بتاع عربيتك يبقى موجود عندهم على الكمبيوتر عشان يتأكدوا انك مشتري منهم مش جايبها من الخليج..
و ألف مبروك على العربية..و ربنا يعطيك خيرها و يكفيك شرها ان شاء الله

[Hesham A.Megid]

أنا استلمت السوناتا من غبور منغير كاتالوج و لا ضمان و لا أى حاجة
استلمت العربية و المفاتيح من الاخر بس

حضرتك من الناس القليلين هنا في المنتدي اللي جابوا السوناتا. ياريت تحكلنا عليها في موضوع منفصل :)

[bassam nagy]

المفروض حضرتك تستلم ضمان العربية فى كتيب وضمان الكاسيت كتيب بس مالوش لازمة لانهم بيبصوا على العداد حتى مابيهتموش بالختم فى كتيب الضمان
اما بالنسبة للسوناتا مع عمى 2400 وماستلمش فيها اى كتالوج العربية ممتازة كاموتور العفشة كاعادة هيونداى فى الاول ناشفة وكمان باينة اوى عشان الجنوط 17 ومازالت تحت الاختبار وعلى فكرة موضوع ان الكاسيت بتاعها mb3 دة فشنك الية متركب فيها سى دى اوديو عادى