مطلوب رأيكم فى الجيتز

[btm222]

السلام عليكم

انا محتاج رأيكم لأنى بفكر أشترى getz f/o manual
وبها فتحة سقف
بس متردد لانى1- مش عارف ظروف التوكيل و قطع الغيار ايه
2- العربية نفسها عاوز راى الناس اللى جربتها لفترة طويلة و قصيرة
3- لو ربنا اراد وجبتها اشتريها منين وافضل مكان للصيانة فين
ولو حد عنده اى ملاحظة يتفضل يقولها

معلش طولت عليكم
د/ خالد

[lenasam]

عربية كورى
الناس مبسوطة منها جدا
سبورت وشبابية

[placebo_sh82]

متابع.......انا كمان ناوى اشتريها باذن الله بس من غير فتحة سقف

[Ahmed_Ezz]

عربية ممتازة بل اكتر من ممتازة بتاعت شغل جدااااااااا و الصيانة فى اى مكان انا بروح ابورواش و كويس توكل على الله انا معايا ال f/o manual
وبها فتحة سقف حلوة جدا ربنا يباركلك انشاء الله

[placebo_sh82]

الله يطمنك اصل فى ناس بتفتى وبتقول ان قطع غيارها مش موجودة غير فى التوكيل وخاصة اجزائها الخارجية وان خبطة جامدة فى مطب ولا رصيف تخليك تغير كوبلين ورفرف امامى وممكن علبة دركسيون كمان...ايه راى حضرتك

[placebo_sh82]

سؤال كمان معلش اخبار الشنطة معاك ايه ...يعنى لو مسافر او فى السوبر ماركت بتجيب طلبات الشهر او عجلة صغيرة بتشيل ولا هتخنقنى انا عندى طفل واحد

[btm222]

عربية كورى
الناس مبسوطة منها جدا
سبورت وشبابية

هيا فعلا شكلها شيك جدا

شكرا lenasam على الاهتمام

[btm222]

متابع.......انا كمان ناوى اشتريها باذن الله بس من غير فتحة سقف

hi placebo

ربنا يوفقك ويقدملك اللى فيه الخير
بس قولى انت صيدلى ؟
مجرد تخمين علشان الاسم

[btm222]

عربية ممتازة بل اكتر من ممتازة بتاعت شغل جدااااااااا و الصيانة فى اى مكان انا بروح ابورواش و كويس توكل على الله انا معايا ال f/o manual
وبها فتحة سقف حلوة جدا ربنا يباركلك انشاء الله

ربنا يخليك يا احمد
انا سمعت ان فيها مشاكل فى السنتر و الكاسيت مش اللى نازله بيه
هل عندك فكره بالكلام ده اذا كان صح او غلط
وشكرا مقدما

[placebo_sh82]

ايوه انا فعلا صيدلى

[btm222]

ايوه انا فعلا صيدلى

انا قولت كده برضه

مرحب يا زميل واضح ان الصيادلة كلهم ناويين يجبوا جيتز

[btm222]

انا حجزت الجيتز خلاص

عقبال ما ابيع الاونو اللى معايا

[mmffor]

العربية دي اثبتت نجاح باهر في اوروبا و هي زي ال i20 فبالتالي انت بتشتري عربيه بجودة تصنيع اوروبيه و اداء عالي و لكن سوق على مهلك لأن جميع وسائل الامان و الحماية اللي بتنزل في كمواصفات اساسية يتم انتزاعها منها في التوكيل في مصر, يعني مفيش ABS EBD AIRBAGS و في النهاية انا ارشحها كهاتش باك في الفئة دي و ممكن تبص على الفيات بونتو و سيريون

[Ahmed_Ezz]

الشنطة مناسبة جدااا ليا طلبات و سفر لو الغيلة صغيرة مش شنطة صغيرة خالص لأ مناسبة جداا و الكاسيت و السنتر فيهم مشاكل انت و حظك بس التوكيل مش بيتكلم فيهم خالص عندك مشكلة يتغير علطول متقلقش و اسف للتأخير

[n_i_t_e]

الجيتز برغم انها من برة شكلها عربية هاتش باك صغيرة الا ناهم مستغلين المساحات صح و واسعة جدا من جوه سواء الأمامى أو الصالون و شنطتها حجمها حلو جدا بالنسبة لهاتش باك.