مسامير العجل فى الهيونداى ......مشكلة شائعة والا نادرة

[ahmedsameir]

مسامير العجل فى الهيونداى ......مشكلة شائعة والا نادرة
حصل الموقف معايا مرتين فى العجل الامامى يتكسر مسمار العجل داخل الصاموله و غريتهم بكل سهوله بس المشكلة دى طلعت عند كذا حد من اصحابى بالصدفه و انا بحكى معاهم ........هل فى حد حصله الموقف ده ؟
و سالت واحد صاحبى مهندس فى توكيل هيونداى قالى المشكلة دى فى الماتريكس و الالنترا و الهيونداى ؟
انا عايز رايكم فى الموضوع ده و مين حصله كده و عمل ايه ؟

[mahmoud_afifi]

انا برضه حصلت معايا وكنت فاكر اني اول واحد في العالم تحصل معاه :)
كويس اني مش لوحدي. انا معايا النترا 2010 وحصل كده تقريبا اول لما جبت العربيه , سبتها شوية لقيت العجله الي ورا نايمه ... المهم بعد لما صلحتها وباجي اركبها المسمار اتكسر.
ومن ساعتها وانا حصلي عقدة خوف من فك او تركيب اي مسامير :)
النهارده قعدت ساعه افك في المسامير بالمناسبه عشان كنت خايف افكهم ويتكسروا. بس خايف من التركيب بتاعي عشان حاسس اني ماربطهمش جامد !!

[ahmedsameir]

انا برضه حصلت معايا وكنت فاكر اني اول واحد في العالم تحصل معاه :)
كويس اني مش لوحدي. انا معايا النترا 2010 وحصل كده تقريبا اول لما جبت العربيه , سبتها شوية لقيت العجله الي ورا نايمه ... المهم بعد لما صلحتها وباجي اركبها المسمار اتكسر.
ومن ساعتها وانا حصلي عقدة خوف من فك او تركيب اي مسامير :)
النهارده قعدت ساعه افك في المسامير بالمناسبه عشان كنت خايف افكهم ويتكسروا. بس خايف من التركيب بتاعي عشان حاسس اني ماربطهمش جامد !!

هما الحمد لله انهم بيتكسروا ساعة الفك بس مش بيتكسروا و يقعوا هما بيفضلوا ماسكين بردو فى العجل
يعنى شوفوا الغباء حتى مسامير العجل مش مهتمين بيها
انا نويت اشترى شوية مسامير و اخليهم معايا فى العربيه احتياطى طالما الموضوع متكرر
بس الميكانيكى بتاعى قالى على حاجه مهمه قوى ان مش كل الصواميل بتركب على اى مسمار لان فى مسامير ناعمه و مسامير خشنه و كمان الصواميل هكذا
يعنى تخلى بالك من الصاموله لتكون ناعمه و المسمار خشن او العكس
و دخول المسمار او الصاموله اثناء الربط لازم يبقى سلس يعنى مش مزرجن فى اول الربط والا يبقى كده راكب معوج و ممكن يعمل نفس المشكلة
و انا لاحظت بردو ان بتوع الكاوتش بيحط الصاموله او المسمار فى مفتاح العجل الاول و يربط و يقرط مانت مش واخد بالك و ممكن يكون مش راكب صح يبان امتى بقى لما تيجى تفك تانى مره مع المشى طبعا يكون اتكسر

بس الحمد لله ان الواحد بردو عرف عيب غبى ملوش لازمه بس سهل العلاج

[tammmer]

اكيد مشكلة شائعة انا طلع عينى
روح للميكانيكى ارفع العربية ويحل المسمار وبعدين اروح اشتري مسمار نفس المقاس
اشترى المسمار ويطلع المقاس مش هوة وارجع تانى ارجعة واشتري غيرة
كفاية بقى انت قلبت عليا المواجع

[أبو_يوسف]

و انا لاحظت بردو ان بتوع الكاوتش بيحط الصاموله او المسمار فى مفتاح العجل الاول و يربط و يقرط مانت مش واخد بالك و ممكن يكون مش راكب صح يبان امتى بقى لما تيجى تفك تانى مره مع المشى طبعا يكون اتكسر

صح..
خلي بتاع الكاوتش يركب الصامولة بايده ويلفها بايده الاول..
بلاش حركة المفتاح دي لانه ممكن يربط غلط ويبوظ سن المسمار وساعة الفك مابيتفكش غير بالقطم..يتكسر يعني..

[ahmedsameir]

اكيد مشكلة شائعة انا طلع عينى
روح للميكانيكى ارفع العربية ويحل المسمار وبعدين اروح اشتري مسمار نفس المقاس
اشترى المسمار ويطلع المقاس مش هوة وارجع تانى ارجعة واشتري غيرة
كفاية بقى انت قلبت عليا المواجع

معلش بقى قلبت عليك المواجع بس كان لازم انبه الناس من النقطه دى مع انها اول مره تحصلى فى خياتى فى عربية
بس ارجع و اقول الحمد لله انها جت على قد مسامير عجل مش اكتر من كده

[nibrahim]

ألاقى صامولة نيو أكسنت 2007فين ؟

أنا معايا نيو أكسنت 2007 و مسمار فى العجلة الشمال أتكسر لما كنت برصص العجل علشان الصامولة كانت متركبة غلط و انا مش عارف .... المهم أنى دوخت على الصامولة النصف مفتوحة لان كل الموجود فى التوكيل و فى السوق الصامولة المقفولة اللى مش بتركب عندى علشان فى غطى للمسامير العجل بيركب بعد ما بتركب المسامير... حد عنه فكرة ألاقى الصامولة دى فين فى الاسكندرية ؟

[digi_7E]

اول مرة اسمع حاجة زي كدا

[Medo007]

حلصت معايا وبرده معايا فيرنا 2004 بس انا اللى غلطان فكيت المسامير من غير ما ارفع العربية فالعربية حملت على الكوتش لازم الحاجات تبقى بحرص وروحت فك المسمار المقطوم وحط واحد جديد
بس انا بقلق من الحاجات دي اوى فجبت بعديها صرة جديدة ب200 جنيه

[mohabelnegm]

خلى بالكم لما حد بيركب العجلة و يجى يربط المسامير و يحرق عليها " بعنف و بغشم بأيدة و برجلة" دة بيؤدى بعد كدة بالتكرار أن المشكلة دى تحصل و مسمار يتكسر. ربط المسامير ليه فن و صنعه فى الربط . مش جامد لدرجة الكسر و برضه مش نسيب المسامير مهويه..أربط بفن و حرق بأيدك بدون عافيه.

[caysersosaih]

حاجة غريبة ومقلقه

[حماده المصري]

حصلت معايا كتير في نيو اكسنت والنترا القديمه

[tamer_a7]

حصلت معايا كتير في نيو اكسنت والنترا القديمه

حصلت معاك كتير
نهارنا ابيض ان شاء الله يعني الواحد لو الكاوتش نام في الطريق يمشي عليه ارحم ما يغيره هههههههه