اول طلب ليا فى نايل موتورز هيونداى i10

[fanta_cola]

اول طلب ليا فى نايل موتورز انا قررت اجيب هيونداى I10 اوتوماتك كاش ان شاء الله
اجيبها منين ؟؟
غبور او المصريه او سمير ريان?? غبور مش بيسلمها على طول تقريبا
وايه رايكوا فى العربيه ؟؟

[fanta_cola]

اول طلب ليا فى نايل موتورز هيونداى i10اول طلب ليا فى نايل موتورز انا قررت اجيب هيوندا

اول طلب ليا فى نايل موتورز انا قررت اجيب هيونداى I10 اوتوماتك كاش ان شاء الله
اجيبها منين ؟؟
غبور او المصريه او سمير ريان?? غبور مش بيسلمها على طول تقريبا
وايه رايكوا فى العربيه ؟؟

[mshmshm3]

سمير ريان كويس وغبور كويس بس مش عارف انا شخصيا مش برتاح للمعارض بس معرض سمير ريان كويس والعربية كويسة مش وحشة ومبروووووك عليك مقدما ربنا يديلك خيرها ويكفيك شرها

[abokoko]

ممكن تقرأ هذا الموضوع

http://www.nilemotors.net/Nile/131964-a.html

[fanta_cola]

متشكر جدا على الرد انا بس خايف عشان دول كل اللى حيلتى وعايز اجيب بيهم عربيه توفر بنزين واغلب المواضيع هنا بتحسسنى ان غبور سيء جدا مش عارف الحقيقه ده صح ولا ايه
يعنى اجيب من الوكيل ولا موزع ولا الريان انا مش عارف النصيحه لله

[mshmshm3]

مش عارف عن نفسي جبت من توكيل غبور في عمارات العبور صلاح سالم مش بحب اروح اى معرض التوكيل اضمن بسمع انه اغلى شوية من اى معرض بس ابقي مطمن وانتظر ردود الاعضاء اكيد عندهم خلفية اكتر في موضوع المعارض وبالنسبة لتوكيل غبور فعلان معاملتهم اسوء من اى توكيل بس لما بتزن عليهم بيعملوا اللى انت عايزه

[Beam28]

العربية معايا عاملة ٧٠٠٠ كم بقالها ٤ شهور وماشاء الله زي الفل ومافيهاش الهوا وناعمة جدا وانا شخصيا مبسوط بيها جدا والحمد لله.. العربية اشتريتها من غبور ابو رواش

[fanta_cola]

العربية معايا عاملة ٧٠٠٠ كم بقالها ٤ شهور وماشاء الله زي الفل ومافيهاش الهوا وناعمة جدا وانا شخصيا مبسوط بيها جدا والحمد لله.. العربية اشتريتها من غبور ابو رواش

ربنا يكفك شرها ..و يكرمك بيها
يعني أتوكل على الله و اجبها ،، و تكيفها كويس ولا نص نص ؟؟،، والأوتماتك منها كويس ولا إيه ؟؟

[fanta_cola]

مش عارف عن نفسي جبت من توكيل غبور في عمارات العبور صلاح سالم مش بحب اروح اى معرض التوكيل اضمن بسمع انه اغلى شوية من اى معرض بس ابقي مطمن وانتظر ردود الاعضاء اكيد عندهم خلفية اكتر في موضوع المعارض وبالنسبة لتوكيل غبور فعلان معاملتهم اسوء من اى توكيل بس لما بتزن عليهم بيعملوا اللى انت عايزه

يعني إنت رأيك أجيب من غبور ،، أنا غبور عمارات العبور قريب مني ... و إنت جبت إيه ؟؟ i10 ؟؟ و عملة معك إيه لو i10 ؟ بنزين و تكييف و مشواير

[Beam28]

ربنا يكفك شرها ..و يكرمك بيها
يعني أتوكل على الله و اجبها ،، و تكيفها كويس ولا نص نص ؟؟،، والأوتماتك منها كويس ولا إيه ؟؟

متشكر جدا

كويسة جدا مع ملاحظة انها ١١٠٠ سي سي فلا تتوقع منها اداء خارق ولكن معقول.
التكيف جيد جدا ولكن مش زي العربيات الـ ١٦٠٠ يعني لو راكن العربية في الشمس طول اليوم هياخد وقت شوية على ما يسقع لكن لو مشغله في الظل او بالليل بيبقى تلاجة وقوة دفع الهواء عالية.
التكيف بيأثر على سحب السيارة ولما باكون طالع مطلع ولا حاجة باقفله عشان ما حملش على الموتور.
الفتيس الاوتوماتيك رائع ونقلاته ناعمة والكيك داون فيه ممتاز.
الموتور صوته واطي وناعم والعربية في المجمل ناعمة بس ناشفة شوية في المطبات.
الدركسيون من امتع الحاجات في السيارة بيبقى خفيف على السرعات القليلة وبيتقل على السرعات العالية.
عزل الاصوات الخارجية ليس على المستوى المنشود ولكنه مقبول جدا في سيارة صغيرة واقتصادية.
استهلاك البنزين داخل البلد في الزحمة وبالتكيف ٢٥٠ كم في الصفيحة تزيد لـ ٣٠٠ لو طوالي او من غير تكيف.

ربنا يوفقك للقرار السليم

[fanta_cola]

متشكر جدا انا نزلت اجيب العربيه النهارده لقيتها غليت ٣٠٠٠ جنيه منك لله يا غبور اعمل اييه انا دلوقتى

[mshmshm3]

يعني إنت رأيك أجيب من غبور ،، أنا غبور عمارات العبور قريب مني ... و إنت جبت إيه ؟؟ i10 ؟؟ و عملة معك إيه لو i10 ؟ بنزين و تكييف و مشواير

انا جبت فيرنا 2008 ال i10 انا شايف انها عربية كويسة طول ما انت مش بتهينها يعني مش بتقرص على الموتور هاتفضل كويسة معاك