رسميا ... الالنترا الجديده 2011 نزلت فى كوريا للبيع ابتداءا من الاسبوع القادم

[Hosam_Optrawy]

تفاصيل الخبر على موقع هيونداى الرسمى

HYUNDAI UNVEILS ALL-NEW AVANTE IN KOREA | Hyundai Motors

.

[Mzeid]

الف شكر على الخبر
بس أهو إن ما نزلت عندنا باسم أفانتي و اغلى من الالنترا و الالنترا هتنزل زي ما هي

[M.almaghraby]

عربية حتعمل ضجة.....

[farfora20082008]

الف شكر على الخبر
بس أهو إن ما نزلت عندنا باسم أفانتي و اغلى من الالنترا و الالنترا هتنزل زي ما هي

انا معاك في الكلام ده وخير دليل علي كده السياسه اللي النناس ماشيه بها هنا ونضرب امثله

هيونداي فرنا - عربيه الشعب بقالها سنين موجوده بدون تغير اي شيء فيها ليه !!! لان العربيه مسمعه مع الناس فليه غبور يخسر حاجه زي دي
متسوبيشي لانسر - عربيه اكتسحت الشارع ورغم ان الموديل الجديد نزل منها واغلي بحوالي 30 الف الا ان الوكيل بينزل الاتنين لحد ما بقي كل واحده فيهم تحتل فئه سعريه لوحدها
دايو لانوس - سمعت قوي وبعد ما دايو فلست منصور كان مصر يلعب بالعربيه كورقه رابحه عشان يبيع
نيسان صني : عربيه تحفه واصلا بالنسبه للمصرين نيسان هي صني من زمان قوي ورغم ان الشكل ده اتوقف تصنيعه في اي مكان في العالم حصل الاتي
في بعض الاسواقي الشرقيه نزلت بشكل وباسم تاني " رينو سكالا" وفي مصر فضلت موجوده وبتتجمع هنا مع تغير شكل الفانوس

وكان في من فتره خبر ان غبور هيعمل اكبر مكان تصنيع وتجميع سيارات في الشرق الاوسط

وبما ان المعتاد ليه اجيب عربيه جديده علي السوق طيب ما نمشي حسب ما قال الاخ احمد حلمي وكل من نفسك يعني غبور هينزل العربيه الجديده باسم تاني ويسيب النترا اللي هي من احسن العربيات اللي سمعت مع المصرين والعربيه الجديده هتاخد فئه سعريه اعلي وكده يبقي غبور عداه العيب ومش خسر بل بالعكس سايبلكم عربيه في فئه ال 100 الف اللي عهي الالنترا وهينزلكم عربيه تملي الفراغ اللي بين السوناتا والالنترا

وطبعا احنا المصرين هنقول سمعا وطاعا يا غبور ومحدش هينطق عشان الناس دي يا اخوه يعرفوا مصلحتنا اكتر مننا يعني لو غبور نزلنا توكتوك وحط عليه علامه هيونداي وقالنا دا مني كار عشان نساعد في حل ازمه الزحمه يبقي الراجل ده بيحب البلد دي واحنا اليل مش فاهمين وكمان ممكن نكون عملا او جواسيس

وعجبي

غير اني عن نفسي لو معايا فلوس العربيه الجديده دي مش راح اشتريها لانها ببساطه مش تنفعني
نص البدي بتاع العربيه فوانيس يعني عيل ابوه معرفشي يربيه يرسملي قلب وسهم وحرفين علي الفانوس وممكن يزاكر كمان عليه
غير انها واطيه اكتر من الالنترا الحاليه بكتير وفي بلدنا الحكومه مش عايزانا نكون اصحاب عربيات عايزانا نكون راكبين خيل ونط حواجز " المطبات المصريه "
وكما التكنولوجيا بفلوس زي ما ضحك علينا وحط عتب وسبويلر وشبكه للاكسنت وقالنا موديل جديد :)

[Gabrial]

شكراً على الخبر يا باشا .امال نازلة امتى في باقي الدول؟

[SAMEHNOSHI]

انا معاك في الكلام ده وخير دليل علي كده السياسه اللي النناس ماشيه بها هنا ونضرب امثله

هيونداي فرنا - عربيه الشعب بقالها سنين موجوده بدون تغير اي شيء فيها ليه !!! لان العربيه مسمعه مع الناس فليه غبور يخسر حاجه زي دي
متسوبيشي لانسر - عربيه اكتسحت الشارع ورغم ان الموديل الجديد نزل منها واغلي بحوالي 30 الف الا ان الوكيل بينزل الاتنين لحد ما بقي كل واحده فيهم تحتل فئه سعريه لوحدها
دايو لانوس - سمعت قوي وبعد ما دايو فلست منصور كان مصر يلعب بالعربيه كورقه رابحه عشان يبيع
نيسان صني : عربيه تحفه واصلا بالنسبه للمصرين نيسان هي صني من زمان قوي ورغم ان الشكل ده اتوقف تصنيعه في اي مكان في العالم حصل الاتي
في بعض الاسواقي الشرقيه نزلت بشكل وباسم تاني " رينو سكالا" وفي مصر فضلت موجوده وبتتجمع هنا مع تغير شكل الفانوس

وكان في من فتره خبر ان غبور هيعمل اكبر مكان تصنيع وتجميع سيارات في الشرق الاوسط

وبما ان المعتاد ليه اجيب عربيه جديده علي السوق طيب ما نمشي حسب ما قال الاخ احمد حلمي وكل من نفسك يعني غبور هينزل العربيه الجديده باسم تاني ويسيب النترا اللي هي من احسن العربيات اللي سمعت مع المصرين والعربيه الجديده هتاخد فئه سعريه اعلي وكده يبقي غبور عداه العيب ومش خسر بل بالعكس سايبلكم عربيه في فئه ال 100 الف اللي عهي الالنترا وهينزلكم عربيه تملي الفراغ اللي بين السوناتا والالنترا

وطبعا احنا المصرين هنقول سمعا وطاعا يا غبور ومحدش هينطق عشان الناس دي يا اخوه يعرفوا مصلحتنا اكتر مننا يعني لو غبور نزلنا توكتوك وحط عليه علامه هيونداي وقالنا دا مني كار عشان نساعد في حل ازمه الزحمه يبقي الراجل ده بيحب البلد دي واحنا اليل مش فاهمين وكمان ممكن نكون عملا او جواسيس

وعجبي

غير اني عن نفسي لو معايا فلوس العربيه الجديده دي مش راح اشتريها لانها ببساطه مش تنفعني
نص البدي بتاع العربيه فوانيس يعني عيل ابوه معرفشي يربيه يرسملي قلب وسهم وحرفين علي الفانوس وممكن يزاكر كمان عليه
غير انها واطيه اكتر من الالنترا الحاليه بكتير وفي بلدنا الحكومه مش عايزانا نكون اصحاب عربيات عايزانا نكون راكبين خيل ونط حواجز " المطبات المصريه "
وكما التكنولوجيا بفلوس زي ما ضحك علينا وحط عتب وسبويلر وشبكه للاكسنت وقالنا موديل جديد :)

باشا انا اختلف معاك فى الكلام دة, غابور لما ساب الفرنا علشان كانت بتجمع فى مصر زى اللانوس و النيسان صنى, كلهم بيتجمعوا فى مصر و فى مصانع كبيرة شغالة فيها مئات العمال مش سهل تقفل, لكن الالنترا الجديدة حتعامل معاملة اختها الكيا سيراتو بالضبط, و زى ما السيراتو القديمة وقفت و نزلت الجديدة بالمثل الالنترا القديمة حتقف و حتنزل الجديدة و اتوقع سعرها يزيد 5 الاف جنية عن السيراتو, و حتى لو غابور عايز يسيب الالنترا القديمة مع القديمة مش حيعرف لسببين:

1. غابور مش بيصنع الالنترا هنا زى الفرنا و هيونداى مش حتفتح مصنع مخصوص لغبور علشان تصنعلة الالنترا القديمة لية لوحدة علشان خاطر سواد عيونة!!!
2. فى حاجة اسمها تجار الخليجى دلوقتى اللى بينفسوا اى توكيل و بيجيبوا العربيات باسعار منافسة جدا للتوكيل و دى حيخلى التوكيل ما يتحكمشى فى سعر العربية زى ما انتوا فكرين, والا الكل حيشترى خليجى و التوكيل حينشى و فى الاخر يتسحب منة التوكيل.

اطمنوا الالنترا الجديدة حتنزل و بسعر لازم يكون قليل علشان تقدر تنافس و القديمة حتقف و بكرة الايام حتثبت كلامى.

[farfora20082008]

باشا انا اختلف معاك فى الكلام دة, غابور لما ساب الفرنا علشان كانت بتجمع فى مصر زى اللانوس و النيسان صنى, كلهم بيتجمعوا فى مصر و فى مصانع كبيرة شغالة فيها مئات العمال مش سهل تقفل, لكن الالنترا الجديدة حتعامل معاملة اختها الكيا سيراتو بالضبط, و زى ما السيراتو القديمة وقفت و نزلت الجديدة بالمثل الالنترا القديمة حتقف و حتنزل الجديدة و اتوقع سعرها يزيد 5 الاف جنية عن السيراتو, و حتى لو غابور عايز يسيب الالنترا القديمة مع القديمة مش حيعرف لسببين:

1. غابور مش بيصنع الالنترا هنا زى الفرنا و هيونداى مش حتفتح مصنع مخصوص لغبور علشان تصنعلة الالنترا القديمة لية لوحدة علشان خاطر سواد عيونة!!!
2. فى حاجة اسمها تجار الخليجى دلوقتى اللى بينفسوا اى توكيل و بيجيبوا العربيات باسعار منافسة جدا للتوكيل و دى حيخلى التوكيل ما يتحكمشى فى سعر العربية زى ما انتوا فكرين, والا الكل حيشترى خليجى و التوكيل حينشى و فى الاخر يتسحب منة التوكيل.

اطمنوا الالنترا الجديدة حتنزل و بسعر لازم يكون قليل علشان تقدر تنافس و القديمة حتقف و بكرة الايام حتثبت كلامى.

اتمني كلامك يكون صح رغم اني لسه شاري النترا قديمه وهستلمها يوم الاحد ان شاء الله بس بعتبر اللي بتقوله اشبه بحلم اي نعم يتماشي مع المنطق بس هل يا تري ايه في بلدك يتماشي مع المنطق ومن امتي التجار - المستوردين - الوكلاء بيهمهم الشعب
علي العموم يا خبر دلوقتي بفلوس بكره يبقي ببلاش وهتشوف ان مصر دي مفهاش حد قلبه علي حد وهتلاقي المستوردين الخليجي والوكيل من غير ما يتفقو اتفقوا علي ان العربيه يكون سعرها عالي ( جمارك - مكسب خرافي للمستورد ) وفي الاخر قلبهم جامد عشان سببين اولهم انت في مصر ثانيهم العربيه تستاهل

[ahmedbeirut123]

شكرا عالخبر

بس هى النيو النترا 140 حصان صافى

ولا زى السيفيك كده يقولو 140 حصان و هى صافى 125 حصان

و من 0 ل 100 بتاخد كام ثانية

[aymanshebl]

باشا انا اختلف معاك فى الكلام دة, غابور لما ساب الفرنا علشان كانت بتجمع فى مصر زى اللانوس و النيسان صنى, كلهم بيتجمعوا فى مصر و فى مصانع كبيرة شغالة فيها مئات العمال مش سهل تقفل, لكن الالنترا الجديدة حتعامل معاملة اختها الكيا سيراتو بالضبط, و زى ما السيراتو القديمة وقفت و نزلت الجديدة بالمثل الالنترا القديمة حتقف و حتنزل الجديدة و اتوقع سعرها يزيد 5 الاف جنية عن السيراتو, و حتى لو غابور عايز يسيب الالنترا القديمة مع القديمة مش حيعرف لسببين:

1. غابور مش بيصنع الالنترا هنا زى الفرنا و هيونداى مش حتفتح مصنع مخصوص لغبور علشان تصنعلة الالنترا القديمة لية لوحدة علشان خاطر سواد عيونة!!!
2. فى حاجة اسمها تجار الخليجى دلوقتى اللى بينفسوا اى توكيل و بيجيبوا العربيات باسعار منافسة جدا للتوكيل و دى حيخلى التوكيل ما يتحكمشى فى سعر العربية زى ما انتوا فكرين, والا الكل حيشترى خليجى و التوكيل حينشى و فى الاخر يتسحب منة التوكيل.

اطمنوا الالنترا الجديدة حتنزل و بسعر لازم يكون قليل علشان تقدر تنافس و القديمة حتقف و بكرة الايام حتثبت كلامى.

انا متفق مع كلامك مائة بالمائة

[mohamedrabia]

انا اعرف ان الالنترا والماتركس بتتقفل في تركيا حاليا

[Hosam_Optrawy]

الف شكر على الخبر
بس أهو إن ما نزلت عندنا باسم أفانتي و اغلى من الالنترا و الالنترا هتنزل زي ما هي

لا مينفعش يحصل الكلام دا

شكراً على الخبر يا باشا .امال نازلة امتى في باقي الدول؟

اكيد قريب

شكرا عالخبر

بس هى النيو النترا 140 حصان صافى

ولا زى السيفيك كده يقولو 140 حصان و هى صافى 125 حصان

و من 0 ل 100 بتاخد كام ثانية

الالنترا 140 حصان

السيفيك 125 حصان

مفيش 140 ومفيش حاجه اسمها صافى

السيفيك ال 1800 هى ال 140

انا اعرف ان الالنترا والماتركس بتتقفل في تركيا حاليا

الالنترا طول عمرها تقفيل كورى

الماتريكس هى اللى تركى

[ahmedbibo]

والله يا جماعه العربيه هتنزل بفئه السعريه بتاعت الجيتا و السيفيك و الافانتزيا وفى الحاله ديه محدش هيشتريها اذا كانت السوناتا بجلالاه قدرها الى هيا فئه التيوتا كامرى و ايه بشنوفها نادر جدا فى الشارع وديه اكيد هتكون بديل للسوناتا القديمه فى الفئه السعريه هتبدأ من 150 وانت طالع و طبعا عشان غبور بيحب الشعب المصرى هيسيب الكاسيت الاصلى ويضيفوا تبع الاوبشن و عشان حط مره فى حياتو اير باج و ابيى اس يا سلام هيونداى بقى فيها وسائل امان يا فرج الله وهتشوفو الايام بيننا

نفرض نفرض غبور نزلها بأسم افانتى وخلاها فئه

الجيتا و الاوكتافيا فانتزيا و السيفيك و رينو فلوينس و الفيات برافو و السيات ليون و عربيات كتير كتير تانيه تعتقدوا ان العربيه حد هيشتريها عن نفسى لو قدامى الاختيارات ديه هشتريه طبعا الماركات العالميه ديه

ومفيش واحد فى مصر لو مش بيفهم فى العربيات خالص تقولو هيونداى ولا هوندا ولا فولكس ولا سكودا ولا سيات ولا فيات ولا فورد يروح يشترى هيونداى انا مليش دعوه بالفئه الاقل هتقولى ما العربيات الى اقل فى الفئه السعريه هيونداى منتشره عنهم فقط عشان الانتشار وسعر اعاده البيع و قطع الغيار فقط لا غير بس لو قارنت عربيه ب عربيه بدون قطع غيار ولا انتشار ولا سعر اعاده بيع ولا البتنجان ده اكيد الشركات الاخرى هيا الى هاتكسب
وكلنا عارفين ده اكيد مفيش واحد مش عارف كده و اولا العربيه مش عمليه اه شكلها جامد جدا بس احنا متعودين من هيونداى شكل و خلاص بس ديه لو نزلت بتمن الانترا القديمه و انا واثق 100 % من الى بقوله مفيش عربيه فى الفئه السعريه ديه هتباع غيرها و انا عن نفسى لو نزلت بالفئه السعريه ديه اول واحد هبيع العربيتين الى معايا و اروح اشتريها بس ده فى احلام اليقظه عشان عمر ما غبور هينزل عربيه زى ديه ب 120 الف جنيه ابقى قابلنى

[ahmedbibo]

شكرا عالخبر

بس هى النيو النترا 140 حصان صافى

ولا زى السيفيك كده يقولو 140 حصان و هى صافى 125 حصان

و من 0 ل 100 بتاخد كام ثانية

لا يا باشا محدش قال ان السيفيك ال 1600 سى سى 140 حصان الى 140 حصان ديه ال 1800

ال 1600 125 حصان

[ahmedbibo]

ياعنى تنزل ما بين 95 الى 120 الف جنيه لاعلى فئه والله هتبقى العربيه الاولى فى مصر وانا هنزل اشترى ام 95 الف لو نزلت بالسعر ده

[Hosam_Optrawy]

ياعنى تنزل ما بين 95 الى 120 الف جنيه لاعلى فئه والله هتبقى العربيه الاولى فى مصر وانا هنزل اشترى ام 95 الف لو نزلت بالسعر ده

كدا بقت أرخص من السيراتو :)

طبعا الاسعار اللى انت قولتها دى احلام