نيو اكسنت 2011 اوتوماتيك

[hanyrefaat79]

عندى استفسار بخصوص نيو اكسنت 2011 اوتوماتيك " العادية مش السبورت " انا جبت العربية من يومين بس ويدوبك لسه مرخصها امبارح المهم انا لما بنقل الفتيس على الوضع D او R بسمع صوت خبطة جامدة جاية من تحت العربية ومش متاكد منين بالضبط المهم انا قريت فى الكتالوج بتعها ان الصوت ده طبيعى فى حالة السيارات المزودة بالـ abs وعلى حد علمى ان النيو اكسنت العادية بتنزل بدون abs علما بانى سألت واحد صاحبى معاه نفس العربية بس موديل 2008 فقالى ان ده صوت تعشيق التروس فى الفتيس الاتوماتيك وانا مش عارف هى موديل 2011 نازلة بـ abs ولا لأ ياريت حد يفيدنى فى الموضوع دة

من فضلكم سرعة الرد علشان انا هجنن من موضوع الخبطة دية

[DavidHosny]

طبعا الف مليون مبروك انا حاجز واحده ولسه ماستلمتش.

وردا على سؤال حضرتك العربيه نازله مصر من غير abs

[أحمد علوان]

مبروك على العربية

[ezzatfox]

الف مبروك و لو ليك اى ملاحظات قول عليها فى صيانة الالف

[Amro_ON]

دا صوت طبيعي وهو مش جامد قوي يعني .... قلنا جبت 2011 اتو بكام؟

[mor000]

هى فعلا من غير abs والصوت ده طبيعى جدا معايا نيو اكسنت 2008 اوتو ماتيك وكانت كده برضه متقلقشى لانى جربت نفس احساسك والف مبروك وقولنا باه جبتها بكام

[mody07775000]

الصوت ده يا جماعه ملوش اي حل يعني اركب حاجه بديله تضيع الصوت ده بجد قرفنييييييييييييي جدا

[hanyrefaat79]

الله يبارك فيكم والعربية جبتها من معرض المهندس فى 6 اكتوبر ب 84250 جنيه

[Ayman-Ahmed]

الف مبروك وربنا يباركلنا جميعا:

ممكن اعرف منك:
الصوت ده بيحصل حتى وانت واقف وبتنقل.
هو انت بتدوس على الزرار اللى فى الشمال وانت بتنقل

[mody07775000]

مش النقل الصوت جاي من الفرامل وانت دايس عليها وبتلف دريكسيون مثلا عشان تركن تلاقي الصوت ده اول وانت ماشي وبتهدي لحد متقف في اشاره مثلا تسمع صوت هبده مع وقف العربيه ده ملوش حل ؟

[د.محمود صلاح]

حطوا فيها مرايات كهرباء ؟؟

الف مبروك لحضرتك

[attaromar]

انا عندي الصوت ده برضه و بيقل مع الوقت و اللي بيتقال ان العربية الزيرو او التيل الزيرو في الأوتوماتيك بيبقى اقوى من المانيوال...و إتطمنت لأني بعد ماشتريت عربيتي باسبوع روحت استلم نيسان صني اوتو لواحد حبيبي و من مرعي في سيدي جابر و الفرامل عملت نفس الصوت و اشد كمان!!!! انا خوفت اقول للتوكيل اصل الشطارة الزيادة في الفرامل مش مطلوبة هههه