أجيب منين باركنج سنسور واركبه فين للالنترا 2008

[hshaqlouf]

السلام عليكم يا جماعة:
أنا كنت عايز أركب باركنج سنسور للالنترا موديل 2008 بس مش عارف أجيبه منين واركبه فين ياريت يا جما عة حد يساعدني في الموضوع ده وهل ينفع أشتريه وأركبه في التوكيل ولا لاه

[mido777]

السلام عليكم يا جماعة:
أنا كنت عايز أركب باركنج سنسور للالنترا موديل 2008 بس مش عارف أجيبه منين واركبه فين ياريت يا جما عة حد يساعدني في الموضوع ده وهل ينفع أشتريه وأركبه في التوكيل ولا لاه

انا جبته من عند عشم اللى هوه تبع التوكيل ولازم تركبه فى التوكيل علشان ضمان العربية

[hshaqlouf]

ممكن العنوان يا أبو حميد ومعلش هو عشم ده في القاهرة ولا اسكندريه أحسن أنا من القاهره وجزاك الله خيرا على الرد السريع ده

حماده

[Ahmed Samy]

بس في سؤال عن شكل السنسور الخارجي
دايما السنسور الأصلي بيكون "غائر" في الاكصدام و معظم السنسورز اللي بتتباع بتكون بارزة و شكلها و حش

حد يعرف النوع الغائر ده بيتباع و للا لأ و فين يا رييييت

[mido777]

ممكن العنوان يا أبو حميد ومعلش هو عشم ده في القاهرة ولا اسكندريه أحسن أنا من القاهره وجزاك الله خيرا على الرد السريع ده

حماده

انا جبته من عند عشم اللى اسكندرية ومكانه فى شارع السلطان حسين امام معرض غبور

بس مكانه فى القاهرة اسف ماعرفهوش :(
بس ممكن تتصل بأى فرع من غبور وتسأل عليه ح يقلولك

[mido777]

بس في سؤال عن شكل السنسور الخارجي
دايما السنسور الأصلي بيكون "غائر" في الاكصدام و معظم السنسورز اللي بتتباع بتكون بارزة و شكلها و حش

حد يعرف النوع الغائر ده بيتباع و للا لأ و فين يا رييييت

النوع ده :الغائر" غالبا بيكون فابريكه ( العربيات نازله بيه من ضمن الأوبشنز )

[ahmedfd]

انا جبته من عند عشم اللى اسكندرية ومكانه فى شارع السلطان حسين امام معرض غبور

بس مكانه فى القاهرة اسف ماعرفهوش :(
بس ممكن تتصل بأى فرع من غبور وتسأل عليه ح يقلولك

أنا ركبت عند عشم نوار اللي في شارع دمشق في مصر الجديدة قدام محطة بنزين شل و كان بـ 275 جنيه.
و قبل ما أركب كلمت غبور قالولي ركب عادي بس لو حاجة باظت تخرج من الضمان يعني لو الضفيرة مثلاً حصل فيها حاجة هي بس تخرج من الضمان.

[Karim_Monir]

فعلا الغائر ده مش هاتلاقية
انا بعد ما الايجل بتاعي باظ
نزلت جبت واحد من التوفيقية العدسة بتاعت ممسوحة خالص
واحلى حاجة فيه عشان النوع القديم كان بشاشة منفصلة انه عبارة عن مراية صغيرة بتركب فوق مراية الصالون بكل سهولة ومابيبقاش فيه سلك ظاهر ولا اي حوار من المقرف التاني ده والبيانات بتبان على المراية والصوت بيطلع منها
ده كان ب 290
كان فيه سيمفوني مصري كان عاجبني بس المراية بتاعتة شكلها معفن قوي قوي وكان ب 200 بس

[eng_mkhalaf]

أنا مركبة عند سبير كار ومش بيكون بارز غير حاجات بسيطة

[ahmedfd]

فعلا الغائر ده مش هاتلاقية
انا بعد ما الايجل بتاعي باظ
نزلت جبت واحد من التوفيقية العدسة بتاعت ممسوحة خالص
واحلى حاجة فيه عشان النوع القديم كان بشاشة منفصلة انه عبارة عن مراية صغيرة بتركب فوق مراية الصالون بكل سهولة ومابيبقاش فيه سلك ظاهر ولا اي حوار من المقرف التاني ده والبيانات بتبان على المراية والصوت بيطلع منها
ده كان ب 290
كان فيه سيمفوني مصري كان عاجبني بس المراية بتاعتة شكلها معفن قوي قوي وكان ب 200 بس

طب سؤال... هو ايه اللي ممكن يببوظوا علشان ناخذ بالنا؟
هل المية في الغسيل مثلاً أو عمر إفتراضي ؟
على فكرة أنا سألت على سعره في دبي سمعت أرقام خزعبليه جداً يعني ما يعادل 800 للعادي و 1200 للي بكاميرا خلفية مش عارف ليه الحقيقة .. هو الحقيقة اللي قاللي على الأسعار دي عنده برادو و ركب أبو 800 في التوكيل بس يعني مهما حصل التركيب هيكون بكام في التوكيل؟؟!!!

[hshaqlouf]

واخبار التركيب ايه

أنا ركبت عند عشم نوار اللي في شارع دمشق في مصر الجديدة قدام محطة بنزين شل و كان بـ 275 جنيه.
و قبل ما أركب كلمت غبور قالولي ركب عادي بس لو حاجة باظت تخرج من الضمان يعني لو الضفيرة مثلاً حصل فيها حاجة هي بس تخرج من الضمان.

معلش ممكن يا ahmedfd تقوللي ايه أخبار التركيب سهل ولا صعب و هل بيحتاجوا يفكوا كتير في كهربة العربية ولا الاحسن أشتريه و اركبه في التوكيل ولا مش فارقة

[ahmedfd]

أنا ركبت عند عشم نوار اللي في شارع دمشق في مصر الجديدة قدام محطة بنزين شل و كان بـ 275 جنيه.
و قبل ما أركب كلمت غبور قالولي ركب عادي بس لو حاجة باظت تخرج من الضمان يعني لو الضفيرة مثلاً حصل فيها حاجة هي بس تخرج من الضمان.

معلش ممكن يا ahmedfd تقوللي ايه أخبار التركيب سهل ولا صعب و هل بيحتاجوا يفكوا كتير في كهربة العربية ولا الاحسن أشتريه و اركبه في التوكيل ولا مش فارقة

30 دقيقة بالكتير قوي .. بيخرم الإكصدام بالشنيور في 4 أماكن و يركب السينسورز فيهم كبس و اسلاكهم من الخلف بتطلع على جهاز قد علبة السجاير بيتحط في شنطة العربية. بيفك كلبس من اللي ماسك فرش الشنطة الجانبي و يركبه وراه. الجهاز ده بقى بياخد كهربه من كهربة فانوس المارشدير و بيطلع منه سلك بيمشي في العتب الجانبي بسهولة و بيطلعوا من ورا التابلوه لحد الشاشة اللي بتبين المسافة و فيه سماعة بتطلع صوت متقطع لو المسافة من 1.5 متر لحد نص متر تقريباً و بعد كدة صوت متصل.
الموضوع سهل جداً و ميخضش زي ما باين من الخطوات و الشكل بيطلع نضيف جداً بس أهم حاجة الراجل اللي بيخرم بالشنيور خليك معاه علشان ميعملش واحد فوق و واحد تحت و لا مش مسافات متساوية و الحاجات الغبية بتاعت الصنايعية دي.
و الأخ إسلام شاهين كان شرح الخطوات بتفصيل أكبر في موضوع تاني و كمان الأخ محمد خلف.
الحقيقة معتقدش غبور أصلاً بيركب الحاجات دي بس ممكن تسأل.

[ahmed_salah]

فعلا الغائر ده مش هاتلاقية
انا بعد ما الايجل بتاعي باظ
نزلت جبت واحد من التوفيقية العدسة بتاعت ممسوحة خالص
واحلى حاجة فيه عشان النوع القديم كان بشاشة منفصلة انه عبارة عن مراية صغيرة بتركب فوق مراية الصالون بكل سهولة ومابيبقاش فيه سلك ظاهر ولا اي حوار من المقرف التاني ده والبيانات بتبان على المراية والصوت بيطلع منها
ده كان ب 290
كان فيه سيمفوني مصري كان عاجبني بس المراية بتاعتة شكلها معفن قوي قوي وكان ب 200 بس

كريم باشا، ممكن تفاصيل أكثر عن الموضوع، المكان بالظبط، النوع، ازاي مفيش سلك ظاهر.

[mido777]

30 الحقيقة معتقدش غبور أصلاً بيركب الحاجات دي بس ممكن تسأل.

انا مركبه هناك

[ahmed_salah]

كريم باشا، ممكن تفاصيل أكثر عن الموضوع، المكان بالظبط، النوع، ازاي مفيش سلك ظاهر.

يا أستاذ كريييييييييييييييييييييم...