طريقه تغيير أكره نيو ألنترا 2007 الأكره الخارجيه؟؟؟

[samihanwar]

أزاى يا رجاله الالنترا أغير الأكره الخارجيه للنيوألنترا 2007 أصلها أتكسرت ومش نافع فيها لحام يعنى واحده جديده
أنا عايز بس الطريقه وياريت تكون بالصور وانا سألت عليها لاقتها ب 150 جنيه
أرجو الأفاده

[ahmed_khalil]

بص مش عارف
يستحسن تروح لحد بتاع ابواب اسهل و اريح بدل ما تعمل مشكله
سؤال بقا بما انك معال الانترا
مين ارخص واحد بيبيع فلاتر اصلى ليها ؟؟؟

[m_mekkawy]

اقلك انا
1- فك الغطيين اللى على المسامير بتاعة الأكره وبتاعة المخدع بتاع الباب وفك المسامير
2- طلع المخدع وزرار الأزاز وفك الفيشه بتاعته
3- الأكره الداخليه بتاعة الباب لف الكلبس براحه عشان ميتكسرش وافصله عن العود الحديد اللى راكب فيه
4- امسك فرش الباب من تحت وشده لبره هيطلع فى ايد وهتلاقيه متغلق فى الكاوتشه السوده بتاعة الأزاز
5- زق الفرش لفوق هتلاقى الفرش بالكامل طلع فى ايدك
6- شيل البمشمع اللى فى الباب من جوه
7- فك صواميل الأكره الخارجيه ولف الكلبس عشان تطلع العمود الحديد برضه
8- لو كانت اكره من الأكر اللى قدام فك القلب براحه عن طربق ابره عشان تطلع التيله وركبها فى الأكره الجديده وركب التيل
9- ركب الأكره الجدبده وبشويش على وانت بتقرط عشان متتكسرش
10- لتركيب الفرش اعد الخطوات السابقه عكسيا

[sameh.acc]

الاكره تمنها 50-60 جنية عند جورج فى التوفيقية (بتاع قطع غيار هيونداى اصلى) او عند البنا برضة اللى هناك. هى اتكسرت عندى برضة من عند الحته اللى عامله زى (اللسان اللى بيسحب القفل) والحته دية مجوفه من جوا مش معموله صب ( سبب سهوله كسرها ) ,, المشكلة بقى ان الاكره دية بتنزل لون ستاندرد رصاصى فاتح ولازم تترش فلحمت القديمة مؤقتا بدون ما افك الباب ( حطيت جوا الحته المجوفة مسمار براسين بورمة وفى التجميع لحمتها بالعجينة اللى عامله زى الصلصال دية بقت حديد ) لدرجة بتلككلها علشان تتكسر تانى ومش راضية تتكسر ,,
فيه حل تانى كويس لو لون الاكره عندك سودا علشان متضطرش ترش الجديده وهتبقى فارقة شوية فى اللون عن باقى الاكر ممكن تنزل تجيبها استيراد من الحرفيين وهتبقى فى رنج 25-30 جنية بالكتير

[samihanwar]

شكرا يا رجاله