هى العربية " فيرنا " بتكركر في الغيار التانى ليه ؟

[HeMa1981]

السلام عليكم

انا بسوق عربية والدى " فيرنا "

الاول لغاية 10 كم
وبعدين بجيب التانى
المشكلة ان التاني تحت سرعة 20 العربية تكركر لغاية ماتعدى 20
او اضطر ادوس دبرياج لغاية ماتوصل عشرين عشان تبطل كركرة
ولا ازود على الاول لغاية 20 ! بس بحس انه كتير اوى لو عملت كده عالموتور !
هل ده طبيعى !
انا كان معايا اكسارا
ماكانتش بتعمل كده خالص !

[ahmedsrs]

بتحط بنزين 90 ول 92

[HeMa1981]

92 اكيد يا باشا

العربية عاملة 3 الاف كيلو بس لسه جديدة

[casperinoo]

بيتهيألي نقل الغيار علي 10 كم بدري قوي...انا 1100 سيسي وبنقل للغيار التاني علي 20
وممكن يبقي عيب بنزين طبعا....غير اخر محطه اتعملت معاها
لو العربيه فيها rpmانقل لما يكون المؤشر بين 2500 و 3000 وبعد التلين ممكن تزود عن كده لو عايز

[MEDO80]

و طبعا شوف الجماعة بتوع التوكيل علشان لو في عيب يتعملوا هما ما دام لسة في الضمان
بس طبعا بعد ما تعمل موضوع البنزين دا

[Hossam.Hamdy]

بص اى حاجه روح التوكيل حتى لو طلع للعربيه فسفوسه روح..
انا رايح بكره عشان عندى مشكله فى الفتيس و معايا فيرنا

[arch_peter]

طبيعى جدا انها تكركر

من الطبيعى جدا انها تكركر لان التانى المفروض تنقله من 20 كيلو وانت طالع فمعنى انك تنقله على 10 انك بتنقل بدرى اوى اوى اىو
انت ممكن تنقله على 30 كمان - بس انسب حاجة تلتزم بالمكتوب فى الكتاب اللى جاى مع الفيرنا هاتلاقيهم كاتبين تنقل كل سرعة عند كام
ملحوظة : انا عربيتى فيرنا برضه وقريت الكتاب وكنت باسوق شاهين وبرضه كانت بتكركر لو نقلت بدرى اوى - اى عربية كده الا لو الموتور كان بيموت ساعتها لازم تنقل بدرى اوى اوى اوى

[tutankhamoun]

بص يا باشا
هو الأول لازم يأخذ حقه .... في بعض المواتير لا تقبل ذلك ( سرعة قليلة على غيار أعلى منها )
يعني البونتو بتقبل أي غيار و لكن لن يكون هناك عزم من المحرك و لا تكركر أبدا
الجين 2 نفس الموضوع .... بتقبل أي غيار و بتمشي بس بتيقى ضعيفة يعني برضه العزم بيقل
أما الفورد اللي كانت معايا قبل كدا ..
كانت زي الفيرنا لو غيرت بدري كانت بتكركر .... ففيما يبدوا أنه حسب نوعية المحرك و طريقة تصنيعه و أيضا صندوق السرعات .
يبقى الحل أنك تغير على التاني لما توصل من 15 إلى 20 كم

[HeMa1981]

الف الف شكر يا رجالة
انا هبص على الكاتالوج بتاعها ان شاء الله اصل انا كنت متوعد من اول ما بدأت سواقة على الاوتوماتك وبعدين ركبت اكسارا مانوال مكانش فيها الكلام ده وبعدين الفيرنا

ووالدى الصراحة هو اللى كان دايماً يخوفنى انى اجيب اكتلا من 10 بالغيار الأول !!

وبرضه في الصيانة الى جاية نتأكد

[fiatmomo]

الف الف شكر يا رجالة
انا هبص على الكاتالوج بتاعها ان شاء الله اصل انا كنت متوعد من اول ما بدأت سواقة على الاوتوماتك وبعدين ركبت اكسارا مانوال مكانش فيها الكلام ده وبعدين الفيرنا

ووالدى الصراحة هو اللى كان دايماً يخوفنى انى اجيب اكتلا من 10 بالغيار الأول !!

وبرضه في الصيانة الى جاية نتأكد

ماينفعش تقارن فيرنا باكسارا .. نهائى

بس عماتا فى كل الاحوال تانى بعد 10 كيلو .. قليل جدا جدا جدا ... و خلى بالك ان معدل النقل ما بين كل نقلة والتانية مايقلش عن 2000 الى 2500 RPM وده الحد الادنى ..... يعنى المناسب من 2000 ألى 3000 فى معظم العربيات ... وفى عربيات بيبقى تصميم موتورها على انة يدى عزم عالى بعد ال3000 RPM و ممكن تضغط عليها اكتر بدون مشكلة زى مثلا محرك الجين تو و محركات الالفاروميو والمحركات الايطالى عماتا والفكرة هنا انها محركات اكثر رياضية من غيرها ومناسبة اكتر للقيادة السريعة و top speed عالية عن المحركات ذات العزم العالى عند RPM منخفض

كل عربية وليها اسلوب قيادة مختلف عن غيرها

حاجة اخيرة .............. ياريت انك تكلمنا على الاكسارا .. فى منتدى الستروين ... علاشان انا وفى اعضاء كتير عاوزين يعرفو معلومات . اتمنى انك ماتكسفنيش :) وتعملنا موضوع عن الاكسارا من مزاياها وعيوبها وقطع الغيار . وشكرا مقدما

[HeMa1981]

إن شاء الله هفتح موضوع عن الاكسارا ومميزاتها وعيوبها واماكن الصيانة الجيدة والرديئة كمان
مع ان العربية مطولتش معايا .

طيب انا لى سؤال كمان معلش دلوئت انا ممكن افضل ماشي " بدون توقف نهائي في مكان زحمة جداً " لمدة 10 او 15 دقيقة متواصلة على سرعة لا تتعدى ال 20 كم
هلى افضل ماشي كل الفترة دى على الغيار الاول ؟

[fahd_628]

انا دائما بنقل التانى على 20 لأن اقل من كدة حيبقى قليل اوى و العربية مش حتستجيب بسرعة و حتكركر و حتبقى ضعيفة

[fiatmomo]

إن شاء الله هفتح موضوع عن الاكسارا ومميزاتها وعيوبها واماكن الصيانة الجيدة والرديئة كمان
مع ان العربية مطولتش معايا .

طيب انا لى سؤال كمان معلش دلوئت انا ممكن افضل ماشي " بدون توقف نهائي في مكان زحمة جداً " لمدة 10 او 15 دقيقة متواصلة على سرعة لا تتعدى ال 20 كم
هلى افضل ماشي كل الفترة دى على الغيار الاول ؟

لا طبعا ماشى على الاول لفترة طويلة = احتراق اسطوانه الدبرياج

انتا ممكن تقدرها نسبيا

المثال الى ذكرتة .. فعلا سعات بيحصلى ... اكون ماشى بسرعة قليله .. وماشى اول .. وانقل تانى فالاقى العربية الى قدامى بطأت .. شوية بس ماينفعش السرعة دية امشى بيها تانى .. اقول راجع تانى على الاول .. وانقل تانى وهكذا ..

انتا بتشوفها نسبيا للطريق قدامك يعنى انتا ممكن تمشى اول شوية ... وتفصل دبرياج وتسيب العربية ماشية بسرعتها ( الاندفاع الذاتى ) ولو الطريق فتح شوية انقل على التانى .. وافصل دبرياج وسيبها ماشة شوية .. ( طبعا مع مراعاه انك متحملش على الدبرياج كتير علاشان الاسطوانة ماتبوظش بسرعة ...


------------------------

وشكرا مقدما على تعبك فى موضوع الاكسارا ... ;)

[ddooddyy]

موتور الفيرنا ال1600cc موتور قوى وكبير والنقل لازم ياخد حدود كبيرة
أنا بانقل من الأول للتانى بعد ال10:15
ومن التانى للتالت 40:50
ومن التالت للرابع 70:80
ومن الرابع للخامس 100:120
والخامس بيوصل لحد 200 ومابيقولش لأ
وفعلاً لو نقلت التانى قبل ماياخد حقه العربية بتكركر وخصوصاً لو البنزين أقل من92
أو كان مش نضيف