التسخين مفيد ام مضر

[Mo.Kareem]

سؤال يا جماعة من فضلكم
العربية عندى بتاخد وقت علشان مؤشر الحرارة يتحرك ممكن خمس دقيق ، يا ترى ده عيب فى العربية ولا عادى ؟ ولو عيب يا ترى من ايه ؟
وشكراً جدا ليكم

[hema1975]

المؤشر دة بتاع درجة حرارة المياة و ليس الموتور او الزيت
لو لاحظت انك لو وقفت زى ماحضرتك بتقول المية حتسخن فى دقيقة
جرب كدة تمشى على طول من غير الدقيقة دية هتلاقى المؤشر رفع فى اقل من 40 ثانية

100 100

[hema1975]

سؤال يا جماعة من فضلكم
العربية عندى بتاخد وقت علشان مؤشر الحرارة يتحرك ممكن خمس دقيق ، يا ترى ده عيب فى العربية ولا عادى ؟ ولو عيب يا ترى من ايه ؟
وشكراً جدا ليكم

لأن اللى هما بيتكلموا عليه هنا دا تبريد المحرك

يا باشا انا شوفتها بعينى جهاز هيونداى فى الفيرنا

درجة حرارة المياه طول ما انت مدور و على السلانسيه درجة الحرارة ثابته او بتقل

لو دوست بنزين او اتحركت تلاحظ درجة حرارة المياه بتزيد معاك لحد ما المروحة تشتغل عند 100 درجة

و لو مورت تانى و سيبت العربية تلاقى درجة حرارة المياه بتقل تانى 98 --- 95 --- 90 --- 89

[Mo.Kareem]

لأن اللى هما بيتكلموا عليه هنا دا تبريد المحرك

يا باشا انا شوفتها بعينى جهاز هيونداى فى الفيرنا

درجة حرارة المياه طول ما انت مدور و على السلانسيه درجة الحرارة ثابته او بتقل

لو دوست بنزين او اتحركت تلاحظ درجة حرارة المياه بتزيد معاك لحد ما المروحة تشتغل عند 100 درجة

و لو مورت تانى و سيبت العربية تلاقى درجة حرارة المياه بتقل تانى 98 --- 95 --- 90 --- 89

ياريس مهو انا عارف
انا اقصد انى بدور العربية واسبها شوية دقيقة او اتنين ، الطبيعى ان مؤشر الحرارة يتحرك ، لاء ده بقى بيفضل زى ما هو وممكن امشى حوالى 4 كم والمؤشر لسه متحركش من مكانه ، ده عيب ولا مش عيب ؟؟؟

[Ashraf_Ibrahim]

طبيعي ما تقلقش

[ldsaklf]

اركب عربيتك شغل موتورك افتح ازازك زلع سيجارتك لو بتدخن زي حلاتي واتحرك بعدها الموضوع دا بياخدلو نص دقيقه ودا كافي جدا للتسخين

[Ahmed Hassan]

فعلا العربيات الجديده مش محتاجه تسخين... بس بردو خلو بالكم ان كل العربيات الجديده المفروض مواصفات الزيت بتاعها زيت تخليقي و ده اللي بيخليها تنفع تمشي من غير تسخين لانه زيت خفيف و مش بيتأثر بالبرد فبيوصل لاجزاء الموتور بسرعه.

[mohamed_mohsen]

فعلا العربيات الجديده مش محتاجه تسخين... بس بردو خلو بالكم ان كل العربيات الجديده المفروض مواصفات الزيت بتاعها زيت تخليقي و ده اللي بيخليها تنفع تمشي من غير تسخين لانه زيت خفيف و مش بيتأثر بالبرد فبيوصل لاجزاء الموتور بسرعه.

طب أنا بحط زيت معدني إيه موقفي كده؟

[meero_boy2000]

طبعا التسخين مهم جداااا لاي عربيه حتي البي ام مينفعش تخرج بيها بارده حتي هتلاقيها بتنتش منك ومش عايزه تمشي ومع احترامي لكل اللي بيقولوا كان زمان ده موتور يعني زمان زي دلوقتي بس متسخنش زياده عن اللزوم والصح اللي في الكتالوج 30 ثانيه حد اقصي في الدايو لانك لو مشيت اصلا من غير تسخين البنزين هيطلع منك ني ومش هيكون محروق وده غلط علي الموتور

[phantiza]

ناس بتقول مهم وناس لا
نسمع كلام مين طيب

[a_elbosaty]

التسخين دا كان زماااااااااااااااااااااااااااااان

الخلاصة إن التسخين مش ضروري في العربيات الحديثة مش هايفيد ومش هايضر
والله أعلم

[ahmed1981]

التسخين مهم في كل السيارات سواء حديثة أو قديمة
الإختلاف في أن السيارات الحديثة تقوم بالتسخين أثناء الحركة على عكس السيارات القديمة

راجع الرابط التالي:

http://www.nilemotors.net/Nile/6549-engine-warming-benefits.html

[Ahmed Hassan]

ناس بتقول مهم وناس لا
نسمع كلام مين طيب

اسمع كلام كتالوج عربيتك

[mohamedassy]

فعلا بتختلف من عربية للتانية
احسن حاجة اتباع تعليمات الكتالوج بتاع العربية

[F170]

التسخين مهم بس مش اكتر من نص دقيقه او اقل و ده في اغلب العربيات الحديثه او موديلات التسعينات اللي بالكابيراتير
بس المهم انك بعد الحركه ولغايه ما الموتور يوصل لدرجه حراره التشغيل المثلى اللي هي بتكون في اغلب العربيات
90 درجه متجريش ولا تعدي الار بي ام (rpm) عن 2500-3000 لفه علشان لو عدى الرقم ده والموتور بارد بيكون تأثيره ضار على الموتور لأن الخلوص مبين الأجزاء المتحركه (بساتم - بيلات - صبابات - كرنك- ......) موصلتش للحدود الطبيعيه (بالتمدد بالحراره) فبيحصل تجريح وتأكل مبين الأجزاء دي وبعضها و بتكون لزوجه الزيت مش كفايه انها تمنع الكلام ده علشان برضه مبيكونش سخن كفايه

خلاصه الكلام امشي على طول او اقف بعربيتك نص دقيقه بالكتير وبعدها اتحرك بس المهم متجريش بالعربيه جامد وده
حتلاقيه في الكاتالوج عموما بيقولك متزودش في التسخين علشان متهدرش بنزين بس اتحرك بالراحه وتفادى التسارع المفاجئ والجري الجامد بس
اتمنى ان المعلومه تكون وصلت:)