اكسنت 2010

[marmoraessam]

لو سمحتم ليا استفسار
لو فى عربيه اكسنت 2010 وعدادها 900 كيلو مانوال ومطلوب فيها 75000 ده يبقى سعر كويس ولا كتيير عليها

لو حبيت اخدها التوكيل اكشف عليها فين فروعه وخصوصا اقرب واحد لمصر الجديده
وهل التوكيل بفصصها وكل حاجه بتبان معاه ولا فى حاجات بتقع منه
متهيالى ان التوكيل بالحجز
اتصل بكام علشان احجز ميعاد وبيبقى الميعاد بعدها بيوم مثلا ولا بايااااام كتير
معلش انا اسفه اسالتى كتير بس ارجوكم لو حد عارف اى معلومه يرد عليا بليز

[kamatsho]

لو العداد 900 كيلو فعلا ومش متصقر قبل كدا
والعربيه مفيهاش اى حاجه وسليمه ميه ميه بحاله الزيرو يعنى زى ما بيقولو
يبقى كبيرها 70 الف جنيه واكتر من كده جنيه يبقى العربيه غاليه عشان هيا زيرو اساسا بـ 75.900
بالنسبه لمراكز الصيانه فى المهندسين وابو رواش والهرم بس مش عارف اقرب حاجه لمصر الجديده فين عشان انا مش من هواه التوكيل ولا مراكز الصيانات كل حاجه بعملها بره التوكيل ومركز الصيانه
اكيد قبل ما تروحى هتتصلى تحجزى الاول ويحددو ميعاد تروحى فيه


العنوان
المنطقة الصناعية 2- الكيلو28-طريق مصر اسكندرية صحراوي
ت
(02)39100517
39100518
39100519

[marmoraessam]

معلش هو يعنى ايه متصقر واعرف ازاى انه متصقر ولا لا
هى مانوال 83500 لان الاسعار زادت من يومين

[kamatsho]

متصفر

والعداد لو متصفر مش هتتلاحظ لازم صاحب العربيه يكون صادق عشان ممكن يكون متصفر ويقولك مش متصفر

[fawzyyyy]

يعني بيقولك 75000.....................!!!!
يبقي تجيبها زيرو احسنلك حتي لو فرقت الف ولا الفين

كسر الزيرو ده بيبقي فيه مصايب

[mohamedassy]

انا متهيقلى ان الزيرو بردو اضمن بكتير غير بقى لو تعرفى انتى الشخص اللى بيبعها معرفة يعنى
غير كدو اتصلى بردة بغبور و هما هيقولوليك الاسعار الجديدة و بردة لو حبيتى تكشفى على العربية عندهم

[marmoraessam]

معاكم حق بجد انا فعلا ابتديت اقلق منها
هو عايز يبيعها ب 75000 ولان فى وسيط بينا وهو المعرض المهم الاجمالى هايكون ب 77000 وكمان 500 للتوكيل كشف وكمان 1500 تسجيل
يبقى انا ارحملى اجيب الزيرو
بس للاسف النهارده اتصلت بابو غالى وصدمنى ان الزيرو اتوماتيك 89500
متهيالى التوك توك ارحم
ايه الاسعار الهبل دى 90000 فى اكسنت
هاشوف بقى حاجه زيرو فى حدود اوائل ال80 الف
زى الافيو اتوماتيك بس مشكلتها انها مصرى

[Gabrial]

معاكم حق بجد انا فعلا ابتديت اقلق منها
هو عايز يبيعها ب 75000 ولان فى وسيط بينا وهو المعرض المهم الاجمالى هايكون ب 77000 وكمان 500 للتوكيل كشف وكمان 1500 تسجيل
يبقى انا ارحملى اجيب الزيرو
بس للاسف النهارده اتصلت بابو غالى وصدمنى ان الزيرو اتوماتيك 89500
متهيالى التوك توك ارحم
ايه الاسعار الهبل دى 90000 فى اكسنت
هاشوف بقى حاجه زيرو فى حدود اوائل ال80 الف
زى الافيو اتوماتيك بس مشكلتها انها مصرى

أرجوكي بلاش افيو ،عربية مشاكلها كتير و توكيلها وحش أوي ،ادخلي قسم شيفورليه هتلاقي الناس بتشتكي منها .

[marmoraessam]

أرجوكي بلاش افيو ،عربية مشاكلها كتير و توكيلها وحش أوي ،ادخلي قسم شيفورليه هتلاقي الناس بتشتكي منها .

صدقنى عارفه بس انا هاجبها من غلبى
الاسعار غليت بجنوووووووووون
واللى سعره معقول مليان مشاكل
بجد انا كرهت العربيات واتعقدت منها

انصحنى بجد اعمل ايه

[Gabrial]

صدقنى عارفه بس انا هاجبها من غلبى
الاسعار غليت بجنوووووووووون
واللى سعره معقول مليان مشاكل
بجد انا كرهت العربيات واتعقدت منها

انصحنى بجد اعمل ايه

طيب ممكن توضحي متطلباتك من العربية يعني لازم سيدان و 1600 ولا ممكن حاجة أصغر؟ممكن تسوقي مانوال ولا لأ ؟

[mohamedrabia]

انا شايف السعر 75000 ج كويس ممكن كورولا او لانسر الياباتي ممتاز الاكسنت فل بس كده سعرها عالي جدااااا طالما مشيت وركبت لوح اقل واجب 7000 ج نقص لو مكتش اكتر من كده

[dragon_devil]

لو سمحتم ليا استفسار
لو فى عربيه اكسنت 2010 وعدادها 900 كيلو مانوال ومطلوب فيها 75000 ده يبقى سعر كويس ولا كتيير عليها

لو حبيت اخدها التوكيل اكشف عليها فين فروعه وخصوصا اقرب واحد لمصر الجديده
وهل التوكيل بفصصها وكل حاجه بتبان معاه ولا فى حاجات بتقع منه
متهيالى ان التوكيل بالحجز
اتصل بكام علشان احجز ميعاد وبيبقى الميعاد بعدها بيوم مثلا ولا بايااااام كتير
معلش انا اسفه اسالتى كتير بس ارجوكم لو حد عارف اى معلومه يرد عليا بليز

احب اقولك ان الاكسنت دلوقتى سعرها زاد وبقت ب 83500 المانويل
والاتوماتيك ب 89500
فكدا انتى الى كسبانة لو فعلا العربية سليمة 100% ولو كشفتى عليها فى التوكيل وكلة تمام

[dragon_devil]

انا شايف السعر 75000 ج كويس ممكن كورولا او لانسر الياباتي ممتاز الاكسنت فل بس كده سعرها عالي جدااااا طالما مشيت وركبت لوح اقل واجب 7000 ج نقص لو مكتش اكتر من كده

سلام عليكم
احب اقول لحضرتك ان العربية بترخص عشان موديل السنة 5000 بس لما تكون فبريكة ومفهاش اى مشكلة يبقى ازاى عربية لسة فى نفس السنة ترخص 7000 انتة جايب الكلام دة منين معلش يعنى هوة اصحاب العربيات دول حرامية بيلاقوا فلوسهم فى الشراع (لا تبخسوا الاشياء اثمانها) دة الى ااقدر ارد بية على حضرتك لائنها لو عربيتك انتة مش حتقبل حد يقولك كدا وللعلم انا معرفش اصلا الراجلى الى حتشتروا منوا العربية ولا اى كلام من دة ( لا تبخسوا الاشياء اثمانها )
سلام عليكم

[ezzatfox]

هو كدة منزل فى تمنها 8000 جنية و لو العربية تمام يبقى انتى الكسبانة و حتى لو دفعتى الف كمان بردة انتى الكسبانة بس لو هتدفعى اكتر من كدة يبقى استنى شوية لانها هترخص تانى بالكتير فى شهر 1 فى المعرض و هاتيها زيرو .

[marmoraessam]

هو كدة منزل فى تمنها 8000 جنية و لو العربية تمام يبقى انتى الكسبانة و حتى لو دفعتى الف كمان بردة انتى الكسبانة بس لو هتدفعى اكتر من كدة يبقى استنى شوية لانها هترخص تانى بالكتير فى شهر 1 فى المعرض و هاتيها زيرو .

بجد هاترخص تانى معقووووووووووول
ياريت بجد

حضرتك متاكد
لو كده انا ممكن اجيب دايو دلوقتى موقتا اتعلم عليها وعلى يناير اجيب الزيرو
بس ياخوفى تزيد وماتنقصش هاتبقى ضربه قاتله ليا

بالمناسبه ايه رايكم فى البريليانس fsv & frv

وهل لو نزلت السوق اقدر اظبط واحده دايو كوييسه فى حدود معقوله
لانى ممكن اتعلم عليها الاول
لان كل اللى بيعرف انى هاشترى زيرو وانا مبعرفش اسوق بيقولوا عليا مجنوووووووووونه
بصراحه انا مش ممكن اركب عربيه مستعمله وشكلها مش عاطفى ولا متقبلاها

وده اللى جلانى اجازف بالزيرو

معلش عايزه اتاكد من حضرتك انك عرفت ازاى ان الاسعار هاتنقص
ميرسى لتعب حضرتك