إستهلاك البنزين

[MOK3336]

السلام عليكم و رحمة الله و بركاتة
يا رجاله انا عاوز منكم خدمة من قسم الهيونداى
عاوز أعرف متوسط إستهلاك البنزين في العربية أكسنت و الإلنترا و الماتريكس
عشان الثلاثة دول 1600
معلش بس ياريت تقولولي الأستهلاك قد إية في الصفيحة
عشان عندنا في قسم النيسان الصني خربه بيتنا في البنزين
فأنا عاوز أعرف هل برضة عندكم الإستهلاك قد إية و بصراحة و من غير تحيز الله يكرمكم
مستنى الردود

[mostafashokry]

السلام عليكم , لا تقارن , لأن من أهم مميزات محركات الهيونداى أنه موفره جدا للبنزين فما تظلمش النسيان ,
طب و لو قارنت تقارن أتوماتيك بمثيلتها و كذا المانيوال بمثيلتها ,
ممكن أعرف عند حضرتك نوع الجير بوكس و الأستهلاك كام فى الصفيحة ؟

[ezzatfox]

استهلاك البنزين بيرجع للموتور و وزن السيارة
عندك الاكسنت و الالنترا موتورهم cvvt .. و وزنهم مناسب لحجم الموتور فالاستهلاك بيبقى كويس
الماتريكس ماتورها عادى و وزنها اتقل .. الاستهلاك اعلى شوية
النيسان موتورها قديييييم ووزنها اتقل من الالنترا فبالتالى الاستهلاك اعلى
عموما فرق الاستهلاك معتقدش هيبقى كبير.. يعنى عندك النيو اكسنت و الالنترا ( المانيوال ) متوسط الاستهلاك فيهم حوالى 11 كم فى اللتر .. شوف عندك النيسان بتعمل كام

[placebo_sh82]

يا ريت تفيدونى عن الجيتز كمان فى استهلاك البنزين

[MOK3336]

العربية مانوال

[hema1975]

يا ريت تفيدونى عن الجيتز كمان فى استهلاك البنزين

الالنترا 2006 و الماتريكس و الجيتز و الفيرنا كلهم موتور واحد

المفروض الجيتز تبقى افضل استهلاك فيهم بس دا لو بتقارن بين سواقة باسلوب معين لكل العربيات

يعنى ممكن واحد يعمل بالماتريكس فى ازحم الظروف 180 كم فى الصفيحة و واحد تانى 270 و تلاقى واحد بيشكر فى الاستهلاك و واحد بيعيب

مع احسن اسلوب سواقة الجيتز تعمل فى الزحمة 260-280 كم فى الصفيحة و على الطوالى تعمل فوق ال 320 كم على سرعات اقل من 100 كم/س

اما اوحش استهلاك فمش محتاجين نتكلم عنه لانه راجع لسواقة كل واحد و هتلاقيه متفاوت


انا عن نفسى استهلاك الماتريكس معايا اكتر من ممتاز و اعلى استهلاك ليها معايا فى الزحمة و تكييف ليل نهار شغال استهلاكها 220-230 كم فى الصفيحة