سؤال عن شراء الماتريكس

[minazaher7]

أنا بافكر أشترى ماتريكس و كنت عايز أعرف هل مع أبو غالى كان فيه مشاكل في الاستلام ؟ يعنى هل بيدوا كل حاجة تخص العربية ( زى الكتالوج, و كتيبات الضمات..الخ) أصلى سمعت ان التوكيل فى عماد الدين او عمارات العبور ساعات بيماطل في الحاجات دى و يقول فى صيانة الألف ابقى استلم الكتالوج و كتيب الضمان.. عشان كدة بفكر أجيبها من أبو غالي الميرغنى وللا اية رأيكو؟؟هل فيه فرق؟ خصوصا انها نفس السعر وقالولى انهم ممكن يعملولي تخفيض علشان اللون اللى انا عايزه مش موجود عندهم
على فكرة انا أول مرة أشترى عربية و مش عارف النظام ايه؟ , أنا ناوى أجيبها كاش و مش عايز وجع دماغ
أفيدونى لو سمحتوا

[minazaher7]

[]أنا بافكر أشترى ماتريكس و كنت عايز أعرف هل مع أبو غالى كان فيه مشاكل في الاستلام ؟ يعنى هل بيدوا كل حاجة تخص العربية ( زى الكتالوج, و كتيبات الضمات..الخ) أصلى سمعت ان التوكيل فى عماد الدين او عمارات العبور ساعات بيماطل في الحاجات دى و يقول فى صيانة الألف ابقى استلم الكتالوج و كتيب الضمان.. عشان كدة بفكر أجيبها من أبو غالي الميرغنى وللا اية رأيكو؟؟هل فيه فرق؟ خصوصا انها نفس السعر وقالولى انهم ممكن يعملولي تخفيض علشان اللون اللى انا عايزه مش موجود عندهم
على فكرة انا أول مرة أشترى عربية و مش عارف النظام ايه؟ , أنا ناوى أجيبها كاش و مش عايز وجع دماغ
أفيدونى لو سمحتوا]

[unounobebo]

انا جبتها من إتدكو اللي في شارع الطيران روحت حجزتها و دفعت 500 جنية حجز و كان ممكن أستلمها في نفس اليوم بس من غير الورق فقلت لأ و أستلمها تاني يوم بالورق بتاعها (الورق عبارة عن ورقة بتاعت الإفراج الجمركي فيها رقم الشاسية بتاع العربية و مبايعة من المعرض بإسمي و مكتوب فيها إنة موزع معتمد لهيونداي ) و الصراحة الناس محترمين جدا و سعرهم زي غبور 89000 الاوتوماتيك بالكاسيت سي دي mp3 , usb , aux ماركة هيونداي و كمان الريموت بتاع العربية اللي لوحدة مش اللي في المفتاح و ماركة هيونداي برضة و معاهم المانوال بتاع العربية و الكاسيت و الكاوتش (بريللي) و ولاعة السجاير و الطفاية و الإريال و الإستبن و الكوريك و العدة .

[unounobebo]

نسيت أقولك إتدكو في شارع الطيران قبل ميدان رابعة العدوية علي إيدك اليمين ،و ربنا يوفقك العربية جميلة و ربنا يدينا خيرها و يكفينا شرها .

[unounobebo]

كان في ناس في غبور معرفة حاولت أجيبها منهم قالولي تستلمي بعد 5 أيام و أنا في المعرض قلت للبنت اللي هناك أنا مستعجلة قالت لي حددي اللون و انا أبعت أجيبهالك دلوقتي و فعلا بعتت جابتها في نفس اليوم بس أنا ما رضيتش أستلمها علشان كان الورق بتاعها جاي تاني يوم .

[minazaher7]

متشكر جدا جدا على الرد بجد استفدت كتير

[minazaher7]

بس فيه حاجة... أنا لما سألت فى أبوغالى لقيت ان الماتريكس المانيوال فيها راديو كاسيت و JVC مش هيونداى , و قالولى ان الأوتوماتيك بس هى اللى فيها سى دى mp3 لكن المانيول لأ,
مش عارف الكلام دة صح وللا ايه؟؟

[minazaher7]

بس فيه حاجة... أنا لما سألت فى أبوغالى لقيت ان الماتريكس المانيوال فيها راديو كاسيت و JVC مش هيونداى , و قالولى ان الأوتوماتيك بس هى اللى فيها سى دى mp3 لكن المانيول لأ,
مش عارف الكلام دة صح وللا ايه؟؟

أنا ان شاء الله ناوى أشتريها الاسبوع دة أو الجاى بالكتير فياريت أستفيد من خبراكم السابقة و ربنا يباركلكم

[mhalawa]

أنا حجزتها من غبور المهندسين........ ولسا محدش كلمنى من 8 أيام ؟؟ هل لازم أجرى وراهم؟؟

[minazaher7]

أعتقد انه لازم المتابعة و لو حتى بالتليفون
بس هل العربية مانيول وللا أوتوماتيك؟ و بالكاسيت و الانذار وللا لأ؟
أن شاء الله يكون الاستلام فى المعاد و ربنا يوفقك

[msoliem]

ايا كان المكان اللى هتشترى منه , مش هتستلم الضمان , و هيسلمهولك فى صيانة الالف كيلو , انا اشتريت ماتركس مانيوال استلمتها من دمياط 21/2/2008 و المعرض قالى الكلام ده , اتصلت بغبور واكدوا نفس الكلام و مبروك مقدما

[unounobebo]

العربية المانوال فعلا بكاسيت jvc و الأوتوماتيك بس هي اللي بكاسيت cd هيونداي و ممكن لو عايزها مانوال تجيبها من غير كاسيت و لا ريموت و تركبهم بس في غبور يعني ممكن تشتريهم من برة و تركبهم عند غبور بس ماتسمعش الكلام اللي يقولك ركبهم برة عادي لإنهم في التوكيل هيتتلككوا و يقولولك مادام لعبت في الضفيرة يبقي هتخرج من الضمان و كل الناس بتقول إنهم في غبور مش بيعترضو لو إشتريت الحاجة من برة المهم هما اللي يركبوها و طبعا كلة بحسلبة هتتكلف شوية بس خليك في المضمون و الله و أعلم

[minazaher7]

على فكرة أنا روحت النهاردة ايتدكو اللى فى شالرع الطيران و لقيتهم عارضين المانيوال بالسى دى هيونداى (و مالى مكان الكاسيت كله) و فعلا باين ان معاملتهم كويسة و بفكر اشتريها من عندهم خصوصا ان التأمين الشامل عندهم %2 و فى أبو غالى قالولى %2.5
شكرا لكل الردود

[unounobebo]

ياريت لو تقولي إية تفاصيل التأمين لأني ما عنديش فكرة بس لو 2% يعني حوالي 150 في الشهر ولا فية مصاريف تانية و لو فية ياريت تقولي و شكرا.

[minazaher7]

التأمين ده شامل التأمين ضد السرقة و ضد الأضرار الناتجة عن الخطأ الشخصى و كمان عن خطأ الغير و لو لا قدر الله حصل حاجة الفروض بيتعمل محضر فى القسم و بعد كدة التأمين بيتحمل كل المصاريف الخاصة بالتصليح. و قالولى كمان انه فى حالة عدم استخدام التأمين طول السنة بيقل مبلغ التأمين لـ %25 فى السنة اللى بعدها