آآآآدي اول القصيده - ساترك ياللي بتستر :(((

[warDaya]

السلام عليكم يا جماعه

آآآدي اللي كنت خايفه منه وآآآآدي اول القصيده اهي

انا كنت خايفه وانا بشتري العربيه ولغاية دلوقتي بدعي ربنا يستر

العربيه ماكملتش معايا 10 ايام

سوقتها بالظبط 3 او 4 ايام متقطعين..
اخرهم كان اول امبارح

نزلت النهارده..بدور..مادارتش..

مابتدورش خاااااااالص..خااااااااالص

البطارية نامت ولا ايه مش عارفه

اللي حصل واحنا بنجربها قبل مانشتريها لاقينا البطاريه مابتلقطش على طول وبتاع المعرض قال عشان كانت جوه في التكييف ومش بندورها على طول ف البطاريه نامت شويه..وانا بستلمها لاقيتها عامله كيلوات اكتر بساله قالي روحنا شحنا البطاريه عشان لما جربتوها وقولتوا انها نايمه شويه ف سكتت..

بعد ماستلمت العربيه ب 3 ايام اكتشفت ان في مشكله في الباب القدامني (بتاع السواق) مابيستجيتش ولا مالوش اي دعوه بالريموت او السنتر لوك..

لو فتحت او قفلت بالريموت ..العربيه كلها تستجيب معادا الكرسي اللي انا اصلا بدخل منه!!!

النهارده لما لاقيت البطاريه نايمه -انا متأكده ماكنش في اي حاجه سيباها شغاله وكل الانوار وكل حاجه طفياها- لاقيت الانذار مهيس..واللمبه بتطفي شويه وتنور شويه مع اني المفروض فتحت بالريموت والمفروض ماتبقاش منوره ازرق
وباعدين فجأه لاقيتها بقت منوره نور خافت كده لاهي مطفيه ولا هي منوره

وبدوس بالريموت العربيه مابتلقطش

والكشافات بتاعة العربيه في الاول مارضتش تشتغل خالص....وباعدين مره تشتغل ومره لا

السنتر لوك مش شغال خالص بقى
خاااالص

لما بقفل وبفتح الباب الرئيسي بالمفتاح..باقي الابواب لا بتقفل ولا بتفتح

سألت كذا حد قالوا يبقى كده الانذار والسنتر لوك فيهم حاجه مش مظبوطه وهم سبب نومان البطاريه

وواحد تاني سألته قالي ممكن يكون الدينمو مابيشحنش البطاريه او في مشكله مش عارف ايه وكمية كلام بقى خوفني جدا

انا عملت بالعربيه 350 كيلو تقريبا..اروح التوكيل ولا استنى ال 1000 ولا اعمل ايه بالظبط انا متدايقه اوي وخايفه
وحاسه ان المشاكل (اللي مش وقتها خالص) ابتدت تهل

واحد النهارده ركز معايا شويه وانا بشغل العربيه وفجأه لاقيته مشي وقعد يضرب كف بكف ويقول ..دي لسه جديده!!!..عربيه لسه جديده ويحصل فيها كده؟؟؟ازااااي؟؟؟

كنت عاوزه اقوله ياعم ماتخلينيش اعيط بقى

حد يقولي اعمل ايه
ابن خالتي قالي هايجي يشحنلي العربيه من عربيته ويفصلي الانذار ونشوف اليومين اللي جايين...لو فضيت تاني يبقى مش هو السبب...لو مافضيتش يبقى هو..

ايه رأيكوا اروح الضمان ولا استنى صيانة ال1000؟؟...ولازم اروح بتاع ابو رواش ولا اروح اللي جنب المطار عادي؟

[Jamaica1937]

...............................
...................................
.............................



مخالفة لقواعد المنتدى
ممنوع كتابة اللغة العربية بحروف لاتينية
يرجى مراجعة قواعد المنتدى
______________
مشرف الساحة 4ا

[lovermohamed]

لا تكلمي التوكيل ولا اي صنايعي يمد ايده فيها
وديها على التوكيل مباشرة ودي مش عاوزه كلام وهناك بقى اديهم اللي فيه القسمة من كلام وزعيق علشان تخشي لمدير الفرع وساعتها حيرجعالك زيرو وببلاش (عن تجربة) :)

على التوكيل دلوقتي يالا ومتستنيش حد علشان لو مشكله في البطاريه او الكابلات تخلص بسرعه والا عاوزه فلوسك تضيع عليكي

بالتوفيق ان شاء الله

[m_kamal]

لا تكلمي التوكيل ولا اي صنايعي يمد ايده فيها
وديها على التوكيل مباشرة ودي مش عاوزه كلام وهناك بقى اديهم اللي فيه القسمة من كلام وزعيق علشان تخشي لمدير الفرع وساعتها حيرجعالك زيرو وببلاش (عن تجربة) :)

على التوكيل دلوقتي يالا ومتستنيش حد علشان لو مشكله في البطاريه او الكابلات تخلص بسرعه والا عاوزه فلوسك تضيع عليكي

بالتوفيق انشاء الله

+111111111111111111

[dodocai]

على التوكيل ، وهذه الأمور عادية لا تقلق بالمرة ، حدث معى نفس السيناريو تقريبا والسنتر عطل بعد يومين من استلام السيارة، تم تغير البطارية بالكامل إلى بطارية جافة ، وتم ضبط الانذار والسنتر ، ولكنه خرب مرة أخرى وأخيرا تم تغيير السنتر ، حسب كلام التوكيل ، الزيارات تمت فى توكيل أبورواش وقليوب ، والمركزين يتم تغيير القطع العطلانة فى الضمان دون أى تكلفة ، أى مركز خدمة أخر لا يقوم بتغيير قطع الغيار فى الضمان يقوم بالصيانة فقط أو تغيير القطع العطلانة بمقابل مادى ويتقاضون أجر نظير تصليح الانذار أو السنتر. لا تنتظرى صيانة الآلف عند الحجز أبلغيهم أنه عطل.

تحياتى

تحياتى

[katz]

الموضوع دا بسيط ان شاء الله

على التوكيل عدل و هيظبطوا الأنذار و الامور هتبقى تمام

كان عندى عربية انذارها قارفنى و برضه كل شوية يخلص البطارية لحد ما شيلته العربية اتظيطت بس طبعا انت حرام تشيليه دا العربية لسه زيرو

على فكره دا عيب صغير ما تخليهوش يضيع فرحتك بالعربية ....الجيتز ممتازة و تستاهل تمنها و بكرة هتشوفى هو بس للأسف الهيونداى كتير انذارها بيكون فيه مشاكل

ربنا يبارك لك فيها

[fawzyyyy]

الموضوع سهل جدا متخافيش خالص
و اطلعي علي التوكيل يغيرولك البطارية و يظبطوا السنتر و مش حتدفعي ولا مليم

[mshmshm3]

مش قولنا لو تعرفي تستردي فلوسك وما تشتريش العربية اعملى كدة . وقولنا روحي اشتريها من التوكيل او من اى معرض محترم . عامة المشكلة مش كبيرة روحي التوكيل ونحن على امل انها تتظبط ...

[alihussien2]

بتحصل كتير يا ورداية بس الى التوكيل فورااااااااااااااااااااااااااااااااااااااااااااااا ااااااا

[aymanay32]

روحى التوكيل و طمنينا و احكيلنا عملتى ايه هناك و العطل طلع فين بالظبط

[A.Saad]

ما تهمليش فى مشاكل الكهربا

[Ashraf_Ibrahim]

زي ما كل الشباب قالوا
تتصلي بالتوكيل تبلغيهم بالمشاكل دي وتحددي معاد صيانة عشان يكشفوا على العربية وترجع سليمة -ودي غير صيانة الألف- علشان ما يقلكيش ان دي صيانة الأف لأن صيانة الألف مجانية ودي برده لازم تكون مجانية كاملة لأن العربية ما عملتش 400 كم على بعض
وبالتوفيق طمنينا عملتي ايه

[attaromar]

العربية في الضمان روحي في اي وقت و اضمني ان العيوب كلها تكون ظاهرة و ده من غير صيانة الف و لا الفين و بدون فلوس كمان و حقك تعملي اكتر من كده......

[warDaya]

شكرا ليكم كلكم ياجماعه بجد،ربنا يخليكم يارب
انا دلوقتي في ابو رواش اهو،قاعده بقالي ساعتين وربنا يسهل بقى

المهندس وهو بيستلمها من
قولتلو ازاي كده مالحقتش تقعد عندي،دي كده اصلا من وهي في المعرض!!
وباعدين هي هايتعملها صيانة ولا البطارية هاتتغير؟
قالي لو فيها حاجه اكيد هاتتغير على طول.
قولتله طب مانتو ممكن تاخدوها وترجعوهالي زي ماهي وتقولولي كلة تمام..من غير ماتغيروها..
قالي لو حصل كده يبقى اكيد العيب ماكنش في البطارية..وعموما لو في اي حاجه في البطارية هانغيرها فورا..
ماكنش في حاجه بقى تتقال .. فقولتله اوك وشكرا ومشيت طلعت الاستراحه
ياريت ياجماعه لو انا في حاجه عملتها غلط او ناقصه ماقولتهاش ياريت تنبهوني وانا لسه هناك كدة

وجزاكم الله خيرا

[DrMax]

شكرا ليكم كلكم ياجماعه بجد،ربنا يخليكم يارب
انا دلوقتي في ابو رواش اهو،قاعده بقالي ساعتين وربنا يسهل بقى

المهندس وهو بيستلمها من
قولتلو ازاي كده مالحقتش تقعد عندي،دي كده اصلا من وهي في المعرض!!
وباعدين هي هايتعملها صيانة ولا البطارية هاتتغير؟
قالي لو فيها حاجه اكيد هاتتغير على طول.
قولتله طب مانتو ممكن تاخدوها وترجعوهالي زي ماهي وتقولولي كلة تمام..من غير ماتغيروها..
قالي لو حصل كده يبقى اكيد العيب ماكنش في البطارية..وعموما لو في اي حاجه في البطارية هانغيرها فورا..
ماكنش في حاجه بقى تتقال .. فقولتله اوك وشكرا ومشيت طلعت الاستراحه
ياريت ياجماعه لو انا في حاجه عملتها غلط او ناقصه ماقولتهاش ياريت تنبهوني وانا لسه هناك كدة

وجزاكم الله خيرا

كده كلامك كويس...انتى بس وانتى بتستلميها قوليلو لو العربية عملت حركة نقص واحدة فى الدوارة او اتاخرت فى الدوارة هاجى اغير البطارية فورا .. ده العربية زيرو
بس اللى حصل فى العربية ده اكيد بطارية ومالوش حاجة تانيه لان على كلامك كهربة العربية كلها قاطعه (دوارة - كشافات -ريموت السنتر) فطبيعى ان المشكلة تكون فى مصدر الكهربا اللى هية البطارية
ومتقلقيش بتحصل فى احسن العائلات...انا لما استلمت العربية لقيت انى لما بدى اشارة شمال وارجع الدريكسيون لوضعه الاصلى دراع الاشارة مبيرجعش لوحدو وظبطوهالى فى التوكيل عادى...مادام معاكى ضمان متقلقيش
واعتبرى ان دى العين بتاعة الزيرو :)
بالتوفيق ان شاء الله وابقى طمنينا عملتى ايه