العجلة بتجيب زيت -فيرنا-

[Ashraf_Ibrahim]

ازيكم يا شباب
اخباركم ايه؟!
في الحقيقة مش عارف عربيتي مالها مزعلاني منها ليه مع اني والله بعاملها بحنية زيادة عن اللزوم ومش بقسى عليها
المهم يعني
دلوقتي العجلة الخلفية اليمين عندي لما بركن العربية وارجع الاقيها جايبة شوية زيت !
الزيت دا زيت ايه بالظبط؟!
هل مساعدين واللا فرامل واللا ايه بالظبط؟!
انا طبيعي رايح التوكيل بكرة باذن الله عشان المشاكل اللي عندي نتيجة صيانة ال 5000 كم
ربنا يستر ان شاء الله

[fawzyyyy]

انا مش عارف والله ...بس ان شاء الله تبقي حاجة سهلة متقلقش (عربيتك جميلة و زي الفل) خير ان شاء الله

[gebreel]

هتلاقيها ان شاء الله فرامل و بص في علبة زيت الباكم و شوفها هتلاقيها ناقصة و تتحل بسهولة ان شاء الله

[loshabih]

هوا اكيد زيت الفرامل لان مفيش اي حاجه عليها زيت ورا فخد بالك ليكون الخرطوم ولا حاجه ربنا يسترها عليك

[zakiali]

يا اما من الفرامل يا اما من المساعد مفيش تفسير غير كده

[Ashraf_Ibrahim]

رحت النهردة التوكيل وفكوا العجلة وبصوا على كل حاجة وقالولي كل حاجة سليمة ومفيش اي حاجة تجيب زيت خالص
مش عارف انا جتلي تهيؤات زيت واللا العربية دي بتستعبط معايا

[Adham]

يا اما من الفرامل يا اما من المساعد مفيش تفسير غير كده

+1

رحت النهردة التوكيل وفكوا العجلة وبصوا على كل حاجة وقالولي كل حاجة سليمة ومفيش اي حاجة تجيب زيت خالص
مش عارف انا جتلي تهيؤات زيت واللا العربية دي بتستعبط معايا

او هما اللي بيستعبطوا

خللي حد يبص لك عليها يبص بس و يقول دة منين بس ما يعملش فيها حاجة ةو قولة علشان العربية في الضمان

و حاول ما تكبسش فرامل خالص لغاية ما تعرف و تتأكد من الحكاية دي

علشان دة لو خرطوم الباكم ممكن يضرب مع كبسة فرامل جامدة و ساعتها مش حاتلاقي فرامل خالص

و الفرنا مش ناقصة هي فراملها ضعيفة خلقة

ربنا يستر طريقك

[Ashraf_Ibrahim]

ممممممممممم
انت كدة قلقتني لأني تقريبا بخلي الفرامل القد بالقد
بس انا خدتها انا والفني بتاع الصيانة وخرجنا جربناها وجريت بيها وافتريت على الفرامل وكانت كويسة !
اوديها لحد تاني طيب واللا اتابعها واشوف ايه النظام؟!

[caysersosaih]

الخرطوم ده احتمال ضعيف بص علي ماستر الفرامل الخلفي لو مرشح زيت غيره

[bassem.naguib]

ماستر الفرامل الخلفي .. بس شوف زيت الباكم بينقص ولا لآه .. وبعدين حضرتك موضحتش كمية الزيت اللي نازلة كتيرة ولا مجرد رشح بسيط

بص على المساعد شوفه مرشح زيت ولا لآه .. أحتمال برضه .

احتمال تالت واحد نزل زيت على العجلة والعربية واقفة !!

[Ashraf_Ibrahim]

الخرطوم ده احتمال ضعيف بص علي ماستر الفرامل الخلفي لو مرشح زيت غيره

احم
مهو انا معرفش الحجات دي
ياريت لو حد يشرحلي اعمل ايه بالصور طيب

ماستر الفرامل الخلفي .. بس شوف زيت الباكم بينقص ولا لآه .. وبعدين حضرتك موضحتش كمية الزيت اللي نازلة كتيرة ولا مجرد رشح بسيط

بص على المساعد شوفه مرشح زيت ولا لآه .. أحتمال برضه .

احتمال تالت واحد نزل زيت على العجلة والعربية واقفة !!

هو الاحتمال الاخير صعب شوية
اصلي تابعتها يومين ورا بعض وكانت نفس النتيجة
هو رشح بسيط مش كمية زيت كبيرة
انا طبعا سألت الفني في التوكيل عن مستوى الزيت -وشفته الصبح قبل امروح كان مظبوط وكله تمام- قلي ان مفيش تسريب زيت اساسا!

[bassem.naguib]

سؤال تاني .. الزيت ده في العجلة من بره ولا من جوه .

لو في العجلة من بره يبقى أكيد حد دالق عليها زيت علشان متلفش حوالين نفسك .. ولو من جوة أكيد برضه الماستر الفرعي بتاع الفرامل بينشع الزيت ده وبيسقط على العجلة .. حاول تفك العجلة وتشوف مجموعة الخراطيم الواصله للطنابير .. وبص على أخر الخراطيم دي .. لو لاقيت زيت ناشع خفيف .. يبقى الماستر الفرعي عاوز يتغير .

الاحتمال الأخير من المساعد (احتمال ضعيف).. وأنت لسه فاكك العجلة بص على المساعد لو لاقيته مرشح زيت يبقى منه