ارجو النصيحه

[shooda2020]

مساء الخير علي احلي منتدي
احب اقولكم اني معايا فيرنا 2009 مش عامله 6000 كيلو
بس بلاحظ فيها حاجه غريبه
وانا ماشي علي سرعات عاليه بس مش اووي يعني 60 او 70 بحسس نتشه خفيفه اوي بس مش بين الغيارات علشان الناس تفتكر ان ده ممكن يكون مش ظبط رجل انا كنت فاكر كده الاول هيا مش ملموسه اووووي و مش بتحصل كتير دي بتحصل كل فين و فين
ممكن حد يقولي ده ممكن يكون بوادر ايه علشان اعالجه
شكرا

[mshmshm3]

ممكن البنزين اللى فيها مش نضيف حطيت بنزين من بنزينة مش نضيفة بيخلطوا البنزين بميه او ببنزين 80 ويمكن تكون حاجة تانية

[shooda2020]

طب ممكن اعرف من حضرتك ايه هيا الحاجه التانيه

[mshmshm3]

طب ممكن اعرف من حضرتك ايه هيا الحاجه التانيه

لا يافندم انا قصدي ممكن تكون حاجة تانية انا مش اعرفها وحد من الاعضاء يقول لحضرتك عليها

[kamatsho]

يا باشا دا عيب بنزين


عشان لو مش بنزين يبقى
1_ بوجيهات وده احتمال ضعيف جدا

2_ سلوك بوجيهات واسبراتير وده احتمال ضعيف ايضا

3_ الديبرياج وده برضو احتمال ضعيف

عشان العربيه موديل 2009 ويادوب عامله 6000 كيلو زى ما انتا بتقول يعنى احتمال ضعيف جدا ان حاجه من دى تبوظ


كل اللى هتعمله متحطش بنزين لحد ما تتأكد ان العربيه مفيهاش بنزين ولمبه البنزين تكون نورت قبلها طبعا


وبعدين تروح على بنزينه تفول منها بس تكون متأكد انها بنزينه نضيفه وان شاء الله بعدها هتلاقى النتشه اختفت

ويا خوفى يكون العيب من رجلك انتا.... لسه متعودتش على العربيه كويس

[shooda2020]

تصدق يا باشا ممكن برضه رجلي تكون السبب لاني بلبس جزم كلاسيك اغلب الوقت بحكم شغلي
فيا خوووووفي برضه ههههه
رد حضرتك فظيع و انت شكلك راجل محترم ميرسي جدا لزوق حضرتك

[kamatsho]

تصدق يا باشا ممكن برضه رجلي تكون السبب لاني بلبس جزم كلاسيك اغلب الوقت بحكم شغلي
فيا خوووووفي برضه ههههه
رد حضرتك فظيع و انت شكلك راجل محترم ميرسي جدا لزوق حضرتك

ههههههههههههه لـاء لو على الجزم عادى

انا برضو بلبس كوتش اكبر مقاس 45 ...... ومفيش اى مشكله عندى

انا اقصد لو حضرتك كنت لسه بتتعلم ولسه جديد فى السواقه فـ عشات كدا قولت احتمال يكون العيب كدا

اسف لو كنت ضايقتك ... بس والله مقصدش

عموما ابقى طمنا عملت ايه فى النتشه دى و ان شاء الله خير

[shooda2020]

بامانه يا باشا انا مازعلتش طبعا
انا مبسوط لما بلاقي ان فيه حد خفيف الدم بص يا باشا هيا مش نتشه بمعني الكلمي هيا عارف زاي ايه و مش علي طول كانك بتشيل رجلك بسرعه و مش اووي برضه
الموضوع ده بيحصل بس لما بشغل التكييف بس
لان اكيد انت عارف حضرتك ان التكييف بياخد عزم من الموتور اكتر
فممكن تكون عايز رجل حساسه اكتر ولا انا كلامي غلط
شكرا يا باشا علي حسن اهتمامك

[kamatsho]

بامانه يا باشا انا مازعلتش طبعا
انا مبسوط لما بلاقي ان فيه حد خفيف الدم بص يا باشا هيا مش نتشه بمعني الكلمي هيا عارف زاي ايه و مش علي طول كانك بتشيل رجلك بسرعه و مش اووي برضه
الموضوع ده بيحصل بس لما بشغل التكييف بس
لان اكيد انت عارف حضرتك ان التكييف بياخد عزم من الموتور اكتر
فممكن تكون عايز رجل حساسه اكتر ولا انا كلامي غلط
شكرا يا باشا علي حسن اهتمامك

على فكره عادى جدا ومع الوقت بالسواقه وانتا مشغل التكييف هتلاقى رجلك اتعودت اكتر على بدال البنزين وانتا مشغل التكييف يعنى متقلقش من الموضوع وكبر الجمجمه يا باشا وان شاء الله خير