الحرارة

[mrwho1982]

السلام عليكم اولا

ثانيا انا معايا هيونداي اكسنت 2002 خليجي اتوماتيك عاملة 220000

دلوقتي امبارح وانا في نفق الثورة مرة واحد العربية سخنت والحرارة وصلت لحد
اعلي مستوي ليها

المهم الميكانيكي بتاعي كان قريب مني فمشيت بيها لحد هناك وهناك افاجي اني ماشي من غير زيت فتيس

والمصيبة الاكبر ان المروحة ماشتغلش

المهم جبت زيت وحطيتو والمروحة ماشتغلش غير لما شغلت التكييف وقفلتو

وروحت بعد كده غسلت الرداتير في البنزينة

وانا مروح الطريق كان واقف كانت الحرارة معدية النص بشوية

فهل كد طبيعي ولا اعمل ايه

ولو هاجيب ترموستات او اغير كوعة او خرطوم اعمل الكلام ده عند بتاع رداتير ولا ميكانيكي

ولكم جزيل الشكر ووافر الاحترام

[semsem_uno]

و عليكم السلام
بص يا باشا
عداد الحارة الطبيعي عندك و عندي في الأكسيل انه ميعديش الربع و لو الضهر و انتا بتجري و حارق عليها فين و فين لو النص

كده يبقي الثرموستات عايز يتغير و تقريبا الواحد بيبقي عامل في حدود 75 و 35 للي مش اصلي و شوف الي طالع درجته كام 85 او 90 و جيب اقل منه لأن الجو بقي حر
و الكلام ده عند حد بتاع ريداتيرات
و صحيح الريداتير حالته ايه؟؟ و الميه اللي طلعت ونتا بتغسل مصدية جامد ؟؟ و اخر مرة غيرت طرمبة الميه كان امتي؟؟

[mrwho1982]

عند تنضيف الرداتير الميه كانت مصدية

وعداد الحرارة النص في الطرق السريعة و3/4 في وسط البلد

وشكرا جزيلا علي الرد

[modo88]

كتير ياباشا يبقا ع النص المفروض يبقا تحت النص بشوية وع السريع يبقا ع الربع

[haroun707]

عند تنضيف الرداتير الميه كانت مصدية

وعداد الحرارة النص في الطرق السريعة و3/4 في وسط البلد

وشكرا جزيلا علي الرد

ايه ده كثييييييييير اوى
لا ياباشا الريداتير يتسلك ويتحطله مزيل صدا وبعد كده يتغسل كويس جدا جدا جدا وبعدها تغير الثرموستات وتحط مياه حمرا وعلى كرة انت كمان لازم تغير غطاء الريداتير بعد ما تغسله لأن اقل شويه صدا فى اى حاجة حترجعه تانى للريدياتير

ويستحسن كمان انك تكشف على المروحة وعلى قوتها علشان ممكن تكون هى السبب

وربنا يعينك

[mrwho1982]

الف شكر للافادة

[adel_2346]

متابع

[haroun707]

يا باشا انا فى الخدمة

[modo88]

الف شكر للافادة

لا شكر علي واجب ياباشا احنا كلنا اخوات

بس كنت عايز اسالك علي الفتيس الاوتو ف الاكسنت هل حلو ولا وحش وياريت تقول مميزاته وعيوبه