الحقونى يا جماعة

[hassanstar]

السلام عليكم

دلوقتى انا معايا عربية هيونداى اتوس 2011 جديدة شاريها من 4 شهور

المهم انهاردة وانا جاى ادورها مش بتدور والانوار منورة فرامل اليد المرفوعة والبطارية وكلة

انا سيبها من يوم التلات ال فات مطلعتس بيها بس كنت سايبها كويسة ومية مية

مش عارف اية ال حصل والعربية لسة جديدة

يا ريت يا جماعة تقولولى اعمل اية وشكراااا

[hassanstar]

يا ريت الرد يا رجالة

[lovermohamed]

شوف كده فيها بنزين والا لأ
هل المارش شغال والا لأ

[hassanstar]

فيها والمارش شغال

[hassanstar]

العربية ممشيتش غير 1400 كيلو بس

[lovermohamed]

العربية ممشيتش غير 1400 كيلو بس

بص ممكن يكون فلتر البنزين مسدود بسبب وساخة محطات البنزين
او طلمبة البنزين عطلت

خلي ميكانيكي حواليك يبص عليها بس من غير مايصلح حاجه خالص واديلة مصنعية كشف بس وانشاء الله بسيطه ولو قالك فيها ايه عاوز يتصلح او يتغير معلش حتجرها لغاية التوكيل وهناك حتبقى عارف على الاقل هما حيغيروا ايه واصلي طبعاً وابقى قلنا عملت ايه

وبالتوفيق انشاء الله

[aymanay32]

روح التوكيل و متخليش ميكانيكى حتى يفتح الكبوت
العربية جديدة بلاش اللعب فيها
الميكانيكى اول ما بيشوف عربية جديدة بحب يعمل اى حاجة بدون اذن صاحب العربية عشان يخرجها من الضمان و تبقى زبون عنده مستديم يوميا بتمر عليه بتديله الاتاوة عشان يلمس العربية و يخليها تمشى بيك يومين و ترجع له تانى

[A.Saad]

جرب اسمع صوت طلمبة البنزين فيها زنة ولا لا
وجرب تدورها زق
وانت بتمون على اد ايه من التانك

[Ralliart]

اعتقد ان غبور عنده خدمه متنقله
ممكن تكلمهم وتشرحلهم ويجولك يصلحوها عند البيت

[lovermohamed]

طب وانت بتدور حاسس ان صوت المارش سريع عن الطبيعي والا عادي؟

[hassanstar]

بصوا يا جماعة انا لسة جديد شوية فى عربيات

هى اول تكة العداد بينور تانى تكة العربية مش بتدور زى ما تكون كدة شرقانة بتعمل صوت زى ما تكون شرقانة ومتدورش وممكن اجرب اية

وطلمية البنزين دى ال هى فى الكابوت ولا ال فتحة ال فى جنب ال بحطلها البنزين؟

[A.Saad]

ده صوت المارش اللى فى تانى تكة
المفروض بعد اول تكة وقبل صوت المارش تسمع وانت فى مكانك صوت زنة
ززززززز
الصوت ده موجود ولا لا
وخد بالك
اسمعه عند اول تدويرة

[hassanstar]

موجود صوت دة فعلا

[hassanstar]

معقولة يا جماعة عربية جديدة ممكن يحصلها كدة ؟