سؤال فى الفيرنا ؟؟

[yasserelsayad]

امباح ركبت مع واحد صحبى معاه فيرنا اول مرة اركب معاه عشان عربيتى فى التوكيل .. مشينا من اكتوبر لحد الزمالك كدا .. ما شاء الله العربية العزل بتاعها كويس جدا ومفيش صوت احتكاك العجل حتى صوت الموتور واطى اوى يكاد يكون مش مسموع .. دا واحنا على المحور ببوس على العداد لقيته ماشى 160 ومفيش صوت موتور بس هو مكنش بيحرق كان ماشى عادى ...
هى فعلا الفيرنا كدا ولا العربية دى عامله فيها فيرنا بس هى حاجة تانية :)

[mohamed_mohsen]

لا دي فيرنا بس ملبوسه :) ,,,,,خللي صاحبك يأذن في ودنها و صوتها هيعلي تاني
حبه جد بقي: الفيرنا مش كده,,,صوت الموتور بيكون مسموع علي السرعات 120 و أنت طالع
يا ريت تسألنا صاحبك عامل فيها إيه عشان نعمل زيه

[Ashraf_Ibrahim]

بالظبط
زي ما افاد زميلنا
الفيرنا صوت الموتور بيكون مسموع بصورة ملحوظة بعد 120
بيكون فيه صوت للهوا كمان بيتسمع من جوا الكابينه
هل صاحبك عملها عزل مختلف واللا عامل ايه فيها؟! عشان نعمل زيه بس
حد يكره الهدوء :d

[yasserelsayad]

عايز اقولكم ان العربية هادية جدا .. دا العزل قريب من البى ام عندى والله :) .. انا فعلا مستغرب جدا .. بس هو بيقول انه مش عامل حاجة فيها بس كان شريها كسر زيرو بس العربية بالامانة نظيفة اوى ومش متهانة .. ربنا يباركله فيها

[kamalsalem]

وعربيتك في التوكيل ليه لا سمح الله؟

[yasserelsayad]

وعربيتك في التوكيل ليه لا سمح الله؟

بعيد عنك تقريبا معظم العفشة هتتغير عشان فيها مشكلة وان شاء الله هروح استلمها كمان شوية والحمد لله على كل شئ
بس انا هروح اظبطهم عشان انا اتخنقت من البى ام دى

[mshmshm3]

لا طبعا الفيرنا عمرها ما كان صوتها هادي ده عند 2 ونص ار بي ام صوتها يبتدي يبقي عالى ياريت تسأل صاحبك عامل ايه في العربية نكون شاكرين جدا لحضرتك

[mshmshm3]

بس ما تقارنش عزل الب ام دابليو بالفيرنا كدة البي ام دابليو تزعل .. انا شفت على قناة عربيات تصنيع ال bmw z4 قبل ما يركبوا التابلوه بيحطوا طبقة عزل صوت وفي نوعين... نوع طبقة عزل تمنع وصول صوت الموتور بنسبة اكبر.... وطبقة تانية رقيقة علشان لو العميل عايز صوت الموتور عالى

[yasserelsayad]

يا باشا انا مش بقارن انا بس عايز اوصلك العزل كان كويس ازاى مش بالمعنى الحرفى يعنى

[mshmshm3]

فاهم قصد حضرتك ربنا يبارك لصاحبك فيها ولو عامل فيها حاجة قولنا ولحضرتك جزيل الشكر

[M.Osman]

على الأول صوتها عالي...

و بعد ال110 برضه....

بالنسبة للعزل مش قد كدا ... بعد ما ركبت جنوط 15" الإحساس بالطريق (لو خشن) زاد ... بس رجع طبيعي مع النيتروجين :))

طب قارنتها بعربيات تانية ؟؟
قارنتها بالسيراتو ؟؟

ممكن لو سمحت تعرف لنا عربية صاحبك ماشية كام و بيستخدم فلتر هوا مختلف ولا اية ؟

[yasserelsayad]

على الأول صوتها عالي...

و بعد ال110 برضه....

بالنسبة للعزل مش قد كدا ... بعد ما ركبت جنوط 15" الإحساس بالطريق (لو خشن) زاد ... بس رجع طبيعي مع النيتروجين :))

طب قارنتها بعربيات تانية ؟؟
قارنتها بالسيراتو ؟؟

ممكن لو سمحت تعرف لنا عربية صاحبك ماشية كام و بيستخدم فلتر هوا مختلف ولا اية ؟

انا قارنتها بالعربيات اللى عندنا تقريبا تقدر تقول العزل عامل زى الميجان كدا بس عزل صوت الموتور افضل سنه .. بس انا مركبتهاش غير مرة واحدة اللى هى اول امبارح دى
انا سألته وقاللى انه مش مغير اى حاجة والعربية عاملة حوالى 30 الف كيلو هى مانيوال ومفيهاش جنوط يعنى استوك

[firstknight_eg]

يا جماعة هو في حل بس مكلف شوية، بس يقضي علي اي صوت

Dynamat Xtreme Bulk Sheets


ديه طبقة عازلة بتتركب في العربية ، بتفك كل حاجة في العربية وتركبها تحتها ، الابواب، الأرضية، التابلوة حتي الشنطة

وطبعا النتيجة هتقلل الصوت بنسبة 60 ل 70%

المشكلة حاجتين 1- السعر هي سعرها في أمريكا بتاع 800 جنيه وشحن وجمارك يعني هتوصل ل 1500

2 - المجهود اللي هتخده عشان تفك العربية كلها عشان تركب العازل

بس النتيجة ، دوشة أقل، صوت كاسيت طبعا هيبقي انضف بكتير (واشوف فيك يوم يا غبور)

[M.Osman]

انا قارنتها بالعربيات اللى عندنا تقريبا تقدر تقول العزل عامل زى الميجان كدا بس عزل صوت الموتور افضل سنه .. بس انا مركبتهاش غير مرة واحدة اللى هى اول امبارح دى
انا سألته وقاللى انه مش مغير اى حاجة والعربية عاملة حوالى 30 الف كيلو هى مانيوال ومفيهاش جنوط يعنى استوك

انا مستغرب انها ستوك و العزل كدا ...
ممكن يكون اشتراها مغيرة كاوتش ... لأن الكواتش اللي بيكون جاي فيها مش حلو (و لو مش متغير انصح بتغيره)
صوت الطريق مع الجنط الستوك و كاوتش نضيف فعلاً بيكون هادي (بروفايل 70 و عرض 175 بس ..يعني ماشي على هوا فعلاً !!)
بس عزل صوت الموتور و الهوا مش قد كدا في نظري

انا مجربتش الميجان ... لكن كونك تشبها بالميجان في العزل ده فيه حاجة غريبة جداً !!
شكلي هروح اجرب الميجان ...

[mshmshm3]

يعني مفيش حل غير فك العربية ولو حتي هايقلل الصوت شوية حاجة بسيطة