تقارير المستهلك الأمريكية - لأول مرة هيونداي-مبروك خاصة لمالكي الإلنترا

[Ahmed Anwer]

اختيرت سيارتين من هيونداي (لأول مره منذ انشاء القائمه الأمريكيه التي تعتبر الأكثر ثقه لدى المستهلك الأمريكي )على قائمة المستهلك الأمريكي

لعام 2008 م

الجدير بالذكر ان هذه القائمه كان مسيطر عليها من قبل المنتجين اليابانيين والأوروبيين والعامين الماضيين كانت السيطره لليابانيين فقط








Small sedan: Hyundai Elantra SE

Family sedan: Honda Accord

Upscale sedan: Infiniti G35

Luxury sedan: Lexus LS 460 L

Green car: Toyota Prius

Fun to drive: Mazda MX-5 Miata

Small SUV: Toyota RAV4

Mid-sized SUV: Hyundai Santa Fe

Minivan: Toyota Sienna

Pickup truck: Chevrolet Silverado 1500 Crew Cab


اللينك ،،

http://www.consumerreports.org/cro/cars/new-cars/news/2007/04/top-picks-for-2007-4-07/overview/0704_top-picks-2007.htm

و اقرو فيه ،،

And for the first time ever, a South Korean automaker is represented: The Hyundai Elantra

SE and Santa Fe are our top small sedan and midsized SUV, respectively.

[Chicco]

تقدم ملحوظ للسيارات الكوري هيونداي تحديدا حقيقي برافو .... من الاختيارات العشرة ٧ ياباني (منهم ٤ ل تويوتا :)) و ٢ كوري و ١ أمريكاني و مفيش أوروبي

[Ahmed Anwer]

تقدم ملحوظ للسيارات الكوري هيونداي تحديدا حقيقي برافو .... من الاختيارات العشرة ٧ ياباني (منهم ٤ ل تويوتا :)) و ٢ كوري و ١ أمريكاني و مفيش أوروبي

شكرا يا دكتور ،،

دايما جابر بخاطري ،،،

مفيش حتي حد من اصحاب الإلنترا يقولي شكرا ،،

و يديني جنية و ربع علي الخبر ده ،،

[Salah_sr]

شكرا ياباشا علي الكلام الجميل بس معلش أنا منذ يناير و أنا في ألمانيا و علي فكرة أكثر عربية أسياوية هنا الماتركس ثم الهوندا سيفيك هاتش باك و التويوتا قليلة جدا تكاد تكون معدومة ماعدا اليارس الهاتش باك عموما الأسيوي قليل جدا جدا مقارنة بالعربيات الأوربية و فعلا الدول العربية (الشرق الأوسط ) أحسن سوق علي الإطلاق للعربيات الأسيوية

[mazgangy]

الف شكر يا باشا وفعلا العربيه دى تستحق بجد جامده جداااااااااااااااااااااااااا

وهى معايا وزى الفل والله ماشاء الله عليها

[Nile_Storm]

هيونداااااااااااااااااااااااي هيونداااااااااااااااااااااااااااااااااااي

[mido777]

الف شكر على الخبر ده

وفعلا انا حاسس ان هيوانداى بئت اكثر اعتمادية فى معظم الدول الصناعية الكبرى

[HISHAM80]

انا لسه جاى من امربكا وهى اكتر عربيه كورى منتشره

[ahmedfd]

أنا من أصحاب الإلنترا و ألف شكر يا هندسة على الأخبار الجميلة.
و فعلاً العربية عاملة شغل جامد جداً في أمريكا.

[Kareem Khattab]

العربية فعلا محترمة جدا و تقفيلها اكتر من ممتاز

[Kisho]

الفففففففففففففففف شكررررررررررررررررررر

[qwertyqwerty]

ارجو من السادة المشاركين ان يساعدونى فى تقييم النترا 2008
اوتوماتيك من حيث:
- الاداء
-السعر مقارنة بسيارات اخرى مثل سنى
-سعر قطع الغيار
- قدر الخسارة فى حالة اعادة البيع وها هناك اقبال على السيارة فى مصر وكم سعرها وهل سعر التوكيل ارخص

[sokasoon]

وايه الفرح فى كده اذا كان التوكيل فى مصر سىء للغاية

وبيبوظ السيارة بدل ما يحافظ عليها

امريكا حاجة ومصر حاجة تانية خالـــــص

[أبو عبدالله]

وايه الفرح فى كده اذا كان التوكيل فى مصر سىء للغاية

وبيبوظ السيارة بدل ما يحافظ عليها

امريكا حاجة ومصر حاجة تانية خالـــــص

بالظيط كده

انا مش فاهم احنا بنفرح باللي بالخارج والعربيه هيا حاجه تانيه من حيث عيوب التقفيل والأعطال فيها مع سوء الصيانه
يبقى يا فرحتي

يا جماعه عاوز اقابل مالكي الهيونداي بعد 5 سنين من دلوقتي واشوف احوال العربيه ايه
واتصرف عليها اد ايه
وعملت كام عطل طول الفتره دي

[ahmedfd]

بالظيط كده

انا مش فاهم احنا بنفرح باللي بالخارج والعربيه هيا حاجه تانيه من حيث عيوب التقفيل والأعطال فيها مع سوء الصيانه
يبقى يا فرحتي

يا جماعه عاوز اقابل مالكي الهيونداي بعد 5 سنين من دلوقتي واشوف احوال العربيه ايه
واتصرف عليها اد ايه
وعملت كام عطل طول الفتره دي

مش فاهم....
مين قال إن الإلنترا بتتقفل هنا؟؟؟!!!
مين قال من أصحاب الإلنترا إن فيها عيوب تقفيل؟؟؟؟!!
مين قال إن الإلنترا بيحصل فيها أعطال؟؟؟!!!
و بعدين هوا حضرتك شفت كل أصحاب الهيونداي اللي معاهم عربيات من 5 سنين كلهم بيقولوا عليها زبالة و عايزين يخلصوا منها؟؟!!

هل عند حضرتك بيانات إحصائية تخليك متأكد للدرجة دي إن اللي معاه هيونداي من 5 سنين صرف عليها أكتر من اللي معاه تويوتا؟ رغم إن من عوامل جذب هيونداي أصلاًفي العالم كله الإقتصادية في التشغيل و رخص قطع الغيار. و بعدين على كلام حضرتك إن العربية اللي صاحبها بيصرف عليها صيانة أكتر تبقى عربية وحشة و فاشلة يبقي اللي معاه ميجان ولا C4 و لا مرسيدس ولا فولفو ولا بي إم يلحق بقى يخلص منها لإنه أكيد صرف أكتر من الياباني في الخمس سنين دول.

حضرتك شفت مثلاً الهيونداي الإكسيل الكوري قعدت مع الشرطة أقل من البيجو 405 الفرنساوي أو التويوتا الياباني؟؟؟!!
البيجو الفرنساوي و التويوتا الياباني مع كامل الإحترام ليهم كلهم ماشيين مشنشين بعد سنتين ... و مش فاضل منهم غير كام واحدة و شكلهم فضيحة في الشارع زيهم زي الإكسيل بالظبط...

و شكراً