أول القصيدة مع توكيل هيونداى ...

[eng_ahmodi]

السلام عليكم و كل عام و أنتم بخير ...
حجزت سيارة الانترا 2011 من التوكيل ودفعت كل القيمة وقبل معاد الاستلام بساعات أجد اتصالا هاتفيا بعد منتصف الليل ليخبرنى أنهم طلعوا كانوا حجزولى لون تانى غير اللون اللى كنت طلبته ...وتم اكتشاف هذا الخطأ بالصدفة عند تحميل السيارة على التريلله القادمة من أبورواش للفرع .... ده طبعا بعد عدة وعود بمواعيد استلام يتم تأخيرها ل اليوم اللى بعده ...
ولولا ستر ربنا كنت هروح امبارح أبورواش أستلم و كانت المفاجأة اللى هيبقوا محضرينهالى انى بعد ما أروح أكتشف انه لون تانى ... نتيجة عدم التنسيق الواضح و فشل الأنظمة المستخدمة ...

بداية غير مبشرة ... أعتقد لو ماحسيتش ان حد اهتم بتصحيح الخطأ الفادح والساذج ده من مديرينهم وبشكل فورى هلغى الموضوع و أخد فلوسي فورا ... وبناقص حرقة دم ....

قضيتى ليست فى هذا الأمر فقط ... قضيتى بشكل أشمل هو سؤال أتمنى أن أجد له إجابة ...
متى نجد مكانامحترما يفهم ويقدر معنى خدمة العملاء ... وماذا ينقصنا لنجد هذا المكان ... !!! ؟؟؟؟

سأذهب بعد ساعات لمدير الفرع ... طبعا لو حد عنده أى اقتراح أو تعليق فمرحبا جدا ...

[ehabhoba]

حسبى الله ونعم الوكيل فى الاهمال واللا مبالاة .... ربنا يستر علينا الدنيا بتتقدم واحنا ZZZzzzzz بتأخر

[eng_ahmodi]

استلمت العربية الحمدلله .... وباللون اللى كنت عاوزه ...
كده هما صححوا الوضع فى خلال 24 ساعة و ده شىء برضه يحسبلهم
لازم نقول اللى لينا واللى علينا إحقاقا للحق ...
شكرا على وقتكم ...

[M.Osman]

قضيتى ليست فى هذا الأمر فقط ... قضيتى بشكل أشمل هو سؤال أتمنى أن أجد له إجابة ...
متى نجد مكانامحترما يفهم ويقدر معنى خدمة العملاء ... وماذا ينقصنا لنجد هذا المكان ... !!! ؟؟

حضرتك لو بتفكر كدا و هنا في مصر يبقى الأفضل متسحبش فلوسك لأن كله زي بعضه

ولا حد بيهتم بعميل و لا بتاع