حل الزنة اللي في الفيرنا ؟؟؟

[ashouhdy]

انا بأة لقيت حاجة مختلفه خالص

انا معايا العربيه من 3 سنين وصوت الزنه دة موجودعلى طوول

من كام يوم لقيت صوت عالى اوى فى العربيه

رحت لبتاع الشكمانات عشان يشوف المشكله فين قالى السوسته اللى قبل العلبه اللى فى النص نحيه الموتور بايظه وعايزة تتغير

قالى فى واحدة صينى جديدة او ممكن اركبلك واحده مستعمله فركبت المستعمله كانت بتاع عربيه ابيزا تقريبا

مشيت بالعربيه من عنده والاقى صوت الشكمان طبعا اختفى وكمان الزنه اللى متعود عليها راحت خالص !

+111111111111 فعلا الكلام دة مظبوط 100 100 لو الصوت مارحش عندك يافوزى شوف الشكمان امسكة من ديلة و هزة جامد يمين وشمال جامد متقلقش لو حركتة زيادة عن اللزوم او بيعمل اصوات زن يبقى روح لحد بتاع شكمانات يعييد تانى ع اللحمات


حوار السوستة بقى .... السوستة دى لو باظت حتلاقى الشارع كلة بيتفرج عليك و مش مرتبطة بار بى ام معين .... لكن الزنة مرتبطة بار بى ام 3 او اربعة وتسيب رجلك من ع البنزين والعربية لسة ع الغيار(معشقة) وغالبا الغيارات الاول و التانى حتلاقى الزنة اللى بنتكلم عليها

[mshmshm3]

ابقي قولنا عملت ايه

[fawzyyyy]

انا عملت كل حاجة ممكنة.....بطنت الشاسية بكاوتش....و هزيت الشكمان ..بس الشكمان مفيهوش حاجة

و العربية لسا فيها الزنة...و الزنة مش جاية من تحت العربية ...ديه جايه من ناحية التابلوه........!! و هو ده الصوت انا سجلته تحس ان هو اول ما بيجي ال RPM في حتة معينة بيبقي في زنة .....و اول ما ازود او اشيل رجلي تروح الزنة

http://www.ziddu.com/download/11574563/verna.mp3.html

مش عارف بقي شكلي حاروح لميكانيكي يقعد يلعب و يشوف و يدور علي مكان الماسورة اللي بتزن ديه هي اكيد في الكبوت من تحت و انا مش عارف اوصلها........

انا متشكر يا رجالة تعبتكم معايا والله....و ان شاء الله اول ما الاقي الحل حاكتبه فورا عشان اكيد في ناس حتحتاجه

[mshmshm3]

طيب ما ممكن تكون في حاجة في التابلوه مش مربوطة راجع على الصواميل اللى في الجنب والمسامير

[fawzyyyy]

طيب ما ممكن تكون في حاجة في التابلوه مش مربوطة راجع على الصواميل اللى في الجنب والمسامير

اصل التابلوه عمره ماتفك قبل كده و انا اصلا معرفش اماكن المسامير بتاعته....و برده حبقي ابص عليه و انا نازل بكره

متشكر اوي لأهتمامك يا باشا والله

[mshmshm3]

يافندم احنا هنا اخوات ولازم نساعد بعض عامة لو الزنة مش بتظهر غير على 4 ار بي ام بلاش توصل ل 4 ار بي ام حتي علشان تحافظ على عمر الموتور ولو الموضوع مدايقك اوى اطلع على التوكيل وهاتتحل في دقيقة ان شاء الله بس نصيحة مني ما تركزش مع الفيرنا علشان هاتهوسك انا كنت بدقق اوى مع كل همسة في العربية لاقيت الموضوع بيكبر ودلوقتي فرش السقف كان بيطقطق من كام يوم وفي حاجة يا في الباب اللى جنبي يا في القايم من فوق الحزام بتخبط كبرت دماغي ارتحت اكتر من لو كنت حليتها بس لما اروح اعمل الصيانة الجاية هاعدي على الهياكل يربطوا الصالون كله ولو ما اتعملش خلاص اهم حاجة ان العربية بتدور وشغالة في وظائفها الاساسية بس كدة

[ashouhdy]

انا حاولت اسمع بس الصوت اللى عندك دة مش زنة دة وننة (ونة) دة مش موجود عندى صوت الزنة كان مختلف ومش بيبان غير لما تكون العربية واخدة غيار مش بيبان ع السلانسية .... ممكن يكون موجود عندى بس صوت الفلتر ال k&n مغطى علية الله اعلم

[mshmshm3]

لا الصوت اللى انت سجلته ده مالوش علاقة بماسورة التكييف ده صوت الموتور في حاجة روح التوكيل وخليهم يشوفوا في ايه بس زنة ماسورة التكييف بتبقي زنة دى ونة زى ما ashouhdy قال

[fawzyyyy]

يافندم احنا هنا اخوات ولازم نساعد بعض عامة لو الزنة مش بتظهر غير على 4 ار بي ام بلاش توصل ل 4 ار بي ام حتي علشان تحافظ على عمر الموتور ولو الموضوع مدايقك اوى اطلع على التوكيل وهاتتحل في دقيقة ان شاء الله بس نصيحة مني ما تركزش مع الفيرنا علشان هاتهوسك انا كنت بدقق اوى مع كل همسة في العربية لاقيت الموضوع بيكبر ودلوقتي فرش السقف كان بيطقطق من كام يوم وفي حاجة يا في الباب اللى جنبي يا في القايم من فوق الحزام بتخبط كبرت دماغي ارتحت اكتر من لو كنت حليتها بس لما اروح اعمل الصيانة الجاية هاعدي على الهياكل يربطوا الصالون كله ولو ما اتعملش خلاص اهم حاجة ان العربية بتدور وشغالة في وظائفها الاساسية بس كدة

صدقني والله في حاجات كتيرة في العربية الواحد بيطنشها...لكن الصوت ده مزعج و بيخليك مش عارف تدوس بنزين......و فعلا اهم حاجة ان العربية بتمشي و ان التكييف شغال

انا حاولت اسمع بس الصوت اللى عندك دة مش زنة دة وننة (ونة) دة مش موجود عندى صوت الزنة كان مختلف ومش بيبان غير لما تكون العربية واخدة غيار مش بيبان ع السلانسية .... ممكن يكون موجود عندى بس صوت الفلتر ال k&n مغطى علية الله اعلم

لأ انا عندي مش لازم تكون العربية واخدة غيار......و بعدين هي ممكن تحس انها (ونة) عشان بتسمع في التابلوة و هو بلاستيك......!! و بعدين انا اما كنت بحرك الماسورتين دول كان الصوت بيتغير وضعه علي ال rpm يعني كان علي 3 بقي علي 4

لا الصوت اللى انت سجلته ده مالوش علاقة بماسورة التكييف ده صوت الموتور في حاجة روح التوكيل وخليهم يشوفوا في ايه بس زنة ماسورة التكييف بتبقي زنة دى ونة زى ما ashouhdy قال

مش عارف انا حروح لميكانيكي هنا جنبي كان شغال في غبور و ربنا يسهل
بس الزنة ديه او الونة ديه مش من الماتور ......لأني لو نزلت من العربية و وقفت جنب الماتور و زودت مبتتسمعش و بيبقي الماتور صوته عادي خالص

[mshmshm3]

تمام روح للميكانيكي ده افضل هو هايعرف المشكلة في ايه