هستلم النترا النهاردة

[mmans]

انا يا جماعة رايح النهاردة بليل استلم النترا زيرو كاملة من معرض بالمنصورة فكنت عاوز اعرف ايه الحاجات الى اتاكد منها قبل ما استلمها طبعا الدهان من برة و الحالة من جوة بس مش عارف بالظبط ايه الى اتاكد منو تانى ؟؟؟؟
هى 2011 خليجى

[fawzyyyy]

انا يا جماعة رايح النهاردة بليل استلم النترا زيرو كاملة من معرض بالمنصورة فكنت عاوز اعرف ايه الحاجات الى اتاكد منها قبل ما استلمها طبعا الدهان من برة و الحالة من جوة بس مش عارف بالظبط ايه الى اتاكد منو تانى ؟؟؟؟
هى 2011 خليجى

اتأكد من العده اللي هي الكوريك و الاستبن و كده

و بص علي كل الكماليات و جربها و جرب التكيف و المفاتيح و الزراير و الزجاج و بص علي العدادات و ال rbm و اتأكد ان كله تمام


و الف مبروك و ربنا يحفظهالك ان شاء الله

[hazemhassan]

بالظبط كدة
والف مبروووك وربنا يباركلك فيها

[darehawk]

ربنا يباركلك فيها ان شاء الله

[Ashraf_Ibrahim]

كنت حاول تستلمها بالنهار أفضل عشان لو فيه اي حاجة في صاج العربية تقدر تشوفه بسهولة

وربنا يحميك من شرها يارب

[=ISLAM=]

الف مبروك مقدما وشيك علي الاتي:

الاستبن-شنطه العده-الكوريك-مفاتيح العربيه ولو في رقم كودي
كتالوج العربيه والكاسيت-الضمان- مافيش خدوش علي طاسات العجل-قراءه عداد الكيلومتر
التكييف-الكاسيت وال cd والراديو-المساحات-النور والاشارات-الفرش بتاع العربيه والتابلوه
الزجاج الكهربائي-المرايات-الشداد اللي بيقطر العربيه-الاريال لو في-الانذار والسنتر
الولاعه-وطفايه السجايز لو في-الكلاكس فتح وغلق الابواب-نور القرايه
فتح التنك والشنطه من الداخل-الزيوت والمياه
وصله ال USB بتاعت الكاسيت

واتكل علي الله ومتنساشي الدهان الخارجي وتظبط ضغط العجل عند اي بنزينه قريبه

[mmans]

شكرا لكل الى ردو عليا و الله يبارك فيكم
صاحب المعرض قالى مش هينفع النهاردة و هتيجى بكرة بعد العصر (كده كويس عشان اشوفها فى النور)
شكرا ليكم يا شباب

[ahmed_mido1889]

الالنترا ما فيهاش اريال الاريال بتاعه في الزجاج الخلفي

[M_Abdallah]

شكرا لكل الى ردو عليا و الله يبارك فيكم
صاحب المعرض قالى مش هينفع النهاردة و هتيجى بكرة بعد العصر (كده كويس عشان اشوفها فى النور)
شكرا ليكم يا شباب

ياريت تقولنا مواصفاتها ايه وسعرها كام والف مبروك مقدما.

[mmans]

ياريت تقولنا مواصفاتها ايه وسعرها كام والف مبروك مقدما.

الله يبارك فيك

العربية اوتوماتك فاتحة سقف شبورة جنط 15 اشارة مرايات خليجى كاست تاتش dvd كل حاجة و كاميرا خلفية ب 114

[dr_abooody]

بص على الدهنان بتاع العربية في خرابيش في اي حكة خبطة عشان لو كدا عمل محضر بيها

طبعا الكاتلوجات و 2 نسخة مفتاح ووصلة usb و الولاعة كل دة تجيبة


و ربنا يباركلك فيها