عايز رايكم فى الانترا 2007

[magician]

اتوماتك- فرانى ميتالك53000كم - 2 مفتاح ريموت - وحدات رفع - كاست سي دي و usb و DVD PLAYER ,STATION - وسينسور بارك -فرش بيج اصلى - فوجات دى الحالة و رشة حزام عاملة 55000 كم
مطلوب فيها 77000 لية رايكم انا لسة مكشفتش و مش عارف الانترا حلو ولا لا انا لسة طالع من ميجان هاتش باك اتمنى اعرف رايكوم و اكشف على اية فيها ممكن يكون عيب اساسى و شكراااا

[modydosoki]

اسمع ان 2007 كان فيها مشكله في البور انه مش بيفصل عن السرعات العاليه يا ريت تتاكد من الموضوع ده لكن لو عايز رائي في العربيه كا كل العربيه مممتازه عن تجريه وهايله جدا

[magician]

طيب حد عارف موضوع الباور دة اكييييد ولا لا علشان انا بجرى احيانا علشان ربنا يسترها معانا

[KING_LEDO]

معاي 2007 و عاملة 98000 و المشكلة دي اشاعات الشعب المصري

[magician]

معاي 2007 و عاملة 98000 و المشكلة دي اشاعات الشعب المصري

يعنى العربية حلوة اتوكل على اللة ولا اية رايك وقطع الغيار اخبارهااية من فضلك و شكراا لمرورك

[tarekabosdera]

العربية ممتازة لكن احذر من المستعمل وافحصه كويس جدا وخد معاك واحد خبرة في المستعمل وافحصها بالكمبيوتر

وجربها على سرعات عالية وجرب الجير بوكس في الكيك داون.

واكشف على العفشة والكبالن

[magician]

شكرا لردك يا استاذى بس للاسف العربية االى قدامى طلعت مش حلوة حشوف النترا اختها بكرة بس مانيوال :) و ربنا يسهل

[samihanwar]

صح كده اهم حاجه تعملها انك تكشف على العفشه كويس
وتكشف على علبه الدركسيون دى أهم حاجه فى الألنترا بالذات
وبالنسبه لقطع الغيار بتاعتها مليه الدنيا وبلاش تجيب حاجه من التوكيل ده نصب علنى
وتقبل مرورى

[omar-saad]

حضرتك طالع من ميجان
شوف حاجة اوروبى احسن
هاتحس بفرق شاسع

[NiceGoodFair]

فكر في البيجو 207 هاتش باك أو ستيشن لو عاوز عربية عائلية

حاول تستلقط واحدة كده ، لأنها عربية هايلة ، وفيها أوبشنز السلامة كلها

[magician]

صح كده اهم حاجه تعملها انك تكشف على العفشه كويس
وتكشف على علبه الدركسيون دى أهم حاجه فى الألنترا بالذات
وبالنسبه لقطع الغيار بتاعتها مليه الدنيا وبلاش تجيب حاجه من التوكيل ده نصب علنى
وتقبل مرورى

شكرا لردك على موضوعى و شكرا لتنبيهك ليا عن علبة الدركسيون

[magician]

وااللة انا زهقت من الفرنساوى و قرفة الصراحة انا قدامى ميجان هاتشباك ب 55000 بس و مش عارف اجيبها تانى ولا لا

[HamadaMOMO]

معاي 2007 و عاملة40000 و المشكلة دي اشـــــاعـــــــــــــــــــــــــــــــــــــــــ ـــــــــــــــــــــــــات المصريين

[ahmedfd]

معاي 2007 و عاملة 98000 و المشكلة دي اشاعات الشعب المصري

للأسف كلامك مظبوط... كلها إشاعات بدون أي معنى.
باور 2007 هو نفسه باور 2011..
و مفيش حاجة إسمها بيفصل و مبيفصلش ...
الباور بتاع الإلنترا متطور و بتتغير قوة المؤازرة اللي بيديها الموتور الكهربائي بصورة مستمرة real-time حسب سنسورز كتيرة لقياس حالة الطريق و السرعة و لفة الطارة و العزم المقاوم للف العجلة.
يعني بصورة أخرى حتى مش شرط لو العربية واقفة يكون خفيف و ماشية بسرعة يكون تقيل .. لأ ده حتى لو العربية واقفة مثلاً على رملة و الدنيا مهلبية هتلاقي الباور تقيل شوية.