يا جماعة ساعدونى المفتاح الريموت بتاع الفيرنا ضااااااع !!

[ahmedchico]

السلام عليكم و رحمة الله و بركاتة

والله يا جماعة انا حصل معايا موقف غرييييييييييب اوى ....... انا مش هطول عليكم
انا اصلا من القاهرة كنت من يومين فى الاسكندرية بقضى اجازة العيد هناك
المهم ركنت العربية و كنت نازل اشترى حاجات و سايب موبايلى و بقيت فلوسى كلها فى السيارة
المهم عند العودة جيت اطلع المفتاح .... الحمد لله ما لقتوش
و كل حاجتى جوة العربية و النسخة الاحتياطى فى مصـــــــــــــــــر !!

المهم الشباب الاسكندرانية بجد عملو احلى واجب معايا فتحوا العربية و فكوا كالون الشنطة و عملولى مفتاح على رسمة الكالون

بس اول لمما جيت ادور بالمفتاح دة العربية ماكنتش بتتدور ......
جربت كذا مرة مافيش فايدة .... لغاية لما جة واحد شكلة فاهم اووووووووووى قعد يقفل فى الابواب و يفتحها و يقفل اللوك و يفتحة و بعد كدة قالى جرب كدة يا استاذ
بجرب ............... دااااااااريت ( الحمد لله ) ................ على مصر عدل

المهم بقى انا عايز اطلع مفتاح ريموت بدل اللى ضاع ...... هل دة ممكن و يكلفنى كام ؟
و لو عايز اغير الكوالين و الكونتكت بالمفاتيح ............ يتكلفة برضة كام ؟

يا جماعة ياريت تفيدونى علشان الموضوع دة مضايقنى اووووووووووووى

و شكرا مقدما لجميع اعضاء نايل موتورز المحترمين ...

[shiko85]

المهم بقى انا عايز اطلع مفتاح ريموت بدل اللى ضاع ...... هل دة ممكن و يكلفنى كام ؟
و لو عايز اغير الكوالين و الكونتكت بالمفاتيح ............ يتكلفة برضة كام ؟

يا جماعة ياريت تفيدونى علشان الموضوع دة مضايقنى اووووووووووووى

و شكرا مقدما لجميع اعضاء نايل موتورز المحترمين ...

ممكن طبعا, تروح لواحد بتاع مفاتيح و تخليه يغيرلك الطقم كله, باب شنطه كونتكت
هتروح بعد كده عند حد بتاع انذار و هو هيولفلك ريموت من عنده على الجهاز اللى فالعربيه عندك, يبقى كده عملت مفاتيح جديده و ريموت كمان
بس بالنسبه للتكلفه, مش هقدر افيديك

[Ashraf_Ibrahim]

طب ما تاخد رقم المفتاح وتطلع على التوكيل اسهل يدولك مفتاح بريموت على طول بدل ما تعد تغير كوالين العربية ؟!

[shiko85]

طب ما تاخد رقم المفتاح وتطلع على التوكيل اسهل يدولك مفتاح بريموت على طول بدل ما تعد تغير كوالين العربية ؟!

الأحسن انه يغير الكوالين , أمان اكتر

[ahmedchico]

ممكن طبعا, تروح لواحد بتاع مفاتيح و تخليه يغيرلك الطقم كله, باب شنطه كونتكت
هتروح بعد كده عند حد بتاع انذار و هو هيولفلك ريموت من عنده على الجهاز اللى فالعربيه عندك, يبقى كده عملت مفاتيح جديده و ريموت كمان
بس بالنسبه للتكلفه, مش هقدر افيديك

شكرا على ردك ..... بس هى المشكلة ان انا عاوز مفتاح اوريجينال و بجد مش عاوز اى حد يشتغل فى العربية
يعنى عاوز اتعامل مع التوكيـــل للأسف
بس المشكلة فى التكلفة

[ahmedchico]

طب ما تاخد رقم المفتاح وتطلع على التوكيل اسهل يدولك مفتاح بريموت على طول بدل ما تعد تغير كوالين العربية ؟!

اشكرك يا باشا ............ بس هى المشكلة انا مش عارف هيكلفنى كام الموضوع دة ؟؟

[ahmedchico]

الأحسن انه يغير الكوالين , أمان اكتر

هو دة الكلام التمام بس معندكش فكرة الموضوع دة فى التوكيل يتكلف كام ؟

[mohamed_mohsen]

مدام المفاتيح ضاعت منك في إسكندريه إنت قلقان ليه,,,ماحدش هيجيلك من هناك مخصوص و يفتح العربيه عشان يسرقها يعني
شوف بس الموضوع هيتكلف كام في التوكيل بدل ما تلعب في العربيه بره

[shiko85]

هو دة الكلام التمام بس معندكش فكرة الموضوع دة فى التوكيل يتكلف كام ؟

للأسف مش عارف, بس انا اعتقد (وممكن اكون غلطان) ان التكلفه مش كتير قوى علشان العربيه تقفيل مصرى, يعنى مش هيقولك هنبعت نجيبلك مفتاح من بره زى ما بيحصل
و لو حسيت ان المبلغ كبير يبقى ممكن متغيرش حاجه و تعمل نسخه مفتاح فقط مؤقتا

[Ashraf_Ibrahim]

اتصل بيهم واعرف او اعمل ليهم زيارة سريعة
عجبتك التكلفة كان بها -ب س قبل ما تروح تكون عارف تكلفة تغيير الكوالين بالشنطة بالكونتاكت هتتكلف كام معاك وتوليف ريموت برده
وتشوف أيهما أقل ونفذه

[ahmedchico]

اتصل بيهم واعرف او اعمل ليهم زيارة سريعة
عجبتك التكلفة كان بها -ب س قبل ما تروح تكون عارف تكلفة تغيير الكوالين بالشنطة بالكونتاكت هتتكلف كام معاك وتوليف ريموت برده
وتشوف أيهما أقل ونفذه

اشكرك يا باشا على اهتمامك ..... و انا ان شاء الله هعمل كدة فعلا

[Ashraf_Ibrahim]

العفو يا جميل
ربنا يكرمك ان شاء الله وتحل الموضوع بأقل التكاليف الممكنة

[elkomy82]

ممكن حضرتك تبقي تقولنا عملتها فين وبكام

[HOSSAM99]

عليك وعلي التوكيل لو كان غالي شويه بس بيعملوا الحاجه صح وعندهم ميت حل لكل مشكله والمشكله بتتعرض عليهم ميت مره في اليوم

[د.محمود صلاح]

فتحتم العربية والشنطة ازاي ؟ كسرتم زجاج ؟