سيارتي اكسنت 1500 بتقطع في السلانسيه ؟؟؟

[bigo]

الاخوه الكرام / السلام عليكم ورحمة الله
عندي سياره اكسنت 1500 انجيكشن. بتقطع في السلانسيه وزي ما تكون عايزه تقف ... زي ما يكون حد بيشدها من ورا عشان تقف ... وزي ما تكون مبرجله ..
واحيانا مع التقطيع بسمع صوت فرقعه خفيفه من الكبوت بس مش عارف احدد منين بالظبط .
غيرت طقم البيوجهات .. وسلك البيوجهات . ومش عارف المشكله فين بالظبط
رحت عند 2 ميكانيكيه وبرده مافيش فايده .
ارجو ان الاقي عندكم الافاده
شكرا وتقبلوا تحياتي

[LAMBOZ]

وعليكم السلام ورحمة الله وبركاته...
شوف طرومبة البنزين اللي هي ورا تحت الكنبة.ده إذا كانت نفس المشكلة اللي بتحصلي في الأول كانت بعد مشوار بعيد شوية وياسلام إذا في حر شوية ...تلاقي العربية بتنتتيش جامد وبتقطع وتفصل وكل ماتدوس بنزين العربية تفصل و rpm ينزل لتحت وإنت بتدوس بنزين وممكن تفصل...والموضوع ده حصل معايا 3 أو 4 مرات وكل مرة اغير الطرومبة ويتحل.وجرب برده شوف فلتر البنزين وآخر حاجة وإن شاء الله متكونش هي شوف الرشاشات.

شوف كده الحاجات دي وطمني...وبخصوص الطرومبا إذا كانت هي..فـفي منها كذا نوع...واخر حاجة رسيت عليها إن في واحدة ب 140 هي دي أحسن واحدة على كلام الميكانيكي بعد 3 أو 4 مرة ...ربنا يستر أنا لسة مغيرها قبل العيد.

[بحري]

محتاج تنضف دورة البنزين على أي الأحوال
عموما المشكلة بسيطة
نظف دورة البنزين الأول بمنظف من البنزينة وغير الفلتر وهتلاقي الدنيا تمام إن شاء الله..