فرش للنيو اكسنت 2011 من جينز كار

[=ISLAM=]

الحمد لله عملت فرش لعربيتي النيو اكسنت 2011 عند جينز كار والحمد لله الشغل طالع ما شاء الله

انا رحت للمهندس احمد مشعل قبل العيد بيوم واتفقت علي الخامات وكانت عباره عن

جلد اسود (اقرب درجه للون السياره الداخلي) + البانو عملته قماشه زي القطيفه كده لونها رمادي فاتح (برده

اقرب حاجه للون السياره الداخلي) - مرضتشي اعمله كله جلد علشان الحر.

واتفقنا علي السعر واتكلف 1000 ج + يد جلد للهاند بريك ودي كانت هديه.

واتفقنا اني ارحلهم يوم الاربعاء اللي بعد العيد ,

رحت والحمد لله الموضوع تقريبا اخد 4 ساعات وماشاء الله الشغل كويس بس كان ليا ملاحظه كده بخصوص البانو

القطيفه كان في حتت بسيطه زي مايكون مكشكش شويه المهندس احمد طمني وقاللي بعد الاستخدام كله

هايبقي تمام وكده كده لو في اي حاجه اروحلهم في اي وقت.

وكمان طلبت منه اني اعمل فرش جلد للشنطه عندي , الموضوع ماخدشي 5 دقائق (مقاسات+تركيب)

ومن زوق البشمهندس احمد مرضاشي ياخد مني فلوس تاني ,,,, بجد انا متشكر لحضرتك جدا

طبعا + الشماسه الاماميه - معطر جو - فوطه (هديه)

احب اشكر تاني مره المهندس احمد والاستاذ عبد الفتاح لذوقهم وحسن استقبالهم وعلي الشغل العالي


اسيبكم بقي مع الصور

[=ISLAM=]

وده فرش الشنطه

[hazemhassan]

الف مبرووووووك
وجميل جدددا

[alaa74]

أولا ألف مبروك على العربيه وربنا يعطيك خيرها ويكفيك شرها .

ثانيا مبروك على الفرش وهو جميل جدا وبالفعل شغل جينز كار

حقيقى مميز ومتقن وكتير من الاعضاء عملوا فرش عندهم وكل الاراء

أجمعت على دقه وجمال الشغل وتميزة .

[Amro_ON]

فعلا ممتاز جدا ... وتقرير رائع :)

[M.Elsheikh]

ألف مبروك على العربيه و الفرش

[Ashraf_Ibrahim]

مبروك على الفرش
حقيقي جميل جدا
ربنا يكرمك بخيرها دايما يارب

[=ISLAM=]

الف مبرووووووك
وجميل جدددا

الله يبارك فيك وعقبالك

أولا ألف مبروك على العربيه وربنا يعطيك خيرها ويكفيك شرها .

ثانيا مبروك على الفرش وهو جميل جدا وبالفعل شغل جينز كار

حقيقى مميز ومتقن وكتير من الاعضاء عملوا فرش عندهم وكل الاراء

أجمعت على دقه وجمال الشغل وتميزة .

الله يبارك فيك ,هما فعلا شغلهم ما شاء الله

فعلا ممتاز جدا ... وتقرير رائع :)

الله يخليك

ألف مبروك على العربيه و الفرش

الله يبارك فيك

مبروك على الفرش
حقيقي جميل جدا
ربنا يكرمك بخيرها دايما يارب

يارب والله يبارك فيك

[agano]

هو فين جينز كار ده؟

[mohamed_mohsen]

الف مبروك يا باشا
الفرش شكله متميز و مُتقن
ربنا يباركلك في العربيه و في الفرش
تقبل تحياتي

[Karim_Monir]

فرش شكله اكثر من رائع كانه فابريكة فعلا
اما عن ذوقهم ماقدرش اتكلم سواء مهندس احمد او مهندس يوسف الاتنين في منتهي الذوق والاحترام

[wisambasha]

الف مبروك ربنا يباركلك فيه

شكله جميل وجينز كار فعلا ناس محترفة

[ecybrarian]

ما شاء الله شغل جميل..بس تقفيل المسند بين الكرسين الامامي مش قد كدا

[ashraf229]

ما شاء الله روعة.........

[جينز كار]

السلام عليكم ورحمة الله وبركاته

نشكر حضرتك جدا على زوقك واحترامك وتقديرك للشركة ولشغلنا وحقيقى الناس المحترمة

اصبحت قليلة فى الزمن ده حضرتك راجل محترم جدا وبنشكرك وحضرتك اخ لينا تشرفنا فى اى

وقت لو عند حضرتك اى شئ فى سيارتك ...اخوك احمد مشعل مدير شركة جينز كار

والف شكر لجميع الأعضاء الزوق جدا اللى مدحوا فى شغلنا ...

بنشكر كل الاعضاء بأسم كل العاملين بالشركة

احمد مشعل ت/ 0199999753