مشكلة في دريكسيون الانترا 2011

[airman2010]

السلام عليكم و رحمة الله
تحية لجميع أعضاء المنتدى علما بأن هذه مشاركتي الآولى فأرجو سرعة إفادتي بخصوص هذا الموضوع جزاكم الله عنا خيرا
بفضل من الله قمت بشراء الانترا 2011 وعند قيادتي للسيارة على الطريق الدائري "علما بأن الطريق مستوي" لاحظت أن السيارة لكي تسير في خط مستقيم توجد عوجة في الدريكسيون بمقدار 8/1 لفة تقريبا ناحية اليمين علما بأنها على هذا الوضع لا توجد حدفة ناحية اليمين أو اليسار فهل الدريكسيون يحتاج إلى ضبط أم هناك مشكلة في ضبط الزوايا و هل يمكن علاج هذه المشكلة في صيانة 1000 كم .
أرجو من سيادتكم الإفادة و تقبلوا تحياتي

[sibrahim]

بسيطة ان شاء الله - تظبيت زوايا و كله هايبأه تمام - استنى صينة ال 1000 أحسن

[Ashraf_Ibrahim]

دي مش مشكلة دي ظبطة في الدروكسيون بس مش اكتر انما مش محتاجة ظبط زوايا
بس وانت في صيانة الألف قلهم عليها وهيعدلوها ليك ما تقلقش
دا موضوع ابسط مما تتخيل
ربنا يباركلك فيها ويديك خيرها ويكفيك شرها

[modydosoki]

موضوع سهل وان شاء الله يتحل في صيانه الالف كيلو

[power]

قي صيلنه 1000

[gohary1111]

انا لسة بردة شارى الانترا 2011 و عنجى نفس الموضوع

[Sindibad]

الطارة متركبه غلط بس

السلام عليكم

الطارة متركبة غلط بس , بتتطلع من العامود اللى راكبه عليه و تتلف بحيث تبقى عدله , الوكيل يعملها

[lol64]

حاجه تشل بصراحه عيب تقفيل غبى عموما بسيطه والحمد لله انها على دى بس ربنا يباركلك فيها

[sameh.acc]

هههههههههههه الظاهر ان غبور ببينزل العوجة اوبشن فى الالنترا علشان معايا موديل 2008 وعامله 32 الف كيلو وقولتلهم عليها كتيييييييير وعمرها ماتظبطت بس اتعودت عليها ممكن لو ظبطوها دلوقتى معرفش اسوق العربية - بس فيه اعضاء معانا فى المنتدى قالوا انهم واجهوا برضة نفس المشكلة وحلوها بظبط زوايا فى بريدجستون عباس العقاد - متابع باهتمام -