مراية فيرنا شمال

[tamatemo]

السلام عليكم

انا معايا فيرنا 2009 1600 ومن فترة كانت العربية اتخبطت من عربية جامبو "تلات اربع نقل" والمراية اتكسرت

اشتريت كف مراية مرتين ولا مرة فيهم حسيت انه شبة اللي كان راكب


هل المراية الشمال في الفيرنا فيها نفس التحديب الموجود في اليمين ولا هيا مراية عادية خالص زي بتاعت الصالون

ولو هيا كدا فعلا


انا عاوز اركب مراية محدبة في الشمال اعمل ايه؟؟؟

[م. عصام مهنى]

اشترى كف المراية الاصلية بـ 30 جنية تقريبا عندى اى محل قطع غيار
العلبة بيقى فيها كفين
الواحد بــ 30 جنية

[tamatemo]

شكرا يا باشا علي ردك

انا جبتها فعلا وركبتها بس مش نفس اللي كانت نازلة في العربية

ورحت لموزع معتمد لغبور قالي ان كف المراية الاورجينال ب 100 وبعد الخصم ب 85 بس هيا نفس المراية ام 30 او 50


انا بدور علي المراية بنفس درجة التحديب اللي كانت عندي

تبقي كاشفالي الطريق وانا ماشي مش لازم اعرج دماغي واقرب من المراية علشان اشوف اللي ورايا في الشمال

ولا انتا ايه رايك؟

[miky_zeka]

طيب ممكن تجيب مرايا استيراد احسن اه انا معاك انها ممكن تبقي اغلي شويه عشان انت مش محتجها كلها بس ده احسن اقتراح

[zakiali]

هاتها استيراد احسن

[amrsabet]

فى التوكيل فى فرع عماد الدين ب 128 جنيه انا لسه سال عليها امبارح وعندى مشكلتك برده لسه شارى كفه شمال موبيس ب 35 جنيه وحاسس انها بتكبر العربيات اللى ماشيه ورايه اوى
انا قولت امشى بيها شويه بال 35 جنيه اللى انا دفعدتهم وبعدبن ابقى اجيب الاصلى من التوكيل

[mohamed_mohsen]

هاتها استيراد و ريح دماغك

[tamatemo]

انا لقيت واحدة استيراد ب100 جنيه

دا سعرها ولا كدا عالية عليها؟

[Ashraf_Ibrahim]

اعتقد غالية عليها
لأن الكوري اساسا ب 120 -واحد صاحبي شغال في قطع الغيار هو اللي قلي-

[Sh_sunsea]

شئ غريب جدا - انا برضه كنت عامل حادثة من فترة وللصدفة مع عربية جامبو برضه - جات شالتلي الجنب الشمال في لجنة رادار
المهم - استلمتها وفعلا لحد دلوقتي المرايا الشمال الي ركبوهالي مش زي اليمين ومش زي الي كانت راكبة - لحد دلوقتي أحس اني مرووش من كتر ما بتكبر الصورة ومن قلة التفاصيل الي بتظهرها

لو حد عنده حل فعلا يا جماعة ياريت يشاركنا بيه

[tamatemo]

طب والحل

فيه حد يعرف حد ممكن يفصلنا كف مراية وتكون خامته كويسة؟

ولو فيه سعره كام؟؟؟

[obazzz]

نفس المشكلة عندى بردو جبت كفين مراية شمال ونفس الرؤية الغريبة واحدة ب 25 وواحدة ب 30

[tamatemo]

انا كنت امبارح في مركز خدمة معتمد بعمل صيانة والمهندس اللي هناك اعرفه

وخليته يشوف المراية

قالي انها مش مظبوطة وكف المراية اللي عندهم الاصلي ب 120 جنيه

بس كان خلصان