للناس الى بتفهم فى الفيرنااااا الحقووونى

[madkoos]

السلام عليكم يا شباب ....انا صرفت فلوس اد كدة على حاجة فى الفيرنا ولسة محدش وصل للعيب

اول حاجة العربية اوتوماتيك موديل 2006
وانا ماشى بالعربية ادور التكييف بعد شوية القى العربية بتسخن والمؤشر يقف مستقيم للاعلى بتاع الحرارة ولما اقف بالعربية اوقات ينزل شوية واوقات يفضل زى ما هو الى عملتو للعيب كالاتى
1- سلكت الريداتير
2-ظبط المراوح وعملت تشيك عليها
3-فضيت الفريون بتاع الكباس ونظفتو وغيرتو
4-نظفت السربنتينة فى المحطة
5-غيرت الكعان بتاعة خراطيم الماية والحمد لله مفيش تسريب
6-جبت غطاء ريداتير استراد
دة اول حاجة

تانى حاجة العربية وانا على المحور فى اوقات مطالع على الطريق وانا مدور التكييف القى العربية عزمها قل وتروح عملة شفت داون (مسقطة غيار علشان تشد فى المطلع) القى المؤشر يروح رافع بتاع الحرارة

يااا ريت يا جماعة انا اتخنقت من الكلام والفتى بتاع الناس الى مبتفهمش ....انا معتمد عليكم بعد ربنا

وممكن حد يقولى هو المفروض ان ال over drive يكون on ولا off واية لزمتو فى الفيرنا ؟
واية الى ممكن فى الاوتو ماتيك يخلى العزم تعباان؟

[miky_zeka]

متابع ++++++++++

[د.محمود صلاح]

طبيعي ان العربية الأوتوماتيك تسقط نقله في المطالع عشان تسحب ..

زر الأوفر درايف أو السبورت بيثبت السرعة على الغيار الثالث ( ويسقط من الرابع للثالث ) عشان يزود عزم الموتور ويعلى الأر بي إم في حالة اذا ما كنت تريد التسارع بشدة .. وفي حالة القيادة العادية خليه مقفول

بخصوص السخونة رأيي تراجع عمل طلمبة الماء وارتخاء السيور والبلي بتاع السيور وتراجع الكهرباء وتراجع على البوجيهات .

[zakiali]

حاول تشيك علي الأتي :

1- غسيل دورة التبريد
2-نوع سائل التبريد يكون محترم . موبيل مثلا
3- ثيرموستات الحرار
4- المروحة تكون راكبه كويس وفي الاتجاه الصحيح
5- طرمبة المياة سليمه
6- ريش الرادياتير تكون سليمه ومش متنيه
7- شيك علي رجلاش الفرامل ممكن تكون قافشة
8- مية القربة بتنقص ولا بتفور وتغلي ؟
9- الشكمان فيه مشكله ؟ علبة الشكمان ؟ سوسته الشكمان ؟
10- السيور سليمه ؟ سير الكاتينه - الدينامو - المروحه - التكييف ؟

هي دي الأسباب العشرة لسخونه الموتور وقولي عملت ايه يمكن يكون في سبب تاني .. ربنا معاك

[madkoos]

الف شكر على ردكم على الموضوع
اول حاجة يعنى من رايك يا استاذ محمود انى اخلى الover drive مقفول وانا ماشى عادى ورايح مثلا اكتوبر والمشاوير دى؟

تانى حاجة يا استاذ زكى انا عندى متشال ترموستات الحرارة ولو طرمبة المية مش سليمة مش المفروض العربية تسخن من غير تكييف؟
ونفس الشىء لو الفرامل فيها حاجة المفروض انها تسخن من غير تكييف ومية القربة مش بتنقص ولا بتفور واية موضوع سير المروحة دة وهل ممكن الاوفر درايف دة وانا فى المطالع يخلى العربية تحرق على الغيرات وتسقط غيار وتسخن مع التكييف؟ واية عمل سوستت الشكمان؟

معلش يا جماعة انا عارف انى بتعبكو معايا بس بجد حاجة تجنن

[zakiali]

عملت ايه يا باشا

[TAMERHASSAN]

نظف حساس الكرنك وشوف طنبوره الكرنك هل محتاجه تغيير لانها مسؤله عن دوران العربيه مع المرش ممكن يكون عليها تراكمات لانها تساعد على تقليل عزم المتور والتكيف بيحمل على المتور فبيسخن

[ahrambc]

الف شكر على ردكم على الموضوع
اول حاجة يعنى من رايك يا استاذ محمود انى اخلى الover drive مقفول وانا ماشى عادى ورايح مثلا اكتوبر والمشاوير دى؟

تانى حاجة يا استاذ زكى انا عندى متشال ترموستات الحرارة ولو طرمبة المية مش سليمة مش المفروض العربية تسخن من غير تكييف؟
ونفس الشىء لو الفرامل فيها حاجة المفروض انها تسخن من غير تكييف ومية القربة مش بتنقص ولا بتفور واية موضوع سير المروحة دة وهل ممكن الاوفر درايف دة وانا فى المطالع يخلى العربية تحرق على الغيرات وتسقط غيار وتسخن مع التكييف؟ واية عمل سوستت الشكمان؟

معلش يا جماعة انا عارف انى بتعبكو معايا بس بجد حاجة تجنن

فى الغالب ده السبب

[aymanay32]

ممكن اطلب منك طلب صغير

خلى العربية واقفة و افتح الكبوت و شغلها و خليها واقفة و شغل التكييف و شوف الحرارة هتزيد و لا لاء و بص على مروحة الريداتير و شوفها بتشتغل و لا معلقة مبتشتغلش

و كرر الموضوع دة بعد ما تكون جاى من مشوار طويل و الموتور سخن قوى و العربية سخنة



و بعدين فى يوم تانى و العربية باردة افتح غطاء الريداتير و شغل العربية و هوه مفتوح و خلى حد يزود بنزين و يشيل و العربية واقفة و شوف الريداتير هيطلع مياه و لا لاء



و كمان شوف القربة بتاعة المياه مليانه على الاخر و لا لحد العلامة
و بعد مشوار طويل استنى لما تبرد و افتح الغطاء بتاع الريداتير و شوف الميه ناقصة و لا مظبوطة


معلش طلبات كثيرة بس حاول تجربها

[mmmmgogommmm]

الزميل العزيز ----ربنا معاك ويطمنا------------بس لو عملت كل اللى الزملاء قالوا علية ومفيش فايدة وديها التوكيل--------- وباالنسبة للوفر درايف شغلة بعد متعدى سرعة 80 على الطوالى

[ahmedsql]

كان عندي نفس المشلة بالظبط مع التكيف و كان المشكلة ان السربنينة بتاعت التكيف كانت متنية و لزقة في الريداتير (نتيجة حادثة قديمة) و لما ظبطت السربنتينة و خليتها بعدية عن الريداتير راحت المشكلة دي

[bakkarahmed]

واحد صاحب اخويا معاه فيرنا اتو 2007 وبرده فيها نفس المشكله ومغلباه ولف بيها عند كل الميكانيكيه ومحدش عرف سبب العيب والعربيه عامله فقط 30000 كيلو ... والحراره بتعلي في الطريق الطوالي مع التكييف وواح افتي ليه ان ده بسبب شحن فريون زياده وظبطله ضغط الفريون .
بس انا للاسف ماتابعتش القصه بعد كده..
انا كنت ناوي اشتري منه العربيه دي بس لما سمعت انها سخنت منه اكتر من مره خوفت بصراحه..فهل ده ممكن يعتبر عيب في الفيرنا الاوتو ولا دي مجرد مشابهه فقط؟