الحمدلله انهاردة عملت صيانة العشرين الف للالنترا

[top_10group]

كنت حجزت الصيانة فى فرع قليوب بناء على ما قالوه اعضاء المنتدى الكرام من معاملة كويسة ومش زحمة قوى . المهم الميعادكان الساعة 10.45 وانا وصلت 11.15 وفضلت مستنى لحد الساعة 12.30 لما استلمو العربية من شدة الزحام وكان ميعاد الاستلام الساعة 4.30 المهم استلمت العربية الساعة 5 وانا رايح الساعة 11.15
تفاصيل الصيانة كالاتى:
انا كنت هغير زيت 5000 وفلتر طبعا اساسى
وتغيير فلتر الهواء
تغيير طقم بوجيهات

وكنت عامل حسابى اغير فلتر البنزين كمان عشان كان مكتوب فى جدول الصيانة بس قالولى هيتغير فى ال 40 الف

وكان عندى شوية ملاحظات :
تزييق فى الدبرياج
تكة بسيطة فى الدركسيون
والعفشة كانت سايبة

المهم مشكلة الدبرياج اتحلت الحمدلله
وصوت التكة دة لسة موجود بسيط بس قالولى مفيهااش حاجة انا كنت قلقان على علبة ركسيون )
العفشة الحمد لله اتظبطت
الخلاصة انى حسيت بفرق جامد بعد الصيانة (النعومة والفتيس والسحب )
نيجى بقى للاسعار:
زيت 5000 ب 105
فلتر زيت ب 18
فلتر هواء ب 45
طقم بوجيهات ب 48
مصنعيات 276
ضريبة مبيعات 38.7

الاجمالى 530.70

وتحياتى للجميع

[Ashraf_Ibrahim]

مبروك الصيانة يا جميل

انا هروح اعمل صيانة ال 10000 باذن الله على الاسبوع الجاي

[meklad]

مبروك على الصيانه ياباشااااا
انا المفروض اروح اعملها العربيه عدت العشرين دلوقتى بس كان عندى استفسار هيه البوجيهات كانت محتاجه فعلا تتغير ولا لسه شويه عليها لانى اعرف ناس العربيه عامله معايهم 50 الف ولسه مغيروش بوجيهات والعربيه ماشيه معاهم زى اللفل ياريت تقولى لو شفت البوجيه لما اتحل كان محتاج يتغير ولا لأ

[mcml_13]

انا لسه ماعمتلش الصيانة دى بس لما سألت عليها ماحدش جابلى سيرة فلتر الهوا و لا البوجيهات .... اعتقد فلتر الهواء بيتنضف و مش لازم يتغير و البوجيهات بدرى قوى تغييرها فى 20000 ... انا كان معايا لادا و ماكنتش غيرت بوجيهات الا بعد 80000 كيلومتر .... و اعتقد ان الهيونداى انضف بكتير

[mido777]

انا لسه ماعمتلش الصيانة دى بس لما سألت عليها ماحدش جابلى سيرة فلتر الهوا و لا البوجيهات .... اعتقد فلتر الهواء بيتنضف و مش لازم يتغير و البوجيهات بدرى قوى تغييرها فى 20000 ... انا كان معايا لادا و ماكنتش غيرت بوجيهات الا بعد 80000 كيلومتر .... و اعتقد ان الهيونداى انضف بكتير

لما تغيره افضل من تنظيفه وخصوصا ان سعره مش غالى وبيفرق وبيفوق العربية

[tarekabosdera]

فلتر الهوا يفضل يتغير على 20 الف عشان جو القاهرة مش ظريف وكله تراب

البوجيهات طبعا بدري جدا لما تتغير على 20 الف وده اشتغالات المراكز والوكيل
انا عملت صيانة ال 30 كم ومغيرتش البوجيهات لحد دلوقتي والعربية ممتازة . مع ان الراجل قالي المفروض تتغير قلتله لا وعلى مسئوليتي.
وفي الدليل بتتغير على 40 الف كم

فلتر البنزين مكتوب في الدليل انه بيتغير على 60 الف كم
بس اعتقد قدام البنزين بتاع محطات بلدنا اخره 20 الف كم

[meklad]

والله ياشباب انا شايف فعلا لسه بدرى على تغيير البوجيهات والعربيه الحمدلله معايا كويسه اوى حتى استهلاك البنزين العادى معايا على العموم انا رايح ان شاء الله انهارده التوكيل واشوف هيقولى ايه

[top_10group]

على فكرة يا جماعة العربية كانت كويسة جدا بردو معايا قبل الصيانة بس بعد الصيانة حسيت بفرق كانى لسة شاريها انهاردة مش عارف بقى الفرق دة من البوجيهات ولا من فلتر الهواء وعلى فكرة البوجيهات القديمة طالهة محروقة شوية من السن