ابتعد عن الفيرنا انها قاتلة

[Ashraf_Ibrahim]

العنوان مش بيخوف خالص على فكرة

انا جبت فيرنا 2010 يوم 18/5/2010

الحمد لله العربية كويسة جدا

اما عن تاريخ الحوادث بتاعتي

أول حادث كان مع ميتسوبيشي لانسر القرش

انا كنت ماشي على الشمال خالص وهو ماشي قدامه اوتوبيس هيئة وقف فقام كاسر شمال عشان يفادي الاتوبيس فدخلنا انا وهو جنب في جنب

الخسائر:-
1- عندي انا الجريدتين اليمين وقعوا

2- عنده هو المرايا الشمال اتكسرت
خبطات في الباب الامامي والرفرف الامامي


الحمد لله ركبت الجريدتين هي بس الامامية بتقع من وقت للتاني فعايز اعرف هل ممكن اجيب الجريدة الامامية دي لوحدها؟!

انا سألت عليهم وعرفت انهم طقم كامل ب 120 جنيه فعايز منه الجريدة اليمين اللي قدام بس !

الحادث التاني كان النهردة الصبح في طريق صلاح سالم كنت بودي واحد صاحبي المطار
انا ماشي وقدامي عربية اكسنت وقدامها اوكتافيا
الاوكتافيا فرمل ووقف الكسنت طبعا فرمل جامد وراها انا فرملت بس الفرامل ما وقفتنيش
قمت كاسر يمين وحرف اكصدامي الشمال قدامي قام خابط حرف اكصدامه الوراني اليمين بالجنب برده

الخسائر:-
1- عندي انا:-
حكة بسيطة في فانوس الاشارة وحكة بسيطة في الرفرف جنبيه
عملتهم لما وصلت البيت بمنديل مبلل وفوطة مسحته كويس راحت الحكة وكل الامور تمام

2- الاكسنت:-
الاكصدام اتكسر


عشان كدة عايزهم يعلقوا لافتات تحذيرية
ابتعد عن الفيرنا فهي مدمرة ومفترية


المهم ينفع اجيب الجريدة دي لوحدها واللا مش هينفع وهو طقم كامل بس؟!

[darehawk]

ههههههههه عنوان مرعب

[esmatag]

يا عم حرام عليك سيبت ركبي لما قرأت العنوان
ربنا يباركلك فيها و يحميك ويديك خيرها و يكفيك شرها و يبعد عنك الحوادث

[mr_sameh]

ربنا يحميك منها ويباركلك فيها

[Ashraf_Ibrahim]

ههههههههه عنوان مرعب

هو العنوان اللي جه في دماغي بصراحة

بسمع الكل بيقول ان الفيرنا ضعيفة وصاجها تعبان -وانا واحد منهم وبعترف بكدة- بس اللي شفته من عربيتي انها مفترية على الكل

يا عم حرام عليك سيبت ركبي لما قرأت العنوان
ربنا يباركلك فيها و يحميك ويديك خيرها و يكفيك شرها و يبعد عنك الحوادث

اللهم امين يارب
ربنا يكرمك يا جميل

ربنا يحميك منها ويباركلك فيها

اللهم امين يارب
ولكم بالمثل يا سموحة

[mohamed_e36]

ربنا يباركلك فيها ويكفيك شرها و اللي انته بتحكيه ده ستر من عند ربنا اولا

[i_Am_Legend]

ايوة عربية قاتلة_العنوان صح_والسبب غبور مستورد_ووكيل السيارة_العربية دى ما فيهاش فرامل_وبتجرى وخلاص_والسبب_غبور المفترى_لإن العربية دى إنتهت برة من حوالى 5 سنين أو أكتر_وبعدين العربية دى المفروض بتيجى بجنط سبور_عريض_وكاوتش عريض_هو بياخدهم وبينزلها بكاوتش ردئ_وجنط حديد_الفيرنا لازم يركبلها جنط 14_اقل واجب_وتتحول فرامل ورا لسكاكين_اللى عايز يشتريها يعمل حسابة_فى 5 بواكى زيادة_جنوط_وكاوتش_وتعديل الفرامل الخلفية_كدة انا أقدر أقولك_فى أمان الله وربنا يستر طريقك.

[د.محمود صلاح]

ربنا يحفظك من شر الحوادث .. العنوان يخض فعلاً

[meeg]

ربنا يباركلك فيها ويحفظك فى طريقك
على فكره العنوان جامد هيخلى نسبة المشاهده تعلى
ربنا يوفقك

[mcml_13]

ايوة عربية قاتلة_العنوان صح_والسبب غبور مستورد_ووكيل السيارة_العربية دى ما فيهاش فرامل_وبتجرى وخلاص_والسبب_غبور المفترى_لإن العربية دى إنتهت برة من حوالى 5 سنين أو أكتر_وبعدين العربية دى المفروض بتيجى بجنط سبور_عريض_وكاوتش عريض_هو بياخدهم وبينزلها بكاوتش ردئ_وجنط حديد_الفيرنا لازم يركبلها جنط 14_اقل واجب_وتتحول فرامل ورا لسكاكين_اللى عايز يشتريها يعمل حسابة_فى 5 بواكى زيادة_جنوط_وكاوتش_وتعديل الفرامل الخلفية_كدة انا أقدر أقولك_فى أمان الله وربنا يستر طريقك.

اقدر اقول لحضرتك انك غلطاااااااااااااااان
العربية دى بتتصنع فى مصر من الالف للياء ماعدا الموتور و الفتيس بس هما اللى بييجوا من بره .... يعنى غبور مش بيفك الجنوط و لا حاجة

[hugan]

اقدر اقول لحضرتك انك غلطاااااااااااااااان
العربية دى بتتصنع فى مصر من الالف للياء ماعدا الموتور و الفتيس بس هما اللى بييجوا من بره .... يعنى غبور مش بيفك الجنوط و لا حاجة

غلط
نسبه التصنيع المصري المفروض 40%
لكنها لا تصل الي هذه النسبه
المكونات المصري
الكراسي البطاريه الدهان كاوتش النسر ان وجد
اسلاك الضفيره
كاوتش الابواب
الزجاج
اما عدا ذلك فلا يصنع في مصر
لعدم وجود الامكانيات

[bishoy02010]

هههههههههههههههههه العنوان ميتفهمش كده خالص