استهلاك بنزين النيو اكسنت

[z3r0]

عندي نيواكسنت 2011
عملت 2000 كيلو لحد دلوقتي
بس قلقان اوي من استهلام البنزين!

في البداية انا جبت العربية ايام الموجة الحارة فكان استهلاكي للتكييف جامد شوية
و كنت لما بحسب استهلاك البنزين بيديني

من 6 ل 6.5 كيلو في اللتر!!

و بعدين جربت احسب استهلاك البنزين من غير تكييف
كان بيديني 9 ل 9.5 كيلو في اللتر

ده طبيعي؟!

مع العلم ان السواقة في وسط البلد كلها و بالكتير مشاور ولا مشوارين في الاسبوع معادي او محور كبيرهم باجيب 100 ل 120 كلم ماكسيمم

في صيانة الالف الراجل بيقولي قرايات الموتور و الفتيس كله تمام

الاستهلاك ده انا حاسس انه مش طبيعي
ولاايه ؟

[ezzatfox]

لا .. كدة الاستهلاك زيادة عن الطبيعى او حضرتك بتحسب الاستهلاك غلط
جرب تحسب تانى بانك تفول العربية للزور و خد قراية العداد و اعمل 200 - 300 كيلو و فول تانى للزور و شوف خدت اد اية بالظبط و اقسم عدد الكيلومتر على عدد اللترات و قولنا اية الاخبار

[mahmooud135]

كده الاستهلاك غير طبيعيى انا بتعمل معايا جوه البلد 12 كيلو للتر ومن غير تكييف

[z3r0]

طب انا عايز اعرف الاستهلاك الطبيعي كام كيلو في اللتر بالتكييف و من غيره ؟

[ezzatfox]

بالتكييف من 9 الى 10 كيلو فى اللتر
من غير التكييف من 11 الى 12 كيلو فى اللتر

[ahmedabutaleb]

انا بتاخد معايا فى المتوسط 10 كيلو فى الليتر

[Amir_lutfi]

انا بتعمل معايا 235 كم في الصفيحه بالتكييف مع العلم ان معظم مشاويري طوالي ياترى كده كويس ولا ايه؟

[khaled_ali]

انا بتعمل معايا جوة البلد متوسط من 9.5 - 10 كيلو بدون تكييف هل هذا طبيعي