مشكله في النترا 2011

[kan]

بسم الله الرحمن الرحيم
انا عربيتي النرتا موديل 2011
لسه نازل من شويه علشان ادور العربيه وحطيت المفتاح في كوتنكت لقيت كله تمام وبدور لقيت الانوار كلها بتقيد وتطفي ولمض طفت خالص وحتى الانذار صوته اختفى نهائي
على فكره العربيه بقالها 4 ايام متحركتش ممكن يكون ده بسبب البطاريه خصوصا ان فيه شبوره جامده الايام دي
ياريت تساعدوني اصل انا لسه جايبها قريب وخبرتي في العربيات بسيطه اوي

[abosamra]

حل سريع

افصل كابل البطاريه وبعدين رجعه تانى تكون التهنيجه راحت معلش انا معايا النترا 2011 اشتريتها فى شهر 7 - 2010 بس الانذار احيانا بيزمر لوحده وميرضاش يسكت الا بعد اربع او خمس مرات محاوله لغلق الابواب اصل السنتر متركب بايادى مصريه علشان التوفير

[hatem11112000]

بسم الله الرحمن الرحيم
انا عربيتي النرتا موديل 2011
لسه نازل من شويه علشان ادور العربيه وحطيت المفتاح في كوتنكت لقيت كله تمام وبدور لقيت الانوار كلها بتقيد وتطفي ولمض طفت خالص وحتى الانذار صوته اختفى نهائي
على فكره العربيه بقالها 4 ايام متحركتش ممكن يكون ده بسبب البطاريه خصوصا ان فيه شبوره جامده الايام دي
ياريت تساعدوني اصل انا لسه جايبها قريب وخبرتي في العربيات بسيطه اوي

البطارية عايزة تتشحن

[Ahmed Nasser]

البطارية عايزة تتشحن

لو جافة اكشف عليها لو ضاربه ربع اشحنها وحاول تغيرها فى اسر وقت
لان الشتاء هتخليك تكرة حاجة اسمها عربيات وعن تجربة شخصية

[sh_masry]

لو جايبها من خلال التوكيل (قصدى مش خليجى) و ماكملتش ال 40 الف كيلو تروح بيها على ابو رواش و هما هايغيرولك البطاريه على الضمان ......( كلام اكيد و انا عملته بنفسى قبل كده )
و العيب اللى عنك ده عيب البطاريه و عموما البطاريه الجافه لما بتخلص حتى لمبه الأنذار الحمرا اللى بتطفى و تولع دى ما بتشتغلش و بتبقى العربيه مش واصلها كهربا خالـــــــــــــــــــــص .

[samihanwar]

سخن ميه حلو وبعد كده حطها على أقطاب البطاريه الموجب والسالب وبعد كده اربط القواطيش حلو عشان متهربش منك تانى
والكلام ده عن تجربه
وتقبل مرورى

[kan]

البطارية عايزة تتشحن

فعلا
انا جبت توصيله بعربيه تانيهو العربيه الحمد لله اشتغلت
والف شكر على مرور حضرتك

[kan]

لو جايبها من خلال التوكيل (قصدى مش خليجى) و ماكملتش ال 40 الف كيلو تروح بيها على ابو رواش و هما هايغيرولك البطاريه على الضمان ......( كلام اكيد و انا عملته بنفسى قبل كده )
و العيب اللى عنك ده عيب البطاريه و عموما البطاريه الجافه لما بتخلص حتى لمبه الأنذار الحمرا اللى بتطفى و تولع دى ما بتشتغلش و بتبقى العربيه مش واصلها كهربا خالـــــــــــــــــــــص .

طيب انا رايح صيانه 5000 كيلو قريب اوي
حبقى اقلهم على موضوع البطاريه بس انا في غبوور قلي في قليوووب
والف شكر لحضرتك

[kan]

سخن ميه حلو وبعد كده حطها على أقطاب البطاريه الموجب والسالب وبعد كده اربط القواطيش حلو عشان متهربش منك تانى
والكلام ده عن تجربه
وتقبل مرورى

اه انا واحد زميلي قالي موضوع ده وهو عملها مع الاسبرنزا وفعلا العربيه بقت تمام
الف شكر ليك